Hechos 8:22 - Mixteco del suroeste de Tlaxiaco Oaxaca

²² Saájee nakani iniꞌ nú ya̱ ni̱váꞌa yaꞌá ya̱ ñúꞌún iniꞌ nú. Jee ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó ya̱ sa̱naanꞌ kunekáꞌnú iniꞌ re̱ꞌ jie̱ꞌe̱ꞌ ya̱ ñúꞌún iniꞌ ánímaꞌ nú.

Hechos 8:22 Referans Kwoze

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Hechos 9:11

Jee nkachiꞌ I̱toꞌoꞌ‑ó nu̱u̱nꞌ re̱ꞌ: ―Nako̱o jee kuáꞌán nú nu̱u̱nꞌ ichi naní Ichi Naáꞌ. Jee iniꞌ veꞌi Judas, nanukú nú ɨɨn te̱e ñuunꞌ Tarso, naní Saulo. Jee káꞌánꞌ re̱ꞌ jín Ndiosíꞌ.

Apoclipsis 2:21

Jee ya̱ njia̱ꞌa ni̱ꞌ tiempúꞌ sáva nakani iniꞌ ña, soo ni ntu kuíni ña nakani iniꞌ ña xinóo ña ya̱ sáꞌá téní ña.

Hechos 8:20

Soo nkachiꞌ Pedro nu̱u̱nꞌ re̱ꞌ: ―¡Naanꞌ xu̱ꞌún nú jín nú! Chi jiáni iniꞌ nú ya̱ keꞌen nú jín xu̱ꞌún nú ta̱ꞌvi̱ꞌ síkútaꞌviꞌ Ndiosíꞌ.

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Jonás 3:9

’Sa̱naanꞌ jee nákani iniꞌ Ndiosíꞌ jee ntu ki̱tɨ̱ꞌ iniꞌ re̱ꞌ ka̱ꞌ jee nsáꞌá re̱ꞌ ya̱ káchíꞌ re̱ꞌ, sáva ntu kuviꞌ‑ó ―nkachiꞌ te̱e tátúníꞌ nu̱u̱nꞌ ráa.

Jonás 1:6

Jee te̱e tátúníꞌ nu̱u̱nꞌ rá te̱e síkáka barkúꞌ vá, nna̱niꞌinꞌ re̱ꞌ Jonás nu̱u̱nꞌ káá re̱ꞌ kíxíꞌ naanꞌ re̱ꞌ jee nkachiꞌ‑i nu̱u̱nꞌ re̱ꞌ: ―¿Na̱ja kúvi kíxíꞌ naanꞌ nú? ¡Nako̱o!, jee ka̱ka̱nꞌ táꞌvíꞌ nú nu̱u̱nꞌ Ndiosíꞌ nú. Sa̱naanꞌ jee kunáꞌví iniꞌ re̱ꞌ kune̱ꞌyá re̱ꞌ yó, sáva ntu kuviꞌ‑ó ―nkachiꞌ‑i.