Hechos 26:6 - Mixteco del suroeste de Tlaxiaco Oaxaca

⁶ Jee vitan sánáaꞌ rán jie̱ꞌe̱ꞌ nuꞌuꞌ, chi íyó tu̱neí iniꞌ ni̱ꞌ ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ránꞌ.

Hechos 26:6 Referans Kwoze

Hechos 24:15

Íyó tu̱neí iniꞌ ni̱ꞌ ya̱ saꞌá Ndiosíꞌ, kuéntáꞌ suni nétu ráa ya̱ natekuꞌ i̱i̱ꞌ rá níyɨ, va̱ni ñɨvɨ na̱a̱ꞌ áxí ñɨvɨ kánéꞌén, jee nako̱o rá ñunéꞌyúꞌ ráa.

Tito 2:13

Jee síkújia re̱ꞌ iniꞌ‑ó kueꞌnu‑ó suꞌva ni nétu‑ó ki̱vɨ̱ꞌ ya̱ nikó Jesucristo, ya̱ na̱ ka̱ꞌ netuꞌ ka̱ꞌ kúvi‑ó, ya̱ íyó tu̱neí iniꞌ‑ó. Jee ne̱ tu̱u̱nꞌ nasɨ́kuitɨꞌ tu̱vi re̱ꞌ sáá nikó re̱ꞌ, chi Ndiosíꞌ máá ñáꞌnú nu̱u̱nꞌ nɨꞌɨ ví re̱ꞌ, jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Hechos 28:20

I̱ña̱jée nkana ni̱ꞌ ránó, sáva kaꞌanꞌ ni̱ꞌ jín rán jie̱ꞌe̱ꞌ rá yaꞌá. Jee núꞌníꞌ ni̱ꞌ jín cadena ka̱a yaꞌá, chi jie̱ꞌe̱ꞌ íyó tu̱neí iniꞌ ni̱ꞌ sánikua̱ꞌ íyó tu̱neí iniꞌ rá ñɨvɨ Israel, ya̱ nchi̱sóyuꞌú Ndiosíꞌ nu̱u̱nꞌ‑ó ―nkachiꞌ Pablo.

Romanos 15:8

Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ.

Hechos 23:6

Jee niniꞌ Pablo ya̱ sava ráa kúvi ráa saduceo, jín sava ráa ka̱ꞌ kúvi ráa fariseo, jee nka̱najíín re̱ꞌ nteñu rá te̱e Justicia Ñáꞌnú yukuán: ―Ránoꞌó ñaniꞌ. Nuꞌuꞌ ví fariseo jín se̱ꞌya ɨɨn te̱e fariseo. Sánáaꞌ rán jie̱ꞌe̱ꞌ kua̱chi nuꞌuꞌ, chi íyó tu̱ꞌun neí iniꞌ ni̱ꞌ ya̱ natekuꞌ i̱i̱ꞌ rá níyɨ.

Génesis 26:4

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Gálatas 4:4

Soo sáá nkenta tiempúꞌ ñani Ndiosíꞌ, jee nchu̱ichí re̱ꞌ Se̱ꞌya re̱ꞌ. Jee nkaku‑u chi̱ji ɨɨn ñaꞌan. Jee ne̱ nkaku‑u nyɨ̱ꞌɨ‑ɨ chi̱ji xi̱ntíín tu̱ꞌun ley njia̱ꞌa Ndiosíꞌ nu̱u̱nꞌ Moisés.

Hechos 26:8

¿Na̱kui chi ntu kúvi i̱nu̱ꞌ iniꞌ rán ya̱ nástekúꞌ Ndiosíꞌ rá níyɨ?

Hechos 24:21

Kua̱chi ɨɨn tu̱ꞌun ni nka̱najíín ni̱ꞌ ichinúúnꞌ ráa: “Vitan chíkuáchi rán nuꞌuꞌ ichinúúnꞌ rán, ya̱ káchíꞌ ni̱ꞌ ya̱ natekuꞌ i̱i̱ꞌ rá níꞌiꞌ” ―nkachiꞌ Pablo.

Hechos 3:24

―Jee ntáká rá te̱e nna̱kani tu̱ꞌun nkene yuꞌú Ndiosíꞌ ne̱ rá ki̱vɨ̱ꞌ Samuel, jín ne̱ ichinúúnꞌ, jee ntáká ráa ya̱ nna̱kani ráa maa nste̱kútu̱ꞌún ya̱chi̱ꞌ ráa ya̱ koo rá ki̱vɨ̱ꞌ yaꞌá.

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.