Hechos 3:17 - Mixteco del suroeste de Tlaxiaco Oaxaca

¹⁷ ’¡Soo, ránoꞌó ñaniꞌ! Jíníꞌ ni̱ꞌ ya̱ nsa̱ꞌá naanꞌ rán maa, suni sukuán rá te̱e néetiñu rán.

Hechos 3:17 Referans Kwoze

Lucas 23:34

Soo nkachiꞌ Jesús: ―Tááꞌ ni̱ꞌ, kunekáꞌnú iniꞌ nú kune̱ꞌyá nú ráa, chi ntu̱ví jíníꞌ ráa na̱ kúvi ya̱ sáꞌá ráa ―nkachiꞌ re̱ꞌ. Jee tásáva ráa saꞌma re̱ꞌ nu̱u̱nꞌ ɨɨn inka ráa jee nsi̱kɨ́ ráa suertéꞌ sáva tasáva ráa maa.

Hechos 13:27

Jee rá ñɨvɨ nééꞌ ñuunꞌ Jerusalén jín rá te̱e kúñáꞌnú nu̱u̱nꞌ ráa, ntu nnákuniꞌ ráa ya̱ Jesús ví ya̱ ñani Ndiosíꞌ sáva xinánitáꞌvíꞌ re̱ꞌ yó. Jee ntu ñáku̱ꞌun iniꞌ ráa tu̱ꞌun nkachiꞌ rá te̱e nna̱kani tu̱ꞌun nkene yuꞌú Ndiosíꞌ ya̱ níso nu̱u̱nꞌ Tutuꞌ, sú káꞌvi ráa tu̱ꞌun vá ta rá ki̱vɨ̱ꞌ nájiáví. Sú ntu jíníꞌ ráa ná kúvi ya̱ sáꞌá ráa, nsi̱kúnkuvi ráa ya̱ káchíꞌ tu̱ꞌun vá, sáá nsa̱náaꞌ ráa ya̱ kaꞌniꞌ ráa maa.

1 Corintios 2:8

Jee ni ɨɨn te̱e kúñáꞌnú ya̱ nísotíñú iniꞌ ñɨ̱vɨ́ yaꞌá tiempúꞌ vitan, ntu̱ví ña̱ku̱ꞌun iniꞌ ráa tu̱ꞌun níchí Ndiosíꞌ ya̱ káꞌánꞌ jie̱ꞌe̱ꞌ Cristo. Chi retánꞌ ña̱ku̱ꞌun iniꞌ ráa maa, jee yukuán jee nka̱ꞌníꞌ ráa I̱toꞌoꞌ‑ó Cristo nékúvi, ya̱ maáréꞌ vá viiꞌ nasɨ́kuitɨꞌ kúñáꞌnú nu̱u̱nꞌ nɨꞌɨ.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

Romanos 11:2

Ntu nku̱ichi iniꞌ Ndiosíꞌ rá ñɨvɨ re̱ꞌ, ya̱ niniꞌ ya̱chi̱ꞌ re̱ꞌ iniꞌ ráa nka̱ji ya̱chi̱ꞌ re̱ꞌ ráa. Áxí, ¿á ntu jíníꞌ ránú ná káchíꞌ tu̱ꞌun níso nu̱u̱nꞌ Tutuꞌ Ííꞌ jie̱ꞌe̱ꞌ Elías? Káchíꞌ nu̱u̱nꞌ Tutuꞌ Ííꞌ na̱sa nkakua̱chi Elías nu̱u̱nꞌ Ndiosíꞌ nkenta re̱ꞌ si̱kɨ̱ꞌ rá ñɨvɨ Israel, jee nkachiꞌ re̱ꞌ:

Hechos 26:9

’I̱ña̱jée nékúvi ñúꞌún iniꞌ ni̱ꞌ, ya̱ íyó saꞌá kini víꞌí ni̱ꞌ si̱kɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús, te̱e ñuunꞌ Nazaret.

Hechos 7:40

Nkachiꞌ ráa nu̱u̱nꞌ Aarón: “Saꞌá inka rá ndiosíꞌ, sáva kosoꞌ ráa nu̱u̱nꞌ‑ó. Chi Moisés yaꞌá ya̱ ntavaꞌ re̱ꞌ yó ne̱ nación Egipto, ntu jíníꞌ ránꞌ ná nkuvi jín re̱ꞌ”, nkachiꞌ ráa.

Juan 7:52

Jee nna̱xiníkó rá te̱e vá jee nkachiꞌ ráa: ―¿Á suni te̱e ñuunꞌ Galilea kúvi nú ya̱ káꞌánꞌ nú sukuán? Nanukú kávii va̱ꞌa nú nu̱u̱nꞌ Tutuꞌ níso Tu̱ꞌun Ndiosíꞌ jee kuniꞌ nú ya̱ Galilea ntu kene nu̱u̱nꞌ ñuunꞌ vá ɨɨn te̱e ya̱ nakani‑i tu̱ꞌun kene yuꞌú Ndiosíꞌ ―nkachiꞌ rá te̱e vá.

Génesis 44:15

Jee nkachiꞌ José nu̱u̱nꞌ ráa: ―¿Ná kúvi ya̱ nsa̱ꞌá rán? ¿Á ntu̱ví jíníꞌ rán ya̱ ɨɨn te̱e kuéntáꞌ nuꞌuꞌ nijin iniꞌ rúja? ―nkachiꞌ José.

Génesis 39:8

Soo ntu njiáꞌayuꞌú re̱ꞌ saꞌá maa, jee nkachiꞌ re̱ꞌ nu̱u̱nꞌ ñasɨ́ꞌɨ́ i̱toꞌoꞌ re̱ꞌ vá: ―Teso̱ꞌo nú, i̱toꞌoꞌ ni̱ꞌ nxi̱nóo re̱ꞌ xi̱ntíín ni nɨꞌɨ ya̱ kúmí re̱ꞌ, jee ni ya̱ íyó ni̱ꞌ yaꞌá, jee ntu̱ví íyó re̱ꞌ ya̱ naniꞌvɨꞌ iniꞌ re̱ꞌ jie̱ꞌe̱ꞌ rá nantíñú íyó veꞌi re̱ꞌ.

Génesis 21:26

Jee nkachiꞌ Abimelec nu̱u̱nꞌ Abraham: ―Ntu̱ví jíníꞌ ni̱ꞌ ne̱ ɨɨn nsa̱ꞌá yaꞌá, jee suni ni maánú ntu̱ví nkachiꞌ maa nu̱u̱nꞌ ni̱ꞌ, jee suni ntiáꞌan teso̱ꞌo ni̱ꞌ tu̱ꞌun yaꞌá ne̱ vitan ―nkachiꞌ Abimelec nu̱u̱nꞌ Abraham.

Filipenses 1:22

Soo retú kutekuꞌ ni̱ꞌ ka̱ꞌ iniꞌ yɨkɨkúñu ni̱ꞌ yaꞌá, jee nu̱u̱nꞌ nuꞌuꞌ, kúvi ya̱ satíñú ni̱ꞌ ka̱ꞌ nu̱u̱nꞌ re̱ꞌ, jee sikúnkuvi ni̱ꞌ ka̱ꞌ. Saájee ntu jíníꞌ ni̱ꞌ né ɨɨn ví ya̱ ka̱ji ni̱ꞌ.

Lucas 23:13

Jee sáá nkana Pilato rá su̱tu̱ꞌ kúñáꞌnú jín rá te̱e nísotíñú, jín rá ñɨvɨ ñuunꞌ sáva kutútú ráa,

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

Hechos 28:21

Jee nkachiꞌ ráa nu̱u̱nꞌ re̱ꞌ: ―Ntu nkenta tutuꞌ váji ñuunꞌ Judea nu̱u̱nꞌ ránꞌ, ya̱ káꞌánꞌ jie̱ꞌe̱ꞌ nú. Ni ntu nkenta ni ɨɨn ñanitáꞌán ñuunꞌ‑ó, ya̱ káꞌánꞌ kini jie̱ꞌe̱ꞌ nú nu̱u̱nꞌ ránꞌ.

Efesios 4:18

Chi neenꞌ iniꞌ antúníꞌ ráa, chi jiáꞌnu íká ráa nu̱u̱nꞌ ya̱ tékúꞌ ñɨvɨ jín Ndiosíꞌ, jie̱ꞌe̱ꞌ ya̱ ntu̱ví jíníꞌ ráa tu̱ꞌun re̱ꞌ, jie̱ꞌe̱ꞌ ya̱ ni̱ꞌin iniꞌ ánímaꞌ ráa.