Hechos 24:22 - Mixteco del suroeste de Tlaxiaco Oaxaca

²² Nkuꞌɨɨn iniꞌ Félix sanáaꞌ re̱ꞌ kua̱chi Pablo. Chi jíníꞌ va̱ꞌa re̱ꞌ jie̱ꞌe̱ꞌ ñujiínꞌ vá. Jee nkachiꞌ re̱ꞌ: ―Sáá kiaaꞌ general Lisias jee sanáaꞌ ni̱ꞌ tiñu nú.

Hechos 24:22 Referans Kwoze

Hechos 26:3

Chi jíníꞌ nú nɨꞌɨ rá costumbre rá ñɨvɨ Israel, jín nɨꞌɨ tu̱ꞌun jie̱ꞌe̱ꞌ kúváa yuꞌú ráníꞌ. Saájee jíkánꞌ táꞌvíꞌ ni̱ꞌ ya̱ káꞌnú koo iniꞌ nú jee teso̱ꞌo nú ya̱ kachiꞌ ni̱ꞌ.

Hechos 25:26

Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e.

Hechos 24:24

Yakuꞌ ki̱vɨ̱ꞌ njia̱ꞌa, nkenta Félix jín ñasɨ́ꞌɨ́ re̱ꞌ, naní Drusila, ya̱ kúvi ñaꞌan ñuunꞌ Israel. Jee nta̱jí re̱ꞌ ña̱keꞌen ráa Pablo. Jee nteso̱ꞌo re̱ꞌ tu̱ꞌun, ya̱ nkaꞌanꞌ‑a na̱sa kuneí iniꞌ ñɨvɨ Cristo Jesús, ya̱ ñani Ndiosíꞌ tatúníꞌ ñɨ̱vɨ́.

Hechos 24:14

Soo nánaꞌmaꞌ ni̱ꞌ tiñu yaꞌá nu̱u̱nꞌ nú. Níkɨ́nꞌ ni̱ꞌ ichi yaꞌá, ya̱ káchíꞌ ráa ichi túꞌún ví‑i. Suꞌva néñu̱ꞌun ni̱ꞌ Ndiosíꞌ ya̱ nneñu̱ꞌun rá tájííꞌ ráníꞌ yanaꞌán. Chi ínúꞌ iniꞌ ni̱ꞌ nɨꞌɨ sáni káchíꞌ tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín nɨꞌɨ tu̱ꞌun ntee rá te̱e ya̱ njia̱ꞌa Ndiosíꞌ maa nu̱u̱nꞌ ráa.

Hechos 24:10

Jee sáá nsa̱ꞌá te̱e nísotíñú seña ya̱ kaꞌanꞌ Pablo, jee nkachiꞌ re̱ꞌ: ―Jíníꞌ ni̱ꞌ ya̱ kue̱ꞌe̱ꞌ kui̱ya̱ꞌ kúvi nú te̱e tátúníꞌ nu̱u̱nꞌ nación yaꞌá. Saáva kúsɨ́ɨꞌ iniꞌ ni̱ꞌ, nama ni̱ꞌ maáníꞌ nu̱u̱nꞌ nú.

Hechos 24:6

Jee suvire̱ꞌ suni nnu̱kú re̱ꞌ stívɨ́ re̱ꞌ veñu̱ꞌun káꞌnú, jee ntɨɨn ránꞌ maa. [Jee nkuini ránꞌ sanáaꞌ ránꞌ kua̱chi re̱ꞌ sáni káchíꞌ ley ránꞌ.

Hechos 18:20

Sáá ni̱ka̱nꞌ ráa ya̱ kino̱o re̱ꞌ ka̱ꞌ jín ráa, soo ntu nkuíni re̱ꞌ.

Mateo 2:7

Saájee nkana yuꞌuꞌ Herodes rá te̱e tu̱ꞌva níchí xi̱ni̱ꞌ vá, jee ni̱ka̱tu̱ꞌún va̱ꞌa re̱ꞌ ráa jee nku̱káꞌnú iniꞌ re̱ꞌ máá tiempúꞌ nkitu̱vi tiu̱u̱nꞌ vá.

Hechos 9:2

jee ni̱ka̱nꞌ re̱ꞌ ya̱ ku̱ꞌva‑a ɨɨn tutuꞌ nu̱u̱nꞌ re̱ꞌ, ya̱ ku̱ꞌva re̱ꞌ nu̱u̱nꞌ rá te̱e nééꞌ si̱kɨ̱ꞌ rá veꞌi sinagoga ñuunꞌ Damasco nu̱u̱nꞌ kútútú rá ñɨvɨ Israel. Tutuꞌ vá kachiꞌ ya̱ níso re̱ꞌ tiñu, ya̱ retú naniꞌinꞌ re̱ꞌ néni ɨɨn ñɨvɨ ya̱ yɨ́ꞌɨ́ ichi vá, va̱ni te̱e va̱ni ñaꞌan, jee kuꞌniꞌ re̱ꞌ maa jee kinaka re̱ꞌ maa nu̱u̱nꞌ Jerusalén.

Hechos 19:40

Chi íyó nijia tu̱yuꞌví xi̱kóñáꞌán rá te̱e nísotíñú Roma ránuꞌuꞌ, ya̱ sáꞌá tíxín‑ó, chi ntu̱náꞌ jie̱ꞌe̱ꞌ íyó sáꞌá‑ó tuntíxín, jee ntu̱náꞌ íyó ya̱ nama‑o maáó jie̱ꞌe̱ꞌ nku̱tútú‑ó suꞌva.