Hechos 27:13 - Mixteco del suroeste de Tlaxiaco Oaxaca

¹³ Sáá nka̱jiéꞌé kuééni ña̱kɨ̱ꞌɨ ta̱chi̱ꞌ váji ichi sur, jee káꞌvi iniꞌ ráa ya̱ kúvi kenta ránꞌ ñuunꞌ Fenice. Jee nka̱jiéꞌé ránꞌ jíka ránꞌ yuꞌú yuꞌú nteñúꞌún Creta.

Hechos 27:13 Referans Kwoze

Lucas 12:55

Jee sáá jiákɨ̱ꞌɨ ta̱chi̱ꞌ váji ichi sur, jee káchíꞌ rán ya̱ nanii, jee sukuán kúvi nijia.

Hechos 2:11

Jee suni sava‑ó kúvi‑ó ñɨvɨ ñuunꞌ Creta jín Arabia. ’Soo tésóꞌo‑ó ya̱ káꞌánꞌ ráa rá tu̱ꞌun káꞌánꞌ ta ɨɨn‑ó jee káꞌánꞌ ráa jie̱ꞌe̱ꞌ rá tiñu ñáꞌnú nsa̱ꞌá Ndiosíꞌ ―nkachiꞌ rá ñɨvɨ nkenta yukuán.

Hechos 27:8

Jee tu̱nóꞌó njia̱ꞌa ránꞌ yúnteñúꞌún, jee nkenta ránꞌ ñuunꞌ Buenos Puertos, ya̱ káá yatin ñuunꞌ Lasea.

Hechos 27:12

Ñuunꞌ nu̱u̱nꞌ jiákui̱ñɨ̱ꞌ barkúꞌ ntu íyó va̱ꞌa kino̱o maa rá yo̱o̱ꞌ yɨ́ꞌɨ́ ta̱chi̱ꞌ sa̱vi xéénꞌ. Jee kue̱ꞌe̱ꞌ ráa nsa̱náaꞌ ya̱ kene ránꞌ yukuán kɨ̱ꞌɨ̱nꞌ ránꞌ jín barkúꞌ. Jee retú sa̱naanꞌ re̱ꞌ jee kuvi kenta ránꞌ ñuunꞌ Fenice jee kino̱o ránꞌ yukuán rá yo̱o̱ꞌ yɨ́ꞌɨ́ ta̱chi̱ꞌ sa̱vi xéénꞌ. Ñuunꞌ tɨ́ɨn Creta ví Fenice. Ñuunꞌ yukuán ví nu̱u̱nꞌ jiákui̱ñɨ̱ꞌ rá barkúꞌ, jee ichinúúnꞌ ñuunꞌ vá núne nijinꞌ túvi néꞌyá ráa ichi noroeste jín suroeste.

Hechos 27:21

Kue̱ꞌe̱ꞌ tiempúꞌ nééꞌ niteꞌ ránꞌ. Jee nna̱kuiñɨꞌ Pablo nteñu ráa jee nkachiꞌ‑i: ―Ránoꞌó te̱e. Va̱ꞌa ka̱ꞌ retáꞌ nka̱níjiá rán nuꞌuꞌ, jee nkéne‑órán ñuunꞌ Creta nékúvi, sáva nkúnoꞌo‑órán nékúvi jee nsu̱kuíta‑órán nékúvi.

Tito 1:5

Nxi̱nóo ni̱ꞌ noꞌó ñuunꞌ Creta, sáva nasaꞌá nú rá tiñu nkumaniꞌ saꞌá‑ó, jín sáva kani nú rá te̱e kúñáꞌnú kosoꞌ ráa nu̱u̱nꞌ rá ñɨvɨ kúneí iniꞌ ráa Cristo, ya̱ nééꞌ ráa ta ñuunꞌ tɨ́ɨn Creta, sáni nte̱tíñú ni̱ꞌ noꞌó.

Tito 1:12

Suꞌva nkachiꞌ ɨɨn te̱e tu̱ꞌva ya̱ táꞌán ñuunꞌ Creta kúvi re̱ꞌ, jee nkachiꞌ re̱ꞌ: “Rá ñɨvɨ ñuunꞌ Creta sukuáni kúvi ñɨvɨ túꞌún. Jee íyó ráa kuéntáꞌ kitɨ yúkú. Jee ne̱ꞌí ráa jee kúxí ráa.”