Hechos 26:24 - Mixteco del suroeste de Tlaxiaco Oaxaca

²⁴ Sáá náma re̱ꞌ maáréꞌ suꞌva, jee nkaꞌanꞌ ni̱ꞌin Festo: ―Sáꞌá xi̱ni̱ꞌ nú jín tu̱ꞌun káꞌánꞌ nú, ká Pablo. Máá súkuáꞌa nasɨ́kuitɨꞌ nú, jee nkenta kúꞌvíꞌ xi̱ni̱ꞌ nú.

Hechos 26:24 Referans Kwoze

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

2 Corintios 5:13

Chi retú jiáni iniꞌ ñɨvɨ ya̱ te̱e jíkó xíniꞌ kúvi ráníꞌ, jee kúvi ránꞌ sukuán sáva jiátíñú Ndiosíꞌ ránuꞌuꞌ. Soo retú íyó váꞌa xi̱ni̱ꞌ ráníꞌ, kúvi ránꞌ sukuán sáva kuvi ya̱ váꞌa ránoꞌó.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

Marcos 3:21

Sáá nteso̱ꞌo rá táꞌán veꞌi Jesús jie̱ꞌe̱ꞌ yaꞌá, jee kua̱ꞌa̱nꞌ ráa sáva tɨɨn ráa re̱ꞌ, chi káchíꞌ rá ñɨvɨ ya̱ nsana xi̱ni̱ꞌ re̱ꞌ.

Hechos 26:11

Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.

Hechos 17:32

Sáá nteso̱ꞌo ráa jie̱ꞌe̱ꞌ ya̱ nátekuꞌ i̱i̱ꞌ rá níꞌiꞌ, jee sava ráa nkaꞌanꞌ u̱ꞌvi̱ꞌ. Jee inka ráa ka̱ꞌ nkachiꞌ: ―Teso̱ꞌo tuku ránꞌ nó jie̱ꞌe̱ꞌ yaꞌá.

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Juan 7:15

Jee nti̱vɨ́ xíniꞌ rá ñɨvɨ Israel, jee káchíꞌ ráa: ―¿Na̱ja chi jíníꞌ víꞌí te̱e yaꞌá rá tu̱ꞌun níchí, chi ntu̱ví nsúkuáꞌa víꞌí re̱ꞌ? ―nkachiꞌ ráa.

Hechos 24:27

Sáá njia̱ꞌa u̱vi̱ꞌ kui̱ya̱ꞌ, jee nna̱kuiñɨꞌ inka te̱e naní Porcio Festo nu̱u̱nꞌ tiñu nniso Félix. Soo nkuini Félix ya̱ kino̱o va̱ꞌa jín rá ñɨvɨ Israel, saáva nxi̱nóo re̱ꞌ Pablo veka̱a.

2 Timoteo 3:15

Chi ne̱ sáá lúlí nú, jee ya jíníꞌ nú Tu̱ꞌun Ndiosíꞌ níso nu̱u̱nꞌ Tutuꞌ Ííꞌ. Jee suvivá kuvi saꞌá‑a ya̱ kuꞌun kájí xi̱ni̱ꞌ nú na̱sa ki̱vɨ nú nu̱u̱nꞌ natavaꞌ Ndiosíꞌ yó nu̱u̱nꞌ kua̱chi‑ó nanitáꞌvíꞌ‑ó, jie̱ꞌe̱ꞌ ya̱ kuneí iniꞌ‑ó Cristo Jesús.