Hechos 26:22 - Mixteco del suroeste de Tlaxiaco Oaxaca

²² Ne̱ vitan Ndiosíꞌ nchi̱neí nuꞌuꞌ. Jee íñɨ́ ni̱ꞌ, sáva nástúvi ni̱ꞌ ya̱ naáꞌ nu̱u̱nꞌ rá ñɨvɨ ñáꞌnú jín nu̱u̱nꞌ rá ñɨvɨ láꞌví. Jee ntu sɨ́ɨ́n káꞌánꞌ ni̱ꞌ ya̱ nkachiꞌ Moisés jín rá inka te̱e ya̱ nna̱kani ráa tu̱ꞌun nkene yuꞌú Ndiosíꞌ, chi káchíꞌ ni̱ꞌ mákua nkachiꞌ ráa ya̱ kuvi.

Hechos 26:22 Referans Kwoze

Hechos 24:14

Soo nánaꞌmaꞌ ni̱ꞌ tiñu yaꞌá nu̱u̱nꞌ nú. Níkɨ́nꞌ ni̱ꞌ ichi yaꞌá, ya̱ káchíꞌ ráa ichi túꞌún ví‑i. Suꞌva néñu̱ꞌun ni̱ꞌ Ndiosíꞌ ya̱ nneñu̱ꞌun rá tájííꞌ ráníꞌ yanaꞌán. Chi ínúꞌ iniꞌ ni̱ꞌ nɨꞌɨ sáni káchíꞌ tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín nɨꞌɨ tu̱ꞌun ntee rá te̱e ya̱ njia̱ꞌa Ndiosíꞌ maa nu̱u̱nꞌ ráa.

Juan 5:46

Chi retánꞌ ínúꞌ iniꞌ rán ya̱ ntee Moisés, jee suni i̱nu̱ꞌ iniꞌ rán nuꞌuꞌ nékúvi, chi jie̱ꞌe̱ꞌ nuꞌuꞌ ntee re̱ꞌ.

Hechos 10:43

Jee jie̱ꞌe̱ꞌ re̱ꞌ, nɨꞌɨ rá te̱e ya̱ nna̱kani ráa tu̱ꞌun nkene yuꞌú Ndiosíꞌ, jee nna̱stúvi ráa ya̱ naáꞌ jie̱ꞌe̱ꞌ Jesús. Nkachiꞌ ráa ya̱, jie̱ꞌe̱ꞌ ya̱ nsa̱ꞌá re̱ꞌ, nɨꞌɨ ñɨvɨ ya̱ kúneí iniꞌ ráa re̱ꞌ ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Lucas 24:44

Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Apoclipsis 15:3

Jee jíta ráa yaaꞌ ya̱ ntavaꞌ Moisés, te̱e ya̱ nkuvi re̱ꞌ musúꞌ nyɨ̱tíñú‑u nu̱u̱nꞌ Ndiosíꞌ ne̱ yanaꞌán. Jee suni jíta rá ñɨvɨ vá yaaꞌ ya̱ ntavaꞌ maáréꞌ ya̱ kúvi Lanchi Lúlí Ndiosíꞌ, jee káchíꞌ ráa: Na̱ ka̱ꞌ ñáꞌnú ka̱ꞌ tiñu sáꞌá nú, Ndiosíꞌ, jee tívɨ́ xá xíniꞌ ráníꞌ néꞌyá ránꞌ maa, I̱toꞌoꞌ ránꞌ Ndiosíꞌ, ya̱ níso fesáꞌ ííꞌ ni̱ꞌin kúñáꞌnú nasɨ́kuitɨꞌ nú nu̱u̱nꞌ kua̱íyó. Jee na̱a̱ꞌ kúvi nú jee máá tiñu na̱a̱ꞌ máá tiñu váꞌa nijia sáꞌá nú. Jee noꞌó nísotíñú nú ya̱ tátúníꞌ nú kua̱íyó kuitɨꞌ nu̱u̱nꞌ rá nación.

Romanos 3:21

Soo vitan jee stúvi Ndiosíꞌ ya̱ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ, jee nsú jie̱ꞌe̱ꞌ ley ví‑i. Jee tu̱ꞌun ley re̱ꞌ ya̱ njiáꞌa re̱ꞌ nu̱u̱nꞌ Moisés jín tu̱ꞌun rá te̱e nna̱kani tu̱ꞌun nkene yuꞌú re̱ꞌ, jee tu̱ꞌun ntee ráa jiáꞌa‑a ya̱ naáꞌ jie̱ꞌe̱ꞌ ya̱ sáꞌá Ndiosíꞌ sukuán.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Hechos 26:17

Jee sikáku ni̱ꞌ nó nu̱u̱nꞌ rá ñɨvɨ Israel, jín nu̱u̱nꞌ rá ñɨvɨ inka nación. Chi tají ni̱ꞌ nó nu̱u̱nꞌ ráa,

Hechos 26:6

Jee vitan sánáaꞌ rán jie̱ꞌe̱ꞌ nuꞌuꞌ, chi íyó tu̱neí iniꞌ ni̱ꞌ ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ránꞌ.

Juan 5:39

Jee ne̱ súkuáꞌa kávii kuitɨꞌ rán rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ, chi jiáni iniꞌ rán ya̱ nu̱u̱nꞌ Tutuꞌ vá ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ. Soo rá tu̱ꞌun níso nu̱u̱nꞌ Tutuꞌ Ííꞌ vá ví ya̱ jiáꞌa ya̱ naáꞌ jie̱ꞌe̱ꞌ nuꞌuꞌ.

Juan 1:45

Saájee ña̱nanukú Felipe Natanael, jee nkachiꞌ re̱ꞌ nu̱u̱nꞌ‑u: ―Nna̱ketáꞌán ránꞌ maáréꞌ ya̱ kúvi te̱e jie̱ꞌe̱ꞌ ya̱ ntee Moisés nu̱u̱nꞌ Tutuꞌ Ííꞌ níso tu̱ꞌun ley Ndiosíꞌ, jín suni jie̱ꞌe̱ꞌ‑e ya̱ ntee rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán. Jee yaꞌá ví Jesús se̱ꞌya José ya̱ kúvi te̱e ñuunꞌ Nazaret ―nkachiꞌ Felipe.

Juan 1:17

Chi njia̱ꞌa Ndiosíꞌ nu̱u̱nꞌ Moisés tu̱ꞌun ley re̱ꞌ sáva ku̱ꞌva‑a vá nu̱u̱nꞌ rá ñɨvɨ. Jee, Jesús ya̱ kúvi Cristo, nsa̱ꞌá Ndiosíꞌ ya̱ nsa̱ꞌá re̱ꞌ ya̱ nni̱ꞌi̱nꞌ‑ó ya̱ váꞌa ma̱ni̱ꞌ iniꞌ Ndiosíꞌ jín ya̱ naáꞌ.

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Apoclipsis 20:12

Jee niniꞌ ni̱ꞌ kua̱íyó rá ni̱yɨ, va̱ni ya̱ kúñáꞌnú va̱ni ya̱ ntu kúñáꞌnú, íñɨ́ ráa ichinúúnꞌ re̱ꞌ. Jee nsa̱ꞌá re̱ꞌ ya̱ nnine rá tutuꞌ. Jee nsa̱ꞌá re̱ꞌ ya̱ nnine inka ka̱ꞌ tutuꞌ níso súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ. Jee nsa̱ꞌá náaꞌ re̱ꞌ jie̱ꞌe̱ꞌ rá ñɨvɨ sánikua̱ꞌ tiñu nsa̱ꞌá ráa ya̱ níso nu̱u̱nꞌ rá tutuꞌ yukuán.

Apoclipsis 11:18

Jee rá ñɨvɨ ntáká nación nki̱tɨ̱ꞌ víꞌí iniꞌ ráa jín nú, soo nkenta ki̱tɨ̱ꞌ iniꞌ nú xinóꞌo nú ráa. Jee ya nkenta tiempúꞌ ya̱ saꞌá na̱a̱ꞌ nú jie̱ꞌe̱ꞌ kua̱chi ntáká rá ñɨvɨ ya̱ níꞌiꞌ, jín ya ku̱ꞌva nú ta̱ꞌvi̱ꞌ kutaꞌviꞌ rá musúꞌ nú, rá ñɨvɨ ya̱ nkachitu̱ꞌún ráa tu̱ꞌun nkene yuꞌú nú, jín ntáká ñɨvɨ yɨ́tíñú ráa nu̱u̱nꞌ nú, ya̱ kúvi rá ñɨvɨ ya̱ ñúyúꞌví iniꞌ ráa noꞌó, va̱ni kuvi ráa ñɨvɨ kúñáꞌnú va̱ni ntu̱ví, jee xináánꞌ nú rá ñɨvɨ ya̱ xínáánꞌ ráa rá ñɨvɨ ñɨ̱vɨ́, nkachiꞌ rá te̱e ñáꞌnú vá.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

Mateo 26:24

Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ níso nu̱u̱nꞌ Tutuꞌ níso Tu̱ꞌun Ndiosíꞌ jie̱ꞌe̱ꞌ nuꞌuꞌ, soo ¡na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ! Va̱ꞌa ka̱ꞌ retánꞌ ntu nkáku te̱e yukuán nékúvi, [chi xe̱e̱nꞌ kunoꞌo re̱ꞌ] ―nkachiꞌ Jesús.

Lucas 16:28

chi íyó u̱ꞌu̱nꞌ ka̱ꞌ rá ñaniꞌ ni̱ꞌ, sáva stúꞌva ya̱chi̱ꞌ re̱ꞌ ráa sáva ntu jíꞌín ráa kiji yaꞌá nu̱u̱nꞌ íyó víꞌí tu̱nóꞌó xéénꞌ yaꞌá”, nkachiꞌ te̱e kúká vá.

Hechos 13:29

Jee sáá nsi̱kúnkuvi ráa nɨꞌɨ ya̱ káchíꞌ Tu̱ꞌun Ndiosíꞌ jie̱ꞌe̱ꞌ Jesús, ya̱ níso nu̱u̱nꞌ Tutuꞌ Ííꞌ, jee nxi̱núun ráa ñunéꞌyúꞌ re̱ꞌ nu̱u̱nꞌ kurúsiꞌ, jee nse̱ꞌí ráa maa iniꞌ yaviꞌ kava.

1 Corintios 15:3

Chi tu̱ꞌun ñáꞌnú ka̱ꞌ ya̱ nxi̱néꞌénꞌ ni̱ꞌ ránoꞌó, kúvi tu̱ꞌun ya̱ suni ni̱ꞌi̱nꞌ ni̱ꞌ maa nu̱u̱nꞌ maá Ndiosíꞌ ranika̱ꞌ. Jee suvi kúvi tu̱ꞌun vá ya̱ níꞌiꞌ Cristo sáva natavaꞌ re̱ꞌ yó nu̱u̱nꞌ kua̱chi‑ó, kuéntáꞌ sánikua̱ꞌ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ, ya̱ naní Escritura,

1 Corintios 15:4

jín ya̱ nse̱ꞌí ráa re̱ꞌ, jín ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ ki̱vɨ̱ꞌ uníꞌ, sánikua̱ꞌ káchíꞌ ya̱chi̱ꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ.