Hechos 3:25 - Mixteco del suroeste de Tlaxiaco Oaxaca

²⁵ Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

Hechos 3:25 Referans Kwoze

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Hechos 2:39

Nchi̱sóyuꞌú Ndiosíꞌ saꞌá re̱ꞌ yaꞌá nu̱u̱nꞌ rán, jín nu̱u̱nꞌ rá se̱ꞌya rán, jín nu̱u̱nꞌ nta̱ká rá íyó íká, nu̱u̱nꞌ nta̱ká ñɨvɨ ya̱ kana I̱toꞌoꞌ‑ó Ndiosíꞌ ráa ki̱vɨ ráa nu̱u̱nꞌ re̱ꞌ ―nkachiꞌ Pedro.

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Apoclipsis 7:9

Jee sáá nkuvi yaꞌá, jee nna̱kune̱ꞌyá ni̱ꞌ, jee niniꞌ ni̱ꞌ kue̱ꞌe̱ꞌ víꞌí rá ñɨvɨ, ya̱ ni ɨɨn ñɨvɨ nsúkua kuneí‑i kaꞌvi‑i ráa. Va̱ji ráa nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa. Jee íñɨ́ ráa yuꞌú teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ maáréꞌ ya̱ kúvi re̱ꞌ Lanchi Lúlí vá. Jee ñúꞌún ráa saꞌma kuíjín, jee ínaꞌá ráa naꞌá yu̱ku̱ñu̱u̱nꞌ.

Gálatas 3:16

Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

Romanos 4:13

Chi nchi̱sóyuꞌú Ndiosíꞌ ta̱ꞌvi̱ꞌ nu̱u̱nꞌ Abraham jín nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ re̱ꞌ ya̱ ni̱ꞌi̱nꞌ ráa nɨꞌɨ ñuꞌun ñɨ̱vɨ́ yaꞌá. Jee nchi̱sóyuꞌú Ndiosíꞌ maa nsú jie̱ꞌe̱ꞌ nsi̱kúnkuvi Abraham tu̱ꞌun ley ya̱ nta̱túníꞌ Ndiosíꞌ ya̱ njia̱ꞌa‑a nu̱u̱nꞌ Moisés, chisaꞌ jie̱ꞌe̱ꞌ kínóo na̱a̱ꞌ re̱ꞌ ya̱ váji ne̱ nu̱u̱nꞌ kúneí iniꞌ re̱ꞌ Ndiosíꞌ.

Gálatas 3:29

Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.

Génesis 28:14

Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Génesis 26:4

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 20:7

Saáva naxiníkó nú ñasɨ́ꞌɨ́ te̱e vá nu̱u̱nꞌ re̱ꞌ chi te̱e vá kúvi te̱e nákani tu̱ꞌun kéne yuꞌú máá maá ni̱ꞌ, jee ka̱ka̱nꞌ táꞌvíꞌ re̱ꞌ jie̱ꞌe̱ꞌ nú jee kutekuꞌ nú. Soo retú nnákúꞌva nú ña, jee kuniꞌ nú ya̱ kuviꞌ nijia nú jín ntáká rá táꞌán nú ―nkachiꞌ Ndiosíꞌ nu̱u̱nꞌ Abimelec.

Génesis 17:19

Soo nkachiꞌ Ndiosíꞌ: ―Sara ya̱ kúvi ñasɨ́ꞌɨ́ nú sikáku ña ɨɨn se̱ꞌya yɨ́ɨ́ nú, jee sikúnání nú súví‑i Isaac, jee kakɨnꞌ ni̱ꞌ tratúꞌ ni̱ꞌ jín‑i ya̱ kúvi tratúꞌ ya̱ kino̱o nɨ́ɨ́nkání jín rá ichiyúkúnꞌ‑u ya̱ kiji tiempúꞌ ichinúúnꞌ.

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.

Romanos 15:8

Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Lucas 1:72

sáva kunáꞌví iniꞌ re̱ꞌ rá jííꞌ‑ó yanaꞌán, ya̱ nákúꞌun iniꞌ re̱ꞌ jie̱ꞌe̱ꞌ tratúꞌ ííꞌ nsa̱ꞌá re̱ꞌ sáva sikúnkuvi re̱ꞌ maa.

Génesis 18:18

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.