Hechos 24:24 - Mixteco del suroeste de Tlaxiaco Oaxaca

²⁴ Yakuꞌ ki̱vɨ̱ꞌ njia̱ꞌa, nkenta Félix jín ñasɨ́ꞌɨ́ re̱ꞌ, naní Drusila, ya̱ kúvi ñaꞌan ñuunꞌ Israel. Jee nta̱jí re̱ꞌ ña̱keꞌen ráa Pablo. Jee nteso̱ꞌo re̱ꞌ tu̱ꞌun, ya̱ nkaꞌanꞌ‑a na̱sa kuneí iniꞌ ñɨvɨ Cristo Jesús, ya̱ ñani Ndiosíꞌ tatúníꞌ ñɨ̱vɨ́.

Hechos 24:24 Referans Kwoze

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Gálatas 2:16

Jee jíníꞌ‑ó ya̱ ntu kénta kino̱o na̱a̱ꞌ ɨɨn ñɨvɨ nu̱u̱nꞌ Ndiosíꞌ jie̱ꞌe̱ꞌ ya̱ núkú‑u ya̱ saꞌá‑a ya̱ káchíꞌ tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés yanaꞌán. Chisaꞌ sííyo re̱ꞌ kua̱chi si̱kɨ̱ꞌ ñɨvɨ sáva ku̱ꞌvayuꞌú re̱ꞌ ya̱ kino̱o na̱a̱ꞌ‑a nu̱u̱nꞌ re̱ꞌ chi kúneí iniꞌ ñɨvɨ vá Jesús ya̱ kúvi Cristo. I̱ña̱jée nku̱neí iniꞌ‑ó Jesucristo, sáva siíyo Ndiosíꞌ kua̱chi‑ó, chi kúneí iniꞌ‑ó Cristo, jee nsú jie̱ꞌe̱ꞌ ya̱ núkú‑ó saꞌá‑ó ya̱ káchíꞌ ley vá. Chi ni ɨɨn ñɨvɨ ntu kínóo na̱a̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ núkú‑u saꞌá‑a ya̱ káchíꞌ ley vá.

Apoclipsis 14:12

Jee saáva rá ñɨvɨ ya̱ nsa̱ꞌá sɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, íyó káꞌnú koo iniꞌ ráa jee kuni̱ꞌin ráa nu̱u̱nꞌ re̱ꞌ, ya̱ maáráa ví ya̱ sikúnkuvi ráa tu̱ꞌun nta̱túníꞌ re̱ꞌ, jee íñɨ́ níꞌin ráa kúneí iniꞌ ráa Jesús ―káchíꞌ najiáꞌáꞌ ííꞌ uníꞌ vá.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.

1 Juan 5:1

Nta̱ká ñɨvɨ ya̱ jínúꞌ iniꞌ ya̱ Jesús ví Cristo, ya̱ ñani Ndiosíꞌ sáva tatúníꞌ‑i nu̱u̱nꞌ ñɨ̱vɨ́, jee suviráa sáꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ. Jee nta̱ká ñɨvɨ ya̱ ñúnúunꞌ ráa maáréꞌ ya̱ kúvi Tátáꞌ ráa, jee suni ñúnúunꞌ ráa rá inka ñɨvɨ ya̱ nsa̱ꞌá re̱ꞌ ya̱ nna̱kaku ráa kúvi ráa se̱ꞌya re̱ꞌ.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Hechos 26:22

Ne̱ vitan Ndiosíꞌ nchi̱neí nuꞌuꞌ. Jee íñɨ́ ni̱ꞌ, sáva nástúvi ni̱ꞌ ya̱ naáꞌ nu̱u̱nꞌ rá ñɨvɨ ñáꞌnú jín nu̱u̱nꞌ rá ñɨvɨ láꞌví. Jee ntu sɨ́ɨ́n káꞌánꞌ ni̱ꞌ ya̱ nkachiꞌ Moisés jín rá inka te̱e ya̱ nna̱kani ráa tu̱ꞌun nkene yuꞌú Ndiosíꞌ, chi káchíꞌ ni̱ꞌ mákua nkachiꞌ ráa ya̱ kuvi.

Hechos 16:31

Jee nkachiꞌ ráa: ―Kuneí iniꞌ nú I̱toꞌoꞌ‑ó Jesús, jee natavaꞌ Ndiosíꞌ noꞌó nu̱u̱nꞌ kua̱chi nú nanitáꞌvíꞌ nú. Suꞌva nanitáꞌvíꞌ nú jín táꞌán veꞌi nú.

Lucas 23:8

Jee sáá niniꞌ Herodes Jesús jee nku̱sɨ̱ɨ̱ꞌ víꞌí iniꞌ re̱ꞌ, chi ne̱ ya̱ íyó tiempúꞌ ya̱ kuíni re̱ꞌ kuniꞌ re̱ꞌ Jesús, chi nteso̱ꞌo re̱ꞌ jie̱ꞌe̱ꞌ‑e, jee kuíni re̱ꞌ réáꞌ kuniꞌ re̱ꞌ saꞌá‑a ɨɨn seña a̱nasɨ́.

Lucas 19:3

Jee núnasɨ́ re̱ꞌ núkú re̱ꞌ kune̱ꞌyá re̱ꞌ né ɨɨn ví Jesús, soo ntu kúvi chi jie̱ꞌe̱ꞌ ni ka̱ꞌ rá ñɨvɨ kue̱ꞌe̱ꞌ vá jiásɨ́ꞌ ráa, chi máá te̱e ñuꞌun kúvi re̱ꞌ.

Marcos 6:20

Chi ñúyúꞌví iniꞌ Herodes néꞌyá re̱ꞌ Juan, chi jíníꞌ re̱ꞌ ya̱ te̱e na̱a̱ꞌ jín ya̱ yɨ́tíñú nu̱u̱nꞌ Ndiosíꞌ ví Juan. Jee nku̱mí váꞌa re̱ꞌ maa nu̱u̱nꞌ ña. Jee sáá tésóꞌo re̱ꞌ tu̱ꞌun káchíꞌ Juan jee nku̱kuáchí iniꞌ re̱ꞌ, soo ntaꞌanꞌ iniꞌ re̱ꞌ teso̱ꞌo re̱ꞌ maa.

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.