Hechos 6:15 - Mixteco del suroeste de Tlaxiaco Oaxaca

¹⁵ Jee nɨꞌɨ rá te̱e nééꞌ nu̱u̱nꞌ Justicia jee sáá nna̱kune̱ꞌyá va̱ꞌa ráa nu̱u̱nꞌ Esteban, jee niniꞌ ráa ya̱ ntúvi nu̱u̱nꞌ re̱ꞌ kuéntáꞌ túvi nu̱u̱nꞌ ɨɨn najiáꞌáꞌ ííꞌ Ndiosíꞌ.

Hechos 6:15 Referans Kwoze

Mateo 13:43

Saájee rá ñɨvɨ kino̱o na̱a̱ꞌ sáꞌá Ndiosíꞌ, jee na̱tuunꞌ nuva ráa kujianu̱te̱ꞌ ráa kuéntáꞌ kua̱ꞌ nka̱niiꞌ, nuñáꞌnú ráa xi̱ntíín Tátáꞌ ráa Ndiosíꞌ, sáá kenta tatúníꞌ re̱ꞌ nu̱u̱nꞌ nɨꞌɨ. Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Mateo 17:2

Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa, chi jiánu̱te̱ꞌ víꞌí nu̱u̱nꞌ re̱ꞌ kuéntáꞌ nuva nka̱niiꞌ, jee saꞌma re̱ꞌ máá yaa nnuvi‑i kuéntáꞌ nuva ñuꞌunꞌ.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Marcos 8:25

Saájee ntee tuku Jesús naꞌá‑a nu̱u̱nꞌ rá nchinúún te̱e kuáá vá jee nxi̱núvi re̱ꞌ maa. Jee va̱ꞌa nne̱ꞌyá‑a, saájee kájíkuitɨꞌ nna̱kune̱ꞌyá‑a nɨꞌɨ.

Hechos 7:1

Jee maá su̱tu̱ꞌ kúñáꞌnú ka̱ꞌ nkachiꞌ nu̱u̱nꞌ Esteban: ―¿A suꞌva kúvi nijia yaꞌá?