Hechos 9:13 - Mixteco del suroeste de Tlaxiaco Oaxaca

¹³ Soo nna̱xiníkó Ananías: ―I̱toꞌoꞌ ni̱ꞌ, tésóꞌo ni̱ꞌ kue̱ꞌe̱ꞌ ñɨvɨ káꞌánꞌ jie̱ꞌe̱ꞌ te̱e vá. Nteso̱ꞌo ni̱ꞌ ya̱ kue̱ꞌe̱ꞌ niva̱ꞌa nsa̱ꞌá re̱ꞌ nu̱u̱nꞌ rá ñɨvɨ yɨ́ꞌɨ́ ráa nu̱u̱nꞌ nú nu̱u̱nꞌ ñuunꞌ Jerusalén.

Hechos 9:13 Referans Kwoze

Hechos 8:3

Soo Saulo xínáánꞌ re̱ꞌ grupo rá ñɨvɨ kúneí iniꞌ ráa Jesús, jee kívɨ re̱ꞌ veꞌi ta veꞌi jee siúꞌun re̱ꞌ rá te̱e vá jín rá ñaꞌan vá, jee jiánaka re̱ꞌ ráa veka̱a.

Hechos 9:1

Jee Saulo síúꞌví i̱i̱ꞌ re̱ꞌ ya̱ kaꞌniꞌ re̱ꞌ rá ñɨvɨ yɨ́ꞌɨ́ ráa ichi Jesús. Jee ña̱ꞌa̱nꞌ re̱ꞌ nu̱u̱nꞌ su̱tu̱ꞌ kúñáꞌnú ka̱ꞌ,

Romanos 16:15

Jee ku̱ꞌva rán xá tu̱ꞌun jíkátu̱ꞌún ni̱ꞌ nu̱u̱nꞌ Filólogo jín Julia, jín nu̱u̱nꞌ Nereo jín ku̱ꞌva re̱ꞌ, jín nu̱u̱nꞌ Olimpas, jín nu̱u̱nꞌ nta̱ká rá ñanitáꞌán‑ó ya̱ nsásɨ́ɨ́n Ndiosíꞌ ráa ya̱ yɨ́tíñú ráa nu̱u̱nꞌ I̱toꞌoꞌ‑ó ya̱ nééꞌ jín rává.

Romanos 16:2

Jee sáá kenta ña i̱ña̱ꞌ jee nákutíñú ni̱ꞌ jie̱ꞌe̱ꞌ ña nu̱u̱nꞌ rán sáva nakuatáꞌví rán ña jie̱ꞌe̱ꞌ yɨ́ꞌɨ́ ña nu̱u̱nꞌ Cristo, sánikua̱ꞌ íyó nakuatáꞌví‑ó ñɨvɨ ya̱ nsa̱ꞌá sɨ́ɨ́n Ndiosíꞌ nkene‑e nu̱u̱nꞌ ya̱ niváꞌa sáva kɨtíñú ráa nu̱u̱nꞌ re̱ꞌ. Jee chineí rán ña rénákúvi ya̱ jíniñúꞌún ña ránoꞌó. Chi nchi̱neí nijia ña kue̱ꞌe̱ꞌ víꞌí rá ñɨvɨ, ne̱ suni nuꞌuꞌ ranika̱ꞌ.

Romanos 15:31

sáva ka̱ku ni̱ꞌ xi̱ntíín rá ñɨvɨ ni̱ꞌin iniꞌ nu̱u̱nꞌ Ndiosíꞌ ya̱ rá nééꞌ ñuunꞌ Judea. Jee suni ka̱ka̱nꞌ táꞌvíꞌ rán ya̱ kuva̱ꞌa iniꞌ rá ñanitáꞌán‑ó yɨ́ꞌɨ́ nu̱u̱nꞌ Cristo tɨɨn ráa xu̱ꞌún ya̱ kɨ̱na̱ka ni̱ꞌ ñuunꞌ Jerusalén sáva chineí ránꞌ ráa.

Romanos 1:7

Tée ni̱ꞌ tutuꞌ yaꞌá nu̱u̱nꞌ ránoꞌó ya̱ ñúnúunꞌ Ndiosíꞌ ránoꞌó ya̱ nééꞌ rán ñuunꞌ Roma, ya̱ nkana re̱ꞌ ránoꞌó sáva kusɨ́ɨ́n rán kɨꞌɨ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Hechos 22:4

Nsa̱ꞌá kini ni̱ꞌ rá ñɨvɨ níta ñujiínꞌ Jesús, jee ne̱ sánáaꞌ ni̱ꞌ ya̱ kaꞌniꞌ ráa rá ñɨvɨ vá. Jee niꞌniꞌ ni̱ꞌ ráa, kúvi te̱e kúvi ñaꞌan, jee ña̱na̱ka ni̱ꞌ ráa veka̱a.

Hechos 9:32

Sáá ni̱kónúun Pedro nɨꞌɨ ichi, sukuán nkuvi ya̱ suni ña̱ne̱ꞌyá re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ya̱ nééꞌ ne̱ ñuunꞌ Lida.

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Hechos 9:21

Jee nti̱vɨ́ xíniꞌ rá ñɨvɨ tésóꞌo ya̱ káchíꞌ re̱ꞌ. Jee káchíꞌ ɨɨn inka ráa: ―¿Á nsú te̱e yaꞌá kúvi ya̱ xínáánꞌ‑a rá ñɨvɨ néñu̱ꞌun ráa Jesús, nu̱u̱nꞌ ñuunꞌ Jerusalén, nékui? Jee va̱ji re̱ꞌ yaꞌá, sáva tɨɨn re̱ꞌ ráa, jee kɨ̱na̱ka re̱ꞌ ráa nu̱u̱nꞌ rá su̱tu̱ꞌ kúñáꞌnú ―nkachiꞌ rá ñɨvɨ.

Hechos 9:41

Jee njia̱ꞌa re̱ꞌ naꞌá re̱ꞌ nu̱u̱nꞌ ña, jee nxi̱nákuiñɨꞌ re̱ꞌ ña. Jee nkana re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ne̱ jíꞌín rá ñaꞌan náꞌví, jee nxi̱néꞌénꞌ re̱ꞌ ña nu̱u̱nꞌ ráa ya̱ tékúꞌ ña.

1 Corintios 1:2

tájí ráníꞌ tutuꞌ yaꞌá ya̱ tée ni̱ꞌ nu̱u̱nꞌ ránoꞌó ñɨvɨ kúneí iniꞌ rán Jesús ya̱ yɨ́ꞌɨ́ rán naꞌá Ndiosíꞌ, ya̱ nééꞌ rán nu̱u̱nꞌ ñuunꞌ Corinto. Nsa̱ꞌá sɨ́ɨ́n Ndiosíꞌ ránoꞌó kɨꞌɨ rán nu̱u̱nꞌ Cristo Jesús. Nkana re̱ꞌ ránoꞌó sáva koo sɨ́ɨ́n rán ya̱ nkɨ́ꞌɨ rán ka̱ꞌ nu̱u̱nꞌ kua̱chi rán jee kɨꞌɨ rán naꞌá Cristo Jesús, sánikua̱ꞌ nsa̱ꞌá re̱ꞌ jín ntáká rá ñɨvɨ nééꞌ nta̱ká nu̱u̱nꞌ ya̱ kákua̱chi ráa nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu ya̱ kúvi re̱ꞌ Cristo. Kúvi re̱ꞌ I̱toꞌoꞌ ráa jín I̱toꞌoꞌ‑ó.

1 Corintios 6:5

Káchíꞌ ni̱ꞌ jie̱ꞌe̱ꞌ rá tiñu yaꞌá nu̱u̱nꞌ rán sáva koo tu̱nkánuun rán. ¿Á ntu̱ví ni ɨɨn te̱e ya̱ ñúꞌún kájí xi̱ni̱ꞌ re̱ꞌ nteñu rán, ya̱ kuvi keꞌneꞌ re̱ꞌ kua̱chi jie̱ꞌe̱ꞌ rá ñanitáꞌán re̱ꞌ?

1 Corintios 14:33

Chi Ndiosíꞌ chi ntu kúvi re̱ꞌ Ndiosíꞌ ya̱ sísákánuun re̱ꞌ xi̱ni̱ꞌ‑ó, chisaꞌ sáꞌá re̱ꞌ ya̱ nééꞌ ñunkúún‑ó jín ɨɨn inka‑ó. Kuéntáꞌ sáꞌá‑ó iniꞌ ntáká rá grupo ñɨvɨ kúneí iniꞌ ráa Cristo ya̱ nsa̱ꞌá sɨ́ɨ́n re̱ꞌ yɨ́ꞌɨ́ ráa nu̱u̱nꞌ Ndiosíꞌ,

1 Corintios 16:1

Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Filipenses 4:22

Nɨꞌɨ rá ñɨvɨ ya̱ nsa̱ꞌá sɨ́ɨ́n Ndiosíꞌ, ya̱ yɨ́ꞌɨ́ ráa nu̱u̱nꞌ re̱ꞌ, táji ráa tu̱ꞌun jíkátu̱ꞌún ráa ránoꞌó, jee saꞌ víꞌí káꞌ sava rá ñɨvɨ vá ya̱ yɨ́ꞌɨ́ veꞌi te̱e tátúníꞌ nu̱u̱nꞌ nɨꞌɨ rá ñuunꞌ tɨ́ɨn ñuunꞌ Roma.

Colosenses 1:2

tájí ránꞌ tutuꞌ yaꞌá kua̱jiaaꞌ nu̱u̱nꞌ ránoꞌó ñaniꞌ, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Colosas, ya̱ kúvi rán ñaniꞌ‑ó ya̱ síkúnkuvi na̱a̱ꞌ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ [jín I̱toꞌoꞌ‑ó Jesús ya̱ kúvi Cristo] kune̱ꞌyá ráa ránoꞌó, jín ya̱ kuneeꞌ va̱ꞌa rán saꞌá ráa.

Hebreos 13:24

Ku̱ꞌva rán tu̱ꞌun káva̱ꞌa nu̱u̱nꞌ ntáká rá te̱e yósóꞌ nu̱u̱nꞌ rán, jín nu̱u̱nꞌ ntáká rá ñɨvɨ yɨ́ꞌɨ́ nu̱u̱nꞌ Ndiosíꞌ. Jee rá ñanitáꞌán Italia suni chúichí ráa tu̱ꞌun káva̱ꞌa nu̱u̱nꞌ ránoꞌó.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.