Hechos 3:26 - Mixteco del suroeste de Tlaxiaco Oaxaca

²⁶ Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.

Hechos 3:26 Referans Kwoze

Mateo 1:21

Jee staꞌvíꞌ ña ɨɨn su̱chí yɨ́ɨ́, jee sikúnání nú maa Jesús. Chi maáréꞌ natavaꞌ re̱ꞌ rá ñɨvɨ re̱ꞌ nu̱u̱nꞌ kua̱chi ráa sikáku re̱ꞌ ráa ―nkachiꞌ najiáꞌáꞌ ííꞌ vá.

Hechos 3:22

Sukuán nkachiꞌ Moisés nu̱u̱nꞌ rá jííꞌ yanaꞌán‑ó: Kani I̱toꞌoꞌ‑ó Ndiosíꞌ ɨɨn te̱e kuéntáꞌ nuꞌuꞌ, ya̱ nakani re̱ꞌ tu̱ꞌun kene yuꞌú Ndiosíꞌ. Tavaꞌ re̱ꞌ te̱e vá nteñu ñaniꞌ rán jee kani re̱ꞌ maa. Tɨɨn rán nɨꞌɨ ya̱ kachiꞌ re̱ꞌ nu̱u̱nꞌ rán.

Judas 1:24

Saájee nákuetúꞌún ni̱ꞌ Ndiosíꞌ chi maáréꞌ ví ya̱ níso fuersáꞌ ííꞌ jee kuvi kumí re̱ꞌ yó sáva ntu kininkava‑órán nu̱u̱nꞌ kua̱chi, jee kuvi saꞌá re̱ꞌ ya̱ nkóo téꞌén si̱kɨ̱ꞌ‑ó sáá kuiñɨ‑ó ichinúúnꞌ re̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú re̱ꞌ, jee kusɨ̱ɨ̱ꞌ víꞌí iniꞌ‑ó jín re̱ꞌ.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Hechos 3:25

Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

1 Pedro 1:3

Na̱ ka̱ꞌ nakuetúꞌún‑ó Ndiosíꞌ ya̱ kúvi re̱ꞌ Tátáꞌ I̱toꞌoꞌ‑ó Jesús ya̱ kúvi Cristo, chi jie̱ꞌe̱ꞌ ntántúníꞌ nasɨ́kuitɨꞌ náꞌví iniꞌ re̱ꞌ yó, jee nsama re̱ꞌ iniꞌ‑ó nna̱sikáku jiáá re̱ꞌ yó jee íyó kutú tu̱neí iniꞌ‑ó nétu‑ó kutekuꞌ‑ó nɨ́ɨ́nkání jín re̱ꞌ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nene re̱ꞌ nteñu rá níyɨ.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

Romanos 15:29

Jee jíníꞌ ni̱ꞌ ya̱ netuꞌ noo kuvi nta̱ká‑ó sáá kenta ni̱ꞌ yukuán kuneeꞌ ni̱ꞌ jín rán nakani ni̱ꞌ tu̱ꞌun váꞌa Cristo.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Hechos 3:15

Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa.

Hechos 2:24

Soo Ndiosíꞌ nxi̱nátekuꞌ i̱i̱ꞌ maa jee nxi̱nákóo re̱ꞌ ñunéꞌyúꞌ‑u, jee suꞌva nna̱kani núne Ndiosíꞌ re̱ꞌ nu̱u̱nꞌ tu̱nóꞌó ntaꞌanꞌ re̱ꞌ sáá ni̱ꞌi̱ꞌ re̱ꞌ. Chi ntu̱náꞌ íyó ya̱ kuneí kua̱xin‑i re̱ꞌ ya̱ kino̱o re̱ꞌ kuéntáꞌ ni̱yɨ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

1 Pedro 3:9

Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 3:20

Jee suni chuichí re̱ꞌ Cristo Jesús, ya̱ ñani ya̱chi̱ꞌ re̱ꞌ maa, sáva kuvi‑i ya̱ váꞌa nu̱u̱nꞌ ránoꞌó.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Mateo 15:24

Saájee nna̱xiníkó Jesús jee nkachiꞌ re̱ꞌ: ―Ntu nchúichí Ndiosíꞌ nuꞌuꞌ nu̱u̱nꞌ inka ñɨvɨ, chisaꞌ nchu̱ichí re̱ꞌ nuꞌuꞌ va̱ji ni̱ꞌ kua̱chi sáni nu̱u̱nꞌ rá ñɨvɨ ñuunꞌ Israel rá kúvi kuéntáꞌ rá lanchi ya̱ nsu̱kuíta ráa maáráa nu̱u̱nꞌ I̱toꞌoꞌ ráa ―nkachiꞌ Jesús.

Juan 4:22

Ránoꞌó ñɨvɨ Samaria ntu jíníꞌ rán né ɨɨn vá néñu̱ꞌun rán. Soo ránuꞌuꞌ ñɨvɨ Israel jíníꞌ ránꞌ ná kúvi ya̱ néñu̱ꞌun ránꞌ, chi ya̱ nanitáꞌvíꞌ ñɨvɨ va̱ji ne̱ nu̱u̱nꞌ ránuꞌuꞌ ñɨvɨ Israel.

Hechos 2:32

Nxi̱nátekuꞌ i̱i̱ꞌ Ndiosíꞌ Jesús yaꞌá jee nxi̱nákóo re̱ꞌ ñunéꞌyúꞌ‑u. Jee ntáká ráníꞌ nákúꞌva ya̱ naáꞌ jie̱ꞌe̱ꞌ vá nu̱u̱nꞌ nɨꞌɨ ñɨvɨ, chi niniꞌ ránꞌ maa.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

Romanos 15:8

Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ.