Hechos 23:1 - Mixteco del suroeste de Tlaxiaco Oaxaca

¹ Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

Hechos 23:1 Referans Kwoze

Hechos 24:16

Saáva sukuáni núnasɨ́ ni̱ꞌ kunikɨnꞌ ni̱ꞌ ichi váꞌa, sáva kuniꞌ ni̱ꞌ ya̱ ntu níso ni̱ꞌ kua̱chi nu̱u̱nꞌ Ndiosíꞌ jín nu̱u̱nꞌ rá ñɨvɨ.

2 Timoteo 1:3

Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ noꞌó. Suvire̱ꞌ ví ya̱ sátíñú ni̱ꞌ nu̱u̱nꞌ re̱ꞌ, ne̱ ánímaꞌ ni̱ꞌ jíníꞌ ni̱ꞌ ya̱ sáꞌá na̱a̱ꞌ ni̱ꞌ nu̱u̱nꞌ re̱ꞌ, sáni nsa̱ꞌá rá jííꞌ yanaꞌán ni̱ꞌ. Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ re̱ꞌ, sáá sukuáni jíkánꞌ táꞌvíꞌ ni̱ꞌ jie̱ꞌe̱ꞌ nú, sáá káꞌánꞌ ni̱ꞌ jín Ndiosíꞌ, va̱ni yakuááꞌ, va̱ni nuví.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Hebreos 13:18

Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Chi jíníꞌ va̱ꞌa ráníꞌ ya̱ ntu̱náꞌ ñúꞌún kua̱chi iniꞌ ránꞌ jín ya̱ kuíni ránꞌ ya̱ saꞌá na̱a̱ꞌ va̱ꞌa ránꞌ ntáká nu̱u̱nꞌ ntáká tiñu.

1 Corintios 4:4

Chi jíníꞌ ni̱ꞌ ya̱ ntu̱náꞌ kua̱chi ni̱ꞌ íyó jín tiñu sáꞌá ni̱ꞌ, soo nsú jín nu̱u̱nꞌ yukuán kúvi ya̱ kino̱o na̱a̱ꞌ ni̱ꞌ nu̱u̱nꞌ Ndiosíꞌ, chi maá I̱toꞌoꞌ‑ó kúvi ya̱ sanáaꞌ jie̱ꞌe̱ꞌ nuꞌuꞌ.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

Hechos 23:6

Jee niniꞌ Pablo ya̱ sava ráa kúvi ráa saduceo, jín sava ráa ka̱ꞌ kúvi ráa fariseo, jee nka̱najíín re̱ꞌ nteñu rá te̱e Justicia Ñáꞌnú yukuán: ―Ránoꞌó ñaniꞌ. Nuꞌuꞌ ví fariseo jín se̱ꞌya ɨɨn te̱e fariseo. Sánáaꞌ rán jie̱ꞌe̱ꞌ kua̱chi nuꞌuꞌ, chi íyó tu̱ꞌun neí iniꞌ ni̱ꞌ ya̱ natekuꞌ i̱i̱ꞌ rá níyɨ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Hechos 22:30

Kuíni general kuna̱a̱ꞌ iniꞌ re̱ꞌ ná kúvi ví ya̱ chíkuáchi rá ñɨvɨ Israel maa. Jee ki̱vɨ̱ꞌ xtéñu̱ꞌún nsia̱áꞌ re̱ꞌ maa, jee nta̱túníꞌ re̱ꞌ ya̱ nutútú rá su̱tu̱ꞌ kuñáꞌnú jín nɨꞌɨ rá te̱e Justicia Ñáꞌnú ñuunꞌ Israel. Jee ña̱na̱ka re̱ꞌ Pablo ichinúúnꞌ ráa.

Hechos 6:15

Jee nɨꞌɨ rá te̱e nééꞌ nu̱u̱nꞌ Justicia jee sáá nna̱kune̱ꞌyá va̱ꞌa ráa nu̱u̱nꞌ Esteban, jee niniꞌ ráa ya̱ ntúvi nu̱u̱nꞌ re̱ꞌ kuéntáꞌ túvi nu̱u̱nꞌ ɨɨn najiáꞌáꞌ ííꞌ Ndiosíꞌ.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Hechos 23:15

Saájee maáránú jín rá te̱e Justicia tají rán tu̱ꞌun nu̱u̱nꞌ general. Jee ka̱ka̱nꞌ rán ya̱ kinaka re̱ꞌ maa nu̱u̱nꞌ ránoꞌó, sáva kachiꞌ rán nika̱ꞌ ya̱ kukáꞌnú náaꞌ iniꞌ rán ka̱ꞌ jie̱ꞌe̱ꞌ te̱e vá. Jee ne̱ ntiáꞌan kenta re̱ꞌ jee ya kuiñɨ tu̱ꞌva ránꞌ ya̱ kaꞌniꞌ ránꞌ maa.

Hechos 23:20

Jee nna̱xiníkó te̱e súchí vá nu̱u̱nꞌ re̱ꞌ: ―Rá te̱e Israel nna̱túꞌún ráa ya̱ steñu̱ꞌún ka̱ka̱nꞌ ráa nu̱u̱nꞌ nú, ya̱ kɨ̱naka nú Pablo nu̱u̱nꞌ Justicia, sáva kachiꞌ ráa nika̱ꞌ, ya̱ kuíni ráa kukáꞌnú náaꞌ iniꞌ ráa ka̱ꞌ jie̱ꞌe̱ꞌ‑e.

Hechos 23:28

Jee nkuini ni̱ꞌ kukáꞌnú náaꞌ iniꞌ ni̱ꞌ, ná kuvi ya̱ chíkuáchi ráa maa. Saáva ña̱ꞌa̱nꞌ ni̱ꞌ jín‑i nu̱u̱nꞌ Justicia Ñáꞌnú ráa.