Hechos 23:10 - Mixteco del suroeste de Tlaxiaco Oaxaca

¹⁰ Sáá nxi̱níꞌin víꞌí ka̱ꞌ kántátúꞌun ráa, jee nyu̱ꞌví víꞌí general, chi nkaꞌvi iniꞌ re̱ꞌ, ya̱ tasáva ráa Pablo. Saáva nta̱túníꞌ re̱ꞌ nu̱u̱nꞌ rá soldado, ya̱ natavaꞌ ráa maa nteñu rá ñɨvɨ, jee kɨ̱naka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.

Hechos 23:10 Referans Kwoze

Santiago 3:14

Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva.

Santiago 1:19

Ránoꞌó ñaniꞌ ni̱ꞌ jín rá ku̱ꞌva ni̱ꞌ ya̱ ñúnúunꞌ ni̱ꞌ, íyó tɨɨn kuéntáꞌ rán ya̱ íyó ñamaꞌ teso̱ꞌo nta̱ká rán, jee koto kúyáchiꞌ yuꞌú rán, jee koto kítɨ́ꞌ ñamaꞌ iniꞌ rán.

Hechos 22:24

Saáva nta̱túníꞌ general vá ya̱ rá soldado kɨ̱na̱ka ráa Pablo iniꞌ veꞌi cuartel nu̱u̱nꞌ nééꞌ rá soldado. Nta̱túníꞌ re̱ꞌ ya̱ chiꞌi ráa yoꞌo maa jee xináꞌmáꞌ ráa maa, sáva kukáꞌnú iniꞌ ráa na̱ kua̱chi ví ya̱ nsa̱ꞌá‑a ya̱ kánajíín rá ñɨvɨ si̱kɨ̱ꞌ‑ɨ.

Hechos 23:32

Jee ki̱vɨ̱ꞌ steñu̱ꞌún, jíka jie̱ꞌe̱ꞌ rá soldado nni̱kó ráa veꞌi cuartel nu̱u̱nꞌ nééꞌ ráa ñuunꞌ Jerusalén. Jee nxi̱nóo ráa rá soldado yósóꞌ kitɨ, sáva kɨ̱naka ráa Pablo.

Hechos 23:27

Te̱e yaꞌá ntɨɨn rá te̱e Israel maa. Jee mááíyó kaꞌniꞌ ráa maa nékúvi. Jee nkenta ni̱ꞌ yukuán jín rá soldado, jee nsi̱káku ni̱ꞌ re̱ꞌ, chi nteso̱ꞌo ni̱ꞌ ya̱ kúvi re̱ꞌ te̱e Roma.

Hechos 23:16

Soo sáá nku̱káꞌnú iniꞌ se̱ꞌya yɨ́ɨ́ ku̱ꞌva Pablo jie̱ꞌe̱ꞌ rá tu̱ꞌun nna̱túꞌún yuꞌuꞌ ráa, jee ña̱ꞌa̱nꞌ‑a iniꞌ veꞌi cuartel rá soldado, jee nna̱kani‑i vá nu̱u̱nꞌ Pablo.

Hechos 21:37

Sáá ma̱kuáꞌ ki̱vɨ ráa iniꞌ veꞌi vá, jee Pablo nkachiꞌ nu̱u̱nꞌ general: ―¿Á kuvi kachiꞌ ni̱ꞌ ntíꞌ nu̱u̱nꞌ nú? Jee nkachiꞌ general: ―¿Á jíníꞌ nú kaꞌanꞌ nú tu̱ꞌun griego?

Hechos 23:28

Jee nkuini ni̱ꞌ kukáꞌnú náaꞌ iniꞌ ni̱ꞌ, ná kuvi ya̱ chíkuáchi ráa maa. Saáva ña̱ꞌa̱nꞌ ni̱ꞌ jín‑i nu̱u̱nꞌ Justicia Ñáꞌnú ráa.

2 Corintios 11:26

Kue̱ꞌe̱ꞌ íchí ña̱ꞌa̱nꞌ ni̱ꞌ kue̱ꞌe̱ꞌ nu̱u̱nꞌ. Jee ntaꞌanꞌ ni̱ꞌ tu̱nóꞌó nu̱u̱nꞌ rá ntekáꞌnú. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ kuíꞌná. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ táꞌán ñuunꞌ ni̱ꞌ. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ ntu kúvi Israel. Ntaꞌanꞌ ni̱ꞌ tu̱nóꞌó nu̱u̱nꞌ rá ñuunꞌ. Ntaꞌanꞌ ni̱ꞌ tu̱nóꞌó nu̱u̱nꞌ ñu̱ꞌún saɨn. Ntaꞌanꞌ ni̱ꞌ tu̱nóꞌó nu̱u̱nꞌ nteñúꞌún. Ntaꞌanꞌ ni̱ꞌ tu̱nóꞌó nteñu rá ñɨvɨ ya̱ káchíꞌ nika̱ꞌ ya̱ kúvi ñanitáꞌán‑ó.

Hechos 24:7

Soo nki̱ní general Lisias maáréꞌ nteñu ránꞌ, jee ni̱ꞌin víꞌí ni̱xtá re̱ꞌ maa xi̱ntíín ránꞌ.