Hechos 26:16 - Mixteco del suroeste de Tlaxiaco Oaxaca

¹⁶ Soo nako̱o jee nakui̱ñɨ̱ꞌ nichiꞌ nú. Chi ntu̱vi ni̱ꞌ nu̱u̱nꞌ nú, sáva kani ni̱ꞌ noꞌó kuvi nú musúꞌ kuatíñú ni̱ꞌ noꞌó, jee nastúvi nú ya̱ naáꞌ jie̱ꞌe̱ꞌ ya̱ niniꞌ nú vitan, jín ya̱ xinéꞌénꞌ ni̱ꞌ nu̱u̱nꞌ nú.

Hechos 26:16 Referans Kwoze

1 Timoteo 1:12

Jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ I̱toꞌoꞌ‑ó Cristo Jesús, ya̱ chíneí chítuvi re̱ꞌ nuꞌuꞌ. Jee jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ re̱ꞌ, chi nku̱neí iniꞌ re̱ꞌ ya̱ síkúnkuvi ni̱ꞌ nta̱ká tiñu, ya̱ tátúníꞌ re̱ꞌ nu̱u̱nꞌ nuꞌuꞌ, jee ñani re̱ꞌ nuꞌuꞌ saꞌá ni̱ꞌ tiñu yaꞌá.

Gálatas 1:12

Chi ntu nni̱ꞌi̱nꞌ ni̱ꞌ tu̱ꞌun vá nu̱u̱nꞌ ñɨvɨ. Ni ntu nxi̱néꞌénꞌ ráa maa nuꞌuꞌ. Soo nni̱ꞌi̱nꞌ ni̱ꞌ tu̱ꞌun vá chi Jesucristo nstúvi re̱ꞌ maa nu̱u̱nꞌ ni̱ꞌ.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

Colosenses 1:25

Chi nkenta ni̱ꞌ kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ jie̱ꞌe̱ꞌ ya̱ váꞌa ráa. Sukuán nte̱tíñú Ndiosíꞌ nuꞌuꞌ ya̱ kuniso ni̱ꞌ tiñu vá sáva sikúnkuvi ni̱ꞌ ya̱ stékútu̱ꞌún ni̱ꞌ Tu̱ꞌun Ndiosíꞌ.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Gálatas 2:2

Jee ña̱ꞌa̱nꞌ ni̱ꞌ yukuán sáni nstúvi Ndiosíꞌ nu̱u̱nꞌ ni̱ꞌ ya̱ íyó kɨ̱ꞌɨ̱nꞌ ni̱ꞌ yukuán. Jee nnu̱tútú sɨ́ɨ́n ni̱ꞌ jín rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee nna̱kani ni̱ꞌ nu̱u̱nꞌ ráa tu̱ꞌun váꞌa Jesús ya̱ stékútu̱ꞌún ni̱ꞌ nu̱u̱nꞌ rá ñɨvɨ rá inka nación. Nsa̱ꞌá ni̱ꞌ yaꞌá sáva tɨɨn kuéntáꞌ ráa ya̱ íyó na̱a̱ꞌ tiñu sáꞌá ni̱ꞌ sáva nku̱íchi iniꞌ ráa tiñu vá, sáva ntu nsáꞌá ka̱ꞌá ni̱ꞌ tiñu nsa̱ꞌá ni̱ꞌ yanaꞌán jín ya̱ sáꞌá ni̱ꞌ ntañúꞌún.

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.

Colosenses 1:7

Suꞌva nku̱tu̱ꞌva rán maa sáni nxi̱néꞌénꞌ Epafras ránoꞌó. Suvire̱ꞌ ñúnúunꞌ‑ó re̱ꞌ, jee kúvi re̱ꞌ musúꞌ nu̱u̱nꞌ Cristo, ya̱ táꞌán sátíñú nkáá re̱ꞌ jín ránuꞌuꞌ nu̱u̱nꞌ tiñu Cristo. Chi síkúnkuvi na̱a̱ꞌ nijia re̱ꞌ nu̱u̱nꞌ tiñu Cristo, ya̱ kúvi ya̱ váꞌa ránoꞌó.

2 Corintios 5:18

Jee maá Ndiosíꞌ ví ya̱ sáꞌá re̱ꞌ nta̱ká rá tiñu vá, chi jie̱ꞌe̱ꞌ ya̱ nsa̱ꞌá Cristo, jee nsa̱ꞌá re̱ꞌ ya̱ nnuma̱ni̱ꞌ‑ó jín re̱ꞌ. Jee ntaji re̱ꞌ tiñu nu̱u̱nꞌ ránuꞌuꞌ sáva kachitu̱ꞌún ránꞌ tu̱ꞌun re̱ꞌ jie̱ꞌe̱ꞌ ya̱ kúvi ni̱ꞌi̱nꞌ ñɨvɨ ya̱ numa̱ni̱ꞌ re̱ꞌ jín ráa.

2 Corintios 4:1

Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Hechos 22:10

Jee ni̱ka̱tu̱ꞌún ni̱ꞌ: “¿Ná kúvi ya̱ saꞌá ni̱ꞌ, I̱toꞌoꞌ ni̱ꞌ?” Jee nkachiꞌ I̱toꞌoꞌ‑ó: “Nako̱o, jee kuáꞌán ne̱ ñuunꞌ Damasco. Yukuán kachiꞌ ɨɨn te̱e nɨꞌɨ ya̱ ntaji ni̱ꞌ nu̱u̱nꞌ nú ya̱ saꞌá nú.”

Hechos 21:19

Jee sáá njia̱ꞌa Pablo tóniiꞌ nu̱u̱nꞌ ráa, jee nna̱kani re̱ꞌ ta ɨɨn rá tiñu nsa̱ꞌá Ndiosíꞌ, sáá nsa̱ꞌá re̱ꞌ tiñu nteñu rá ñɨvɨ ntu kúvi Israel.

Hechos 20:24

Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.

Hechos 6:4

Soo ránuꞌuꞌ, kɨtíñú ránꞌ máá tiñu ya̱ kaꞌanꞌ ránꞌ jín Ndiosíꞌ jín tiñu ya̱ stekútu̱ꞌún ránꞌ Tu̱ꞌun Ndiosíꞌ ―nkachiꞌ rá apóstol.

Hechos 1:25

sáva nakeꞌen re̱ꞌ tiñu yaꞌá jee kuvi re̱ꞌ apóstol ya̱ chuichí nú. Tiñu vá nxi̱nóo Judas, jee kua̱ꞌa̱nꞌ re̱ꞌ nu̱u̱nꞌ kúníꞌ re̱ꞌ nu̱u̱nꞌ níꞌinꞌ re̱ꞌ maa ―ni̱ka̱nꞌ táꞌvíꞌ ráa.

Hechos 1:17

Jee ɨɨn rá táꞌán ránꞌ nkuvi re̱ꞌ, jee nni̱ꞌi̱nꞌ re̱ꞌ tiñu yaꞌá saꞌá re̱ꞌ jín ránꞌ jie̱ꞌe̱ꞌ Tu̱ꞌun Ndiosíꞌ ―nkachiꞌ Pedro.

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Hechos 26:15

Ña̱re nkachiꞌ ni̱ꞌ: “¿Né ɨɨn kúvi nú, I̱toꞌoꞌ ni̱ꞌ?” Jee nkachiꞌ I̱toꞌoꞌ‑ó: “Maáníꞌ ví Jesús, ya̱ sáꞌá kini nú.

Efesios 3:3

Chi nsa̱ꞌá Ndiosíꞌ ya̱ nku̱káꞌnú iniꞌ ni̱ꞌ tu̱ꞌun íyó yuꞌuꞌ iniꞌ re̱ꞌ, chi nstúvi re̱ꞌ maa nu̱u̱nꞌ ni̱ꞌ, kuéntáꞌ kua̱ꞌ ya̱ ntee ni̱ꞌ yakuꞌ ni tu̱ꞌun nu̱u̱nꞌ rán jie̱ꞌe̱ꞌ yaꞌá.