Hechos 26:17 - Mixteco del suroeste de Tlaxiaco Oaxaca

¹⁷ Jee sikáku ni̱ꞌ nó nu̱u̱nꞌ rá ñɨvɨ Israel, jín nu̱u̱nꞌ rá ñɨvɨ inka nación. Chi tají ni̱ꞌ nó nu̱u̱nꞌ ráa,

Hechos 26:17 Referans Kwoze

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

Hechos 25:3

Ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ saꞌá re̱ꞌ tumani iniꞌ ya̱ tají re̱ꞌ maa Jerusalén. Chi nna̱túꞌún yuꞌuꞌ ráa ya̱ kaꞌniꞌ ráa maa ichi.

Hechos 18:10

Chi íñɨ́ ni̱ꞌ jín nú. Ni ɨɨn ntu̱náꞌ kasɨꞌ nu̱u̱nꞌ nó sáva nsáꞌ saꞌá kini ráa nó. Chi íyó kue̱ꞌe̱ꞌ víꞌí ñɨvɨ ni̱ꞌ ki̱vɨ nu̱u̱nꞌ ni̱ꞌ ñuunꞌ yaꞌá.

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 16:39

Jee nkiji ráa, jee nna̱kaꞌanꞌ va̱ꞌa ráa jín rává. Ntavaꞌ ráa rává veka̱a, jee ni̱ka̱nꞌ táꞌvíꞌ ráa nu̱u̱nꞌ rává ya̱ kene rává ñuunꞌ.

Hechos 13:50

Soo rá ñaꞌan ya̱ néñu̱ꞌun ráña Ndiosíꞌ, ya̱ kúvi ráña ya̱ ñáꞌnú nu̱u̱nꞌ ñuunꞌ vá, jín rá te̱e kúñáꞌnú nu̱u̱nꞌ ñuunꞌ vá, jee rá ñɨvɨ Israel nsi̱ínúꞌ ráa iniꞌ rává, jee nsi̱kántátúꞌun ráa rává sáva saꞌá kini nɨꞌɨ rává Pablo jín Bernabé, jee nta̱níkɨ́nꞌ rává ráa nu̱u̱nꞌ ñuunꞌ rává.