Hechos 26:13 - Mixteco del suroeste de Tlaxiaco Oaxaca

¹³ Soo sáá kua̱ꞌa̱nꞌ ni̱ꞌ iniꞌ ichi, máá kaxu̱vi̱ꞌ, niniꞌ ni̱ꞌ ɨɨn nuva ñuꞌunꞌ ne̱ súkún máá níꞌin ka̱ꞌ nsu̱ví ka̱ꞌ nuva nka̱niiꞌ. Ñanu̱te̱ꞌ ti̱yu̱ꞌ‑u nu̱u̱nꞌ íñɨ́ ni̱ꞌ jín rá kútáꞌán jín ni̱ꞌ, kátáta rey.

Hechos 26:13 Referans Kwoze

Mateo 17:2

Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa, chi jiánu̱te̱ꞌ víꞌí nu̱u̱nꞌ re̱ꞌ kuéntáꞌ nuva nka̱niiꞌ, jee saꞌma re̱ꞌ máá yaa nnuvi‑i kuéntáꞌ nuva ñuꞌunꞌ.

Apoclipsis 21:23

Jee ñuunꞌ vá ntu̱ví jíniñúꞌún‑u ya̱ kujianu̱te̱ꞌ nka̱niiꞌ ni yo̱o̱ꞌ maa. Chi máá nuva Ndiosíꞌ túúnꞌ nu̱u̱nꞌ‑u. Jee maáréꞌ ya̱ kúvi re̱ꞌ Lanchi Lúlí, suvire̱ꞌ kúvi ñuꞌunꞌ ya̱ túúnꞌ yukuán.

Apoclipsis 1:16

Jee naꞌá kuáꞌá re̱ꞌ ínaꞌá re̱ꞌ u̱xa̱ꞌ tiu̱u̱nꞌ. Jee yuꞌú re̱ꞌ kikene ɨɨn yuchiꞌ espada ya̱ xe̱e̱nꞌ ni núvíꞌ yuꞌú‑u. Jee nu̱u̱nꞌ re̱ꞌ íyó‑o kuéntáꞌ nka̱niiꞌ sáá ntántúníꞌ jiánu̱te̱ꞌ víꞌí nuva‑a.

Hechos 22:6

’Sáá ñúꞌún ni̱ꞌ ichi kua̱ꞌa̱nꞌ ni̱ꞌ, jee sáá nku̱yatin ni̱ꞌ ñuunꞌ Damasco, yatin sava nuví, jee sa̱naanꞌ ñanu̱te̱ꞌ víꞌí nuva ñuꞌunꞌ ne̱ súkún jee nchuꞌun ti̱yu̱ꞌ‑u nuꞌuꞌ.

Hechos 9:3

I̱ña̱jée kua̱ꞌa̱nꞌ re̱ꞌ nu̱u̱nꞌ ñuunꞌ Damasco. Jee sáá nku̱yatin re̱ꞌ ñuunꞌ vá, sa̱naanꞌ kuitɨꞌ ñanu̱te̱ꞌ ɨɨn nuva ñuꞌunꞌ ne̱ súkún nchuꞌun ti̱yu̱ꞌ‑u re̱ꞌ.

Hechos 22:9

Niniꞌ rá te̱e nku̱táꞌán jín ni̱ꞌ nuva ñuꞌun, [jee nyu̱ꞌví víꞌí ráa], soo ta̱chi̱yuꞌú vá ntu niniꞌ ráa na̱sa nkachiꞌ‑i nu̱u̱nꞌ ni̱ꞌ.

Hechos 26:12

’Jee jie̱ꞌe̱ꞌ tiñu yaꞌá vá ña̱ꞌa̱nꞌ ni̱ꞌ ñuunꞌ Damasco. Jee ntaji rá su̱tu̱ꞌ kúñáꞌnú tiñu kuneeꞌ si̱kɨ̱ꞌ ni̱ꞌ, jee ntaji ráa tu̱ꞌun ya̱ tátúníꞌ ráa ya̱ saꞌá ni̱ꞌ maa.

Hechos 26:14

Jee sáá nna̱niso nɨꞌɨ ránꞌ nu̱u̱nꞌ ñuꞌún, jee nteso̱ꞌo ni̱ꞌ ɨɨn ta̱chi̱yuꞌú nkachiꞌ nu̱u̱nꞌ ni̱ꞌ tu̱ꞌun hebreo: “¡Saulo! ¡Saulo! ¿Na̱kui chi sáꞌá kini nú nuꞌuꞌ? Sáꞌá kini nú maánú [kuéntáꞌ sáꞌá ɨɨn xi̱ni̱kɨ̱ꞌ sáá] jiáñúꞌ ti̱ꞌ xi̱ni̱ꞌ yutun xe̱e̱nꞌ [jee túfíꞌ ti̱ꞌ].”