Hechos 26:11 - Mixteco del suroeste de Tlaxiaco Oaxaca

¹¹ Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.

Hechos 26:11 Referans Kwoze

Hechos 22:19

Jee nkachiꞌ ni̱ꞌ: “I̱toꞌoꞌ ni̱ꞌ. Suviráa jíníꞌ ya̱ jiáꞌánꞌ ni̱ꞌ nɨꞌɨ rá veꞌi sinagoga nu̱u̱nꞌ kútútú rá ñɨvɨ Israel, jee tɨ́ɨn ni̱ꞌ rá ñɨvɨ ínúꞌ iniꞌ ráa noꞌó, jee ntu̱ví ni̱ꞌ ráa veka̱a jee njia̱ꞌa ni̱ꞌ ráa jín yoꞌo.

Hechos 13:45

Soo sáá niniꞌ rá ñɨvɨ Israel ya̱ kue̱ꞌe̱ꞌ ñɨvɨ nku̱tútú yukuán, jee nñu̱kuíñɨ́ iniꞌ ráa nne̱ꞌyá ráa Pablo. Jee nkachiꞌ ráa ya̱ nátatúꞌún ráa re̱ꞌ. Jee ntenu̱u̱nꞌ ráa re̱ꞌ.

Mateo 10:17

Jee nito koo rán maárán nu̱u̱nꞌ rá ñɨvɨ, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi, jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

Hechos 9:1

Jee Saulo síúꞌví i̱i̱ꞌ re̱ꞌ ya̱ kaꞌniꞌ re̱ꞌ rá ñɨvɨ yɨ́ꞌɨ́ ráa ichi Jesús. Jee ña̱ꞌa̱nꞌ re̱ꞌ nu̱u̱nꞌ su̱tu̱ꞌ kúñáꞌnú ka̱ꞌ,

2 Pedro 2:16

Soo nku̱xeenꞌ ɨɨn burrúꞌ nu̱u̱nꞌ re̱ꞌ jie̱ꞌe̱ꞌ kua̱chi re̱ꞌ, súka̱ꞌ kúvi ti̱ꞌ kitɨ ya̱ ntu kúvi kaꞌanꞌ. Jee nkaꞌanꞌ ti̱ꞌ kuéntáꞌ kua̱ꞌ káꞌánꞌ ɨɨn te̱e. Jee nchu̱sává ti̱ꞌ ntu njia̱ꞌa ti̱ꞌ saꞌá te̱e vá tiñu sáná. [Káchíꞌ‑ó nkuvi re̱ꞌ te̱e nna̱kani tu̱ꞌun nkene yuꞌú Ndiosíꞌ.]

Santiago 2:7

¿Á nsú suviráa vá káꞌánꞌ niva̱ꞌa si̱kɨ̱ꞌ súví Jesús máá viiꞌ ñunkúún stakuníꞌ rúja? Jee jie̱ꞌe̱ꞌ súví Jesús naní rán ñɨvɨ Cristo.

Hechos 18:6

Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Lucas 21:12

’Soo xíꞌna ka̱ꞌ ne̱ ntiáꞌan koo nta̱ká rá yaꞌá, jee tɨɨn rá ñɨvɨ ránoꞌó jee koto u̱ꞌvi̱ꞌ ráa ránoꞌó. Jee kɨ̱na̱ka ráa ránoꞌó nu̱u̱nꞌ rá te̱e kúñáꞌnú iniꞌ rá veꞌi sinagoga nu̱u̱nꞌ kútútú rá ñɨvɨ Israel koto u̱ꞌvi̱ꞌ ráa ránoꞌó, jee kɨ̱chiꞌi ráa ránó iniꞌ rá veka̱a. Jee kɨ̱na̱ka ráa ránó nu̱u̱nꞌ rá te̱e tátúníꞌ nación jín nu̱u̱nꞌ rá te̱e nísotíñú kúvi gobernador, sáva sijíta rává ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ.

Lucas 15:17

’Saájee nna̱ku̱ꞌun kájí iniꞌ‑i ñani iniꞌ‑i nne̱ꞌyá‑a maáa: “Tantúꞌ kue̱ꞌe̱ꞌ musúꞌ sátíñú veꞌi tátáꞌ ni̱ꞌ jee íyó kue̱ꞌe̱ꞌ ya̱ yájíꞌ ráa ne̱ kínóo ka̱ꞌ nu̱u̱nꞌ ráa, soo nuꞌuꞌ nééꞌ ni̱ꞌ yaꞌá jíꞌíꞌ ni̱ꞌ so̱ko.

Lucas 6:11

Jee rá te̱e ya̱ nání vá nsa̱a̱ꞌ víꞌí xi̱ni̱ꞌ ráa jee nátúꞌún ráa ná kúvi ya̱ saꞌá ráa sáva kenta ráa si̱kɨ̱ꞌ Jesús.

Marcos 13:9

’Soo nito koo rán maárán, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi. Jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel. Jee kuiñɨ rán ichinúúnꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sijíta ráa ránoꞌó, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ. Jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa.

Marcos 3:28

’Máá nááꞌ vá káchíꞌ ni̱ꞌ nu̱u̱nꞌ rán, ya̱ Ndiosíꞌ kunekáꞌnú iniꞌ re̱ꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín néni ɨɨn tu̱ꞌun níváꞌa káꞌánꞌ ñɨvɨ si̱kɨ̱ꞌ Ndiosíꞌ.