Hechos 23:11 - Mixteco del suroeste de Tlaxiaco Oaxaca

¹¹ Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Hechos 23:11 Referans Kwoze

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hechos 18:9

Jee yakuááꞌ kájíkuitɨꞌ ntu̱vi ya̱ ni̱stúvi I̱toꞌoꞌ‑ó nu̱u̱nꞌ Pablo jee nkachiꞌ‑i: ―Koto yúꞌví nú. Kaꞌanꞌ nú ka̱ꞌ tu̱ꞌun ni̱ꞌ. Koto jiákui̱ñɨ̱ꞌ nú nu̱u̱nꞌ káꞌánꞌ nú.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Mateo 14:27

Soo kuísá ntañúꞌún nkaꞌanꞌ Jesús ráa, jee kachiꞌ re̱ꞌ: ―¡Koo tiɨ́kɨ́ iniꞌ rán, chi nuꞌuꞌ ví‑i, koto yúꞌví rán! ―nkachiꞌ Jesús.

Filipenses 1:13

Saáva nta̱ká rá soldado kúmí palacio vetíñú káꞌnú Roma jín nta̱ká ka̱ꞌ rá ñɨvɨ nku̱káꞌnú iniꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ Cristo.

Mateo 9:2

Jee yukuán nkuvi ya̱ nki̱naka rá ñɨvɨ nu̱u̱nꞌ re̱ꞌ ɨɨn te̱e kúꞌvíꞌ ya̱ ntu kúvi kantaꞌ‑a, jee yósóꞌ‑o nu̱u̱nꞌ tu̱nchi̱só. Jee sáá niniꞌ Jesús ya̱ jínúꞌ iniꞌ ráa kúneí iniꞌ ráa re̱ꞌ jee nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Se̱ꞌya, nasáneí iniꞌ nú, chi ya nne̱káꞌnú iniꞌ ni̱ꞌ noꞌó jie̱ꞌe̱ꞌ kua̱chi nú ―nkachiꞌ Jesús.

Hechos 22:18

Jee niniꞌ ni̱ꞌ I̱toꞌoꞌ‑ó ya̱ káꞌánꞌ‑a: “Kunumiꞌ. Jee ñamaꞌ kene nú Jerusalén. Chi ntɨ́ɨn ráa ya̱ naáꞌ ya̱ stúvi nú jie̱ꞌe̱ꞌ ni̱ꞌ.”

Hechos 20:22

Vitan kɨ̱ꞌɨ̱nꞌ ni̱ꞌ nu̱u̱nꞌ ñuunꞌ Jerusalén, chi tétuvi Ta̱chi̱ꞌ Ííꞌ Ndiosíꞌ nuꞌuꞌ. Soo ntu jíníꞌ ni̱ꞌ ná kunoꞌo ni̱ꞌ yukuán.

Hechos 2:25

Chi ne̱ tióꞌ chíji, David ntee Tu̱ꞌun Ndiosíꞌ nu̱u̱nꞌ tutuꞌ jie̱ꞌe̱ꞌ Jesús, jee nkachiꞌ David suꞌva: Sukuáni jíníꞌ ni̱ꞌ ya̱ maá I̱toꞌoꞌ‑ó íyó jín ni̱ꞌ, chi ichi kuáꞌá ni̱ꞌ ví re̱ꞌ, sáva ntu nániꞌvɨꞌ iniꞌ ni̱ꞌ.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 14:18

’Jee ni nsáꞌ xinóo métúꞌún ni ránoꞌó kuéntáꞌ rá ñɨvɨ kínóo láꞌví, chi niji ni̱ꞌ nu̱u̱nꞌ rán.

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Lucas 16:28

chi íyó u̱ꞌu̱nꞌ ka̱ꞌ rá ñaniꞌ ni̱ꞌ, sáva stúꞌva ya̱chi̱ꞌ re̱ꞌ ráa sáva ntu jíꞌín ráa kiji yaꞌá nu̱u̱nꞌ íyó víꞌí tu̱nóꞌó xéénꞌ yaꞌá”, nkachiꞌ te̱e kúká vá.

Hechos 22:15

Chi suvinú nastúvi nú ya̱ naáꞌ jie̱ꞌe̱ꞌ re̱ꞌ nu̱u̱nꞌ nɨꞌɨ rá ñɨvɨ, ya̱ niniꞌ nú jín ya̱ nteso̱ꞌo nú.

1 Corintios 9:1

¿Á nsáꞌ íyó núne ni̱ꞌ ya̱ íyó ni̱ꞌi̱nꞌ ni̱ꞌ jie̱ꞌe̱ꞌ tiñu sáꞌá ni̱ꞌ rúja? Jee, ¿á nsáꞌ kúvi ni̱ꞌ najiáꞌáꞌ Cristo ya̱ nísotíñú ni̱ꞌ tiñu apóstol chúichí re̱ꞌ nuꞌuꞌ nákani ni̱ꞌ tu̱ꞌun váꞌa re̱ꞌ rúja? Jee, ¿á nsáꞌ niniꞌ ni̱ꞌ maá I̱toꞌoꞌ‑ó Jesús rúja? Jee, ¿á nsú ránoꞌó kúvi tiñu nsa̱ꞌá ni̱ꞌ jín I̱toꞌoꞌ‑ó, ya̱ nsi̱kívɨ ni̱ꞌ ránoꞌó xi̱ntíín I̱toꞌoꞌ‑ó rúja?