Hechos 24:25 - Mixteco del suroeste de Tlaxiaco Oaxaca

²⁵ Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

Hechos 24:25 Referans Kwoze

Juan 16:8

Sáá kiji re̱ꞌ, jee stúvi kájí‑i nu̱u̱nꞌ rá ñɨvɨ ñɨ̱vɨ́ ya̱ íyó kua̱chi si̱kɨ̱ꞌ ráa, jín na̱sa kuvi kino̱o na̱a̱ꞌ ráa nu̱u̱nꞌ Ndiosíꞌ, jín ya̱ na̱a̱ꞌ keꞌneꞌ Ndiosíꞌ kua̱chi ráa.

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.

2 Pedro 1:6

Jee jie̱ꞌe̱ꞌ ya̱ kúkáꞌnú iniꞌ rán ka̱ꞌ jie̱ꞌe̱ꞌ Ndiosíꞌ jee nachisó rán ya̱ nakeꞌen rán maárán. Jee jie̱ꞌe̱ꞌ nákeꞌen rán maárán jee nachisó rán ya̱ kuni̱ꞌin rán kuiñɨ kutú rán jín Cristo. Jee jie̱ꞌe̱ꞌ kúníꞌin rán íñɨ́ rán jín Cristo jee nachisó rán kɨtíñú rán nu̱u̱nꞌ Cristo.

Gálatas 5:23

másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.

Hechos 10:42

’Jee nta̱túníꞌ Ndiosíꞌ ya̱ stekútu̱ꞌún ránꞌ nu̱u̱nꞌ rá ñɨvɨ jín ya̱ nastúvi ránꞌ ya̱ naáꞌ ya̱ Jesús kúvi ya̱ ñani Ndiosíꞌ, sáva sanáaꞌ re̱ꞌ jie̱ꞌe̱ꞌ rá tékúꞌ jín rá níꞌiꞌ.

1 Juan 3:7

Ránoꞌó, ya̱ kúvi kuéntáꞌ se̱ꞌya ni̱ꞌ, koto jiáꞌa rán xináꞌví ni ɨɨn ñɨvɨ ránoꞌó, chi ñɨvɨ ya̱ sáꞌá náaꞌ jee ñɨvɨ na̱a̱ꞌ kúvi‑i, kuéntáꞌ na̱a̱ꞌ maáréꞌ.

Santiago 2:19

¿Á jínúꞌ iniꞌ nú ya̱ íyó métúꞌún ni Ndiosíꞌ? Va̱tu̱ni sáꞌá nú. Soo suni ne̱ rá ta̱chi̱ꞌ kíni jínúꞌ iniꞌ maa, jee ne̱ nɨ́ꞌɨn ráa ya̱ yúꞌví ráa.

Hebreos 9:27

Jee sukuán kuéntáꞌ kua̱ꞌ saá íyó va̱ji ya̱ níní kuviꞌ rá ñɨvɨ ɨɨn ni íchí, jee kuíre suni kiji tiñu ya̱ keꞌneꞌ Ndiosíꞌ kua̱chi.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Hebreos 3:13

Chisaꞌ nasaꞌá neí rán iniꞌ ɨɨn inka rá táꞌán rán vitan nteenꞌ, vitan ni íyó ka̱ꞌ tiempúꞌ, sáva ni ɨɨn rán ntu nuni̱ꞌin ánímaꞌ‑a nu̱u̱nꞌ Ndiosíꞌ, sáva ntu xináꞌví kua̱chi yɨ́ꞌɨ́ iniꞌ ánímaꞌ‑a maa.

Gálatas 3:22

Chisaꞌ Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, sánáaꞌ‑a ya̱ nɨꞌɨ ñɨvɨ ñɨ̱vɨ́ yɨ́ꞌɨ́ chi̱ji xi̱ntíín kua̱chi, kuéntáꞌ yɨ́niꞌyuꞌ ráa iniꞌ veka̱a. Sánáaꞌ‑a suꞌva sáva ku̱ꞌva Ndiosíꞌ ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ínúꞌ iniꞌ ráa Jesucristo. Ku̱ꞌva re̱ꞌ maa jie̱ꞌe̱ꞌ kúneí iniꞌ ráa re̱ꞌ.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.

2 Timoteo 4:1

Tétíñú ni̱ꞌin ni̱ꞌ nu̱u̱nꞌ noꞌó ichinúúnꞌ Ndiosíꞌ jín Cristo Jesús, ya̱ keꞌneꞌ re̱ꞌ kua̱chi rá ñɨvɨ tékúꞌ jín rá níꞌiꞌ, jín ya̱ nenta re̱ꞌ ñɨ̱vɨ́ yaꞌá, sáva tatúníꞌ re̱ꞌ nu̱u̱nꞌ nɨꞌɨ.

2 Corintios 6:2

Chi káchíꞌ Ndiosíꞌ nu̱u̱nꞌ Tutuꞌ Ííꞌ níso tu̱ꞌun re̱ꞌ ya̱: Maá tiempúꞌ ñani ni̱ꞌ jee ntɨɨn kuéntáꞌ ni̱ꞌ tu̱ꞌun ni̱ka̱nꞌ táꞌvíꞌ nú. Jee maá ki̱vɨ̱ꞌ ya̱ nsi̱káku ni̱ꞌ ñɨvɨ nu̱u̱nꞌ kua̱chi‑i, jee nchi̱neí ni̱ꞌ noꞌó. Tɨɨn kuéntáꞌ rán, vitan ví maá tiempúꞌ ya̱ ñani Ndiosíꞌ. Tɨɨn kuéntáꞌ rán, vitan ví maá ki̱vɨ̱ꞌ ya̱ sikáku re̱ꞌ ñɨvɨ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Hechos 24:15

Íyó tu̱neí iniꞌ ni̱ꞌ ya̱ saꞌá Ndiosíꞌ, kuéntáꞌ suni nétu ráa ya̱ natekuꞌ i̱i̱ꞌ rá níyɨ, va̱ni ñɨvɨ na̱a̱ꞌ áxí ñɨvɨ kánéꞌén, jee nako̱o rá ñunéꞌyúꞌ ráa.

Hechos 17:32

Sáá nteso̱ꞌo ráa jie̱ꞌe̱ꞌ ya̱ nátekuꞌ i̱i̱ꞌ rá níꞌiꞌ, jee sava ráa nkaꞌanꞌ u̱ꞌvi̱ꞌ. Jee inka ráa ka̱ꞌ nkachiꞌ: ―Teso̱ꞌo tuku ránꞌ nó jie̱ꞌe̱ꞌ yaꞌá.

Hechos 17:2

Sáni nka̱an Pablo, ña̱ꞌa̱nꞌ re̱ꞌ yukuán. Jee u̱ni̱ꞌ sátuꞌ ki̱vɨ̱ꞌ nájiáví ráa, jee nkua̱yuꞌú re̱ꞌ jín ráa sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Hebreos 6:2

jín suni jie̱ꞌe̱ꞌ tu̱ꞌun xínéꞌénꞌ ránꞌ jie̱ꞌe̱ꞌ ya̱ jiánuté, jín jie̱ꞌe̱ꞌ tiñu ya̱ chisó‑ó naꞌá‑ó xi̱ni̱ꞌ ñɨvɨ, jín jie̱ꞌe̱ꞌ ya̱ natekuꞌ i̱i̱ꞌ rá ni̱yɨ, jín jie̱ꞌe̱ꞌ ya̱ sijíta Ndiosíꞌ ñɨvɨ nɨ́ɨ́nkání jie̱ꞌe̱ꞌ kua̱chi ráa.

Hebreos 12:21

Jee máá nasɨ́ xe̱e̱nꞌ nkuvi ya̱ ntu̱vi nu̱u̱nꞌ ráa ya̱ Moisés nkachiꞌ re̱ꞌ: “Máá yúꞌví ni̱ꞌ jee kísɨ nuꞌuꞌ.”

Romanos 14:12

Saáva ta ɨɨn ta ɨɨn‑ó na̱siáꞌa‑ó kuéntáꞌ jie̱ꞌe̱ꞌ na̱sa vá nsa̱ꞌá‑ó ni nééꞌ‑ó ñɨ̱vɨ́ yaꞌá nu̱u̱nꞌ Ndiosíꞌ tékúꞌ ya̱ íyó antivɨ́ súkún.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

Romanos 2:16

Sukuán kuvi ki̱vɨ̱ꞌ saꞌá Ndiosíꞌ ya̱ sanáaꞌ Cristo Jesús jie̱ꞌe̱ꞌ rá tiñu íyó yuꞌuꞌ ya̱ nsa̱ꞌá rá ñɨvɨ jín ya̱ ñani iniꞌ ráa. Jee sanáaꞌ re̱ꞌ kua̱chi ráa sánikua̱ꞌ tu̱ꞌun váꞌa re̱ꞌ ya̱ káchítu̱ꞌún ni̱ꞌ.

Hechos 26:28

Ña̱re nkachiꞌ Agripa nu̱u̱nꞌ Pablo: ―Yakuꞌ ka̱ꞌ, siínúꞌ nú iniꞌ ni̱ꞌ kuvi ni̱ꞌ cristiano, ya̱ nakunikɨnꞌ ni̱ꞌ Cristo.

Hechos 17:13

Sáá nku̱káꞌnú iniꞌ rá ñɨvɨ Israel, nééꞌ ñuunꞌ Tesalónica, ya̱ suni stékútu̱ꞌún Pablo Tu̱ꞌun Ndiosíꞌ ñuunꞌ Berea, jee suni ña̱ꞌa̱nꞌ ráa yukuán, sáva saꞌá níní ráa iniꞌ rá ñɨvɨ ñuunꞌ vá kune̱ꞌyá rává Pablo jín Silas, jee saꞌá ráa tu̱ntíxín.

Hechos 9:6

Nkisɨ Saulo máá ñúyúꞌví iniꞌ re̱ꞌ, jee nkachiꞌ re̱ꞌ: ―I̱toꞌoꞌ ni̱ꞌ, ¿ná kúvi ya̱ kuíni nú ya̱ saꞌá ni̱ꞌ? Jee I̱toꞌoꞌ‑ó nkachiꞌ: ―Nako̱o jee ki̱vɨ ñuunꞌ vá. Jee yukuán kachiꞌ ɨɨn ñɨvɨ ná kúvi ya̱ íyó saꞌá nú.

Mateo 22:5

’Jee sáá nkachiꞌ rá musúꞌ vá sukuán nu̱u̱nꞌ rá ñɨvɨ ya̱ nkana re̱ꞌ, soo ntu ntɨ́ɨn kuéntáꞌ ráa maa, jee kua̱ꞌa̱nꞌ ráa, ɨɨn ráa nkene‑e kua̱ꞌa̱nꞌ‑a nu̱u̱nꞌ káá tataꞌ sáꞌá‑a, jee inka ka̱ꞌ nkene‑e kua̱ꞌa̱nꞌ‑a nu̱u̱nꞌ xíkó‑o.

Hechos 24:26

Jee suni ñúꞌún iniꞌ re̱ꞌ ya̱ ku̱ꞌva Pablo xu̱ꞌún nu̱u̱nꞌ re̱ꞌ sáva siaáꞌ re̱ꞌ maa. Saáva nku̱kéꞌín nkana re̱ꞌ maa nku̱kuéntú re̱ꞌ jín‑i.

Tito 1:8

Soo íyó kuvi re̱ꞌ ɨɨn te̱e ya̱ íyó maniꞌ iniꞌ, ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi, jín ya̱ ñúnúunꞌ ya̱ váꞌa, jín ya̱ jiáni kájí iniꞌ, jín ya̱ jíka na̱a̱ꞌ, jín ya̱ sáꞌá sɨ́ɨ́n re̱ꞌ maáréꞌ ya̱ nkɨ́ꞌɨ re̱ꞌ nu̱u̱nꞌ ya̱ níváꞌa sáni kuíni Ndiosíꞌ, jín ya̱ nákeꞌen re̱ꞌ maáréꞌ.