Hechos 5:19 - Mixteco del suroeste de Tlaxiaco Oaxaca

¹⁹ Soo yakuááꞌ, ɨɨn najiáꞌáꞌ ííꞌ I̱toꞌoꞌ‑ó nsine yuvékáa, jee ntavaꞌ re̱ꞌ rává. Jee nkachiꞌ re̱ꞌ nu̱u̱nꞌ ráa:

Hechos 5:19 Referans Kwoze

Hechos 16:26

Sa̱naanꞌ jee nta̱an nasɨ́kuitɨꞌ ne̱ nkisɨ nu̱u̱nꞌ nsamaꞌ jie̱ꞌe̱ꞌ veka̱a. Jee va̱ꞌa̱ni jee nine nɨꞌɨ rá yuvékáa, jee nna̱najiꞌ maá rá ka̱a nnuꞌniꞌ ntáká rá yɨ́ꞌɨ́ veka̱a.

Hechos 27:23

Chi yakuááꞌ vitan nkitu̱vi ɨɨn najiáꞌáꞌ ííꞌ Ndiosíꞌ, ya̱ kúvi I̱toꞌoꞌ ni̱ꞌ ya̱ sátíñú ni̱ꞌ nu̱u̱nꞌ re̱ꞌ.

Hechos 8:26

Jee kuíre ɨɨn najiáꞌáꞌ ííꞌ Ndiosíꞌ nkachiꞌ re̱ꞌ nu̱u̱nꞌ Felipe: ―Nakuiñɨꞌ jee kuáꞌán ichi sur ichi kuáꞌánꞌ ne̱ ñuunꞌ Jerusalén jín ne̱ ñuunꞌ Gaza, jee ichi vá jiáꞌa‑a nu̱u̱nꞌ ñu̱ꞌún saɨn.

Mateo 1:20

Jee ni jiáni iniꞌ re̱ꞌ ya̱ saꞌá re̱ꞌ sukuán, jee nu̱u̱nꞌ ñuma̱ꞌná re̱ꞌ ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ jee nkachiꞌ‑i nu̱u̱nꞌ re̱ꞌ: ―José, noꞌó ichiyúkúnꞌ tataꞌ veꞌi David, koto yúꞌví nú keꞌen nú María kuvi ña ñasɨ́ꞌɨ́ nú, chi Se̱ꞌya ya̱ nna̱nise̱ꞌya ña va̱ji‑i ne̱ nu̱u̱nꞌ Ta̱chi̱ꞌ Ííꞌ Ndiosíꞌ.

Lucas 1:11

Jee nkitu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ Zacarías íñɨ́‑ɨ ichi kuáꞌá nekaꞌ lúlí nu̱u̱nꞌ káyúꞌ su̱jie vá.

Mateo 1:24

Jee sáá nnoto José ya̱ kíxíꞌ re̱ꞌ, jee nsa̱ꞌá re̱ꞌ sánikua̱ꞌ nta̱túníꞌ najiáꞌáꞌ ííꞌ I̱toꞌoꞌ‑ó nu̱u̱nꞌ re̱ꞌ, jee nkeꞌen re̱ꞌ ña kuvi ña ñasɨ́ꞌɨ́ re̱ꞌ.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Mateo 2:19

Jee sáá ni̱ꞌi̱ꞌ Herodes, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José ne̱ nu̱u̱nꞌ nééꞌ re̱ꞌ ñuꞌun Egipto, jee nkachiꞌ‑i:

Mateo 28:2

Jee sa̱naanꞌ kuitɨꞌ, jee nkiji ñutáan níꞌin nasɨ́kuitɨꞌ, chi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ nki̱kuun antivɨ́ súkún, jee ña̱kuyatin‑i yuꞌú yaviꞌ, jee nsi̱káka xíín‑i yu̱u̱ꞌ násɨ́ꞌ yuꞌú kava vá, jee ña̱kuneeꞌ‑e nu̱u̱nꞌ yu̱u̱ꞌ vá.

Lucas 2:9

Jee sa̱naanꞌ ni ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ nu̱u̱nꞌ ráa, jee nuva I̱toꞌoꞌ‑ó Ndiosíꞌ nchu̱ti̱yu̱ꞌ ñuꞌunꞌ jiánu̱te̱ꞌ‑e ráa, jee nyu̱ꞌví nasɨ́kuitɨꞌ ráa.

Hechos 10:3

Jee ɨɨn ki̱vɨ̱ꞌ, kájíkuitɨꞌ niniꞌ re̱ꞌ ɨɨn ya̱ nxi̱nénu̱u̱nꞌ Ndiosíꞌ re̱ꞌ, nɨ́ɨ́n kau̱ni̱ꞌ yánini. Jee nki̱vɨ ɨɨn najiáꞌáꞌ ííꞌ Ndiosíꞌ nu̱u̱nꞌ nééꞌ re̱ꞌ, jee nkachiꞌ‑i nu̱u̱nꞌ re̱ꞌ: ―¡Cornelio!

Hechos 12:23

Jee máá hora yukuán, nsi̱kúꞌvíꞌ ɨɨn najiáꞌáꞌ ííꞌ I̱toꞌoꞌ‑ó Herodes. Nsa̱ꞌá Ndiosíꞌ suꞌva chi ntu nnákuetúꞌún re̱ꞌ Ndiosíꞌ jee njia̱ꞌa re̱ꞌ nna̱kuetúꞌún ráa re̱ꞌ nsú káꞌ Ndiosíꞌ. Jee nyajiꞌ rá ti̱na̱kú re̱ꞌ, jee ni̱ꞌi̱ꞌ re̱ꞌ.