Hechos 8:36 - Mixteco del suroeste de Tlaxiaco Oaxaca

³⁶ Jee ni kua̱ꞌa̱nꞌ ráa ichi, jee nkenta ráa nu̱u̱nꞌ ñúꞌún nute. Jee nkachiꞌ te̱e nísotíñú vá: ―¡Kune̱ꞌyá nute vá! ¿Á íyó ya̱ chúsává ya̱ kuanuté ni̱ꞌ?

Hechos 8:36 Referans Kwoze

Hechos 10:47

I̱ña̱jée nkachiꞌ Pedro: ―¿Á kúvi kasɨꞌ néni ɨɨn ñɨvɨ ya̱ kuanuté rá ñɨvɨ yaꞌá jín nute, ya̱ nkívɨ Ta̱chi̱ꞌ Ííꞌ iniꞌ ráa kuéntáꞌ nkívɨ re̱ꞌ ránuꞌuꞌ, résa? Ntu̱ví.

Juan 3:23

Jee suni síkuánuté Juan rá ñɨvɨ nu̱u̱nꞌ ñuunꞌ Enón, ya̱ káá yatin ñuunꞌ Salim, chi íyó kue̱ꞌe̱ꞌ víꞌí nute yukuán, jee jiáꞌánꞌ rá ñɨvɨ yukuán jiánuté ráa.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

1 Juan 5:6

Jee suvire̱ꞌ kúvi Jesús ya̱ nkiji re̱ꞌ jee túvi ya̱ kúvi re̱ꞌ Cristo sáá ña̱nuté re̱ꞌ jín nute, jee ñatɨ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó. Jee nsáꞌ kua̱chi kuitɨꞌ ña̱nuté re̱ꞌ jín nute, chisaꞌ suni ñatɨ ni̱ñɨ̱ꞌ re̱ꞌ nu̱u̱nꞌ kurúsiꞌ. Jee máá Ta̱chi̱ꞌ Ííꞌ Ndiosíꞌ ví ya̱ jiáꞌa ya̱ naáꞌ jie̱ꞌe̱ꞌ yaꞌá, chi mánitu̱ꞌun íyó na̱a̱ꞌ ñúꞌún iniꞌ re̱ꞌ.

Mateo 3:6

Jee sáá néne yuꞌú ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ ntekáꞌnú Jordán.

Mateo 3:11

’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Hechos 8:37

[Jee nkachiꞌ Felipe nu̱u̱nꞌ‑u: ―Kuvi, retú ínúꞌ iniꞌ nú jín nɨꞌɨ ne̱ ánímaꞌ nú. Jee nkachiꞌ te̱e nísotíñú: ―Ínúꞌ iniꞌ ni̱ꞌ ya̱ Se̱ꞌya Ndiosíꞌ ví Jesús ya̱ kúvi Cristo.]