Hechos 26:29 - Mixteco del suroeste de Tlaxiaco Oaxaca

²⁹ Saájee nkachiꞌ Pablo: ―Á yakuꞌ ka̱ꞌ áxí kue̱ꞌe̱ꞌ, jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ nsú kua̱chi maánú, chi ne̱ jín nɨꞌɨ rá ñɨvɨ tésóꞌo nuꞌuꞌ vitan, kenta kuvi ráa [cristiano] kuéntáꞌ maáníꞌ, soo súnika̱ꞌ nsáꞌ kúnuꞌniꞌ rán kua̱ꞌ nnuꞌniꞌ ni̱ꞌ.

Hechos 26:29 Referans Kwoze

Efesios 6:20

Chi nta̱jí Cristo nuꞌuꞌ kachitu̱ꞌún ni̱ꞌ tu̱ꞌun váꞌa re̱ꞌ, jee jie̱ꞌe̱ꞌ vá núꞌníꞌ ni̱ꞌ jín cadena ka̱a iniꞌ veka̱a. Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ nuꞌuꞌ ya̱ nuneí ka̱ꞌ iniꞌ ni̱ꞌ kachiꞌ ni̱ꞌ maa, sáni íyó kachiꞌ ni̱ꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Romanos 10:1

Ránoꞌó ñaniꞌ jín ku̱ꞌva ni̱ꞌ ya̱ yɨ́ꞌɨ́ rán naꞌá Cristo, ñúkúvi víꞌí iniꞌ ánímaꞌ ni̱ꞌ jie̱ꞌe̱ꞌ rá ñɨvɨ Israel ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa. Jee jie̱ꞌe̱ꞌ vá jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ráa.

Hechos 21:33

Jee sáá nkenta general jee ntɨɨn re̱ꞌ maa, jee nta̱túníꞌ re̱ꞌ ya̱ kuꞌniꞌ ráa maa jín u̱vi̱ꞌ cadena ka̱a. Jee ni̱ka̱tu̱ꞌún re̱ꞌ né ɨɨn ví‑i jee ná nsa̱ꞌá‑a.

2 Corintios 11:1

Varésukuáre kɨnetuꞌ ránú nu̱u̱nꞌ nuꞌuꞌ sáá káꞌánꞌ ni̱ꞌ ntíꞌ kuéntáꞌ káꞌánꞌ te̱e naanꞌ. ¡Kɨnetuꞌ rán nu̱u̱nꞌ nuꞌuꞌ!

1 Corintios 7:7

Soo káꞌvi iniꞌ ni̱ꞌ ya̱ réáꞌ va̱ꞌa retánꞌ nɨꞌɨ ñɨvɨ koo ráa kuéntáꞌ nuꞌuꞌ ya̱ ntu náka ni̱ꞌ ñaꞌan. Soo ta ɨɨn ɨɨn ñɨvɨ ni̱ꞌi̱nꞌ‑i sɨ́ɨ́n sɨ́ɨ́n ta̱ꞌvi̱ꞌ nu̱u̱nꞌ Ndiosíꞌ chineí re̱ꞌ ráa. Chi nu̱u̱nꞌ ɨɨn ñɨvɨ jiáꞌa Ndiosíꞌ ɨɨn ta̱ꞌvi̱ꞌ chíneí re̱ꞌ maa sáva kuvi kuneeꞌ náꞌví‑i, jee nu̱u̱nꞌ inka ñɨvɨ jiáꞌa re̱ꞌ sɨ́ɨ́n sɨ́ɨ́n ta̱ꞌvi̱ꞌ chíneí re̱ꞌ maa sáva kuvi tana̱ꞌá‑a.

1 Corintios 4:8

Chi ya kúváꞌa iniꞌ rán ya̱ jiáni iniꞌ rán ya̱ kúmí rán nɨꞌɨ ya̱ jíniñúꞌún rán, ya̱ kuéntáꞌ retú ya nkukúká rán. Jee jiáni iniꞌ rán ya̱ kuvi tatúníꞌ maárán, jee ni ntu ka̱ꞌ jíniñúꞌún rán ránuꞌuꞌ kúníꞌ rán. Jee varésukuán jee kuvi tatúníꞌ nijia rán, sáva suni kuvi tatúníꞌ ránuꞌuꞌ jín ránoꞌó.

Hechos 25:14

Sáá nkino̱o ráa kéꞌín ki̱vɨ̱ꞌ yukuán, Festo nna̱kani jie̱ꞌe̱ꞌ tiñu Pablo nu̱u̱nꞌ te̱e tátúníꞌ vá, jee nkachiꞌ‑i: ―Yaꞌá íyó ɨɨn te̱e ya̱ nxi̱nóo Félix iniꞌ veka̱a.

Hechos 12:6

Jee ki̱vɨ̱ꞌ steñu̱ꞌún naku̱ꞌva Herodes Pedro nu̱u̱nꞌ rá ñɨvɨ, nékúvi. Soo maá yakuááꞌ yukuán nkixiꞌ Pedro ma̱ꞌñú u̱vi̱ꞌ soldado. Jee núꞌníꞌ re̱ꞌ jín u̱vi̱ꞌ cadena ka̱a. Jee rá inka soldado kúmí ne̱ yuvékáa.

Juan 5:34

Soo nuꞌuꞌ chi ntu jíniñúꞌún ni̱ꞌ ya̱ ku̱ꞌva inka ñɨvɨ ya̱ naáꞌ jie̱ꞌe̱ꞌ ni̱ꞌ, soo rá tu̱ꞌun yaꞌá káchíꞌ ni̱ꞌ maa sáva retú i̱nu̱ꞌ iniꞌ rán ya̱ naáꞌ jee ni̱ꞌi̱nꞌ rán ya̱ natavaꞌ Ndiosíꞌ ránoꞌó nu̱u̱nꞌ kua̱chi rán jee nanitáꞌvíꞌ rán.