Hechos 22:25 - Mixteco del suroeste de Tlaxiaco Oaxaca

²⁵ Soo sáá jíꞌníꞌ ráa maa jín ñɨɨn, sáva kuun ráa yoꞌo maa, jee nkachiꞌ Pablo nu̱u̱nꞌ capitán ya̱ íñɨ́ yukuán: ―¿A yɨ́netuꞌ ya̱ kuun rán yoꞌo ɨɨn se̱ꞌya ñuunꞌ Roma, ya̱ ntiáꞌan sanáaꞌ rán kua̱chi?

Hechos 22:25 Referans Kwoze

Hechos 16:37

Soo nkachiꞌ Pablo nu̱u̱nꞌ ráa: ―Njia̱ꞌa nijinꞌ ráa ránuꞌuꞌ, sú ntu nnásanáaꞌ ráa si̱kɨ̱ꞌ ránuꞌuꞌ retáꞌ íyó kua̱chi ránꞌ, súka̱ꞌ kúvi ránꞌ se̱ꞌya ñuunꞌ Roma. Jee ntu̱ví ráa ránuꞌuꞌ veka̱a. Jee ntañúꞌún, ¿á táváꞌ yuꞌuꞌ ráa ránuꞌuꞌ? Ntu̱né íyó saꞌá ráa suꞌva. Nkíji maáráa jee kitavaꞌ ráa ránuꞌuꞌ.

Hechos 25:16

Jee nna̱xiníkó ni̱ꞌ nu̱u̱nꞌ ráa, ya̱ ntu íyó ñujiínꞌ rá te̱e Roma, ya̱ naku̱ꞌva ráa ni ɨɨn te̱e xíkóñáꞌán rá ñɨvɨ, ya̱ ntiáꞌan kuiñɨ‑ɨ kune̱ꞌyá‑a nu̱u̱nꞌ rá ñɨvɨ xíkóñáꞌán maa, jee nama‑a maáa jie̱ꞌe̱ꞌ kua̱chi ya̱ xíkóñáꞌán ráa maa.

Hechos 27:43

Soo capitán kuíni re̱ꞌ sikáku re̱ꞌ Pablo, jee ntu njiáꞌa re̱ꞌ saꞌá ráa maa. Jee nta̱túníꞌ‑i ya̱ rá ñɨvɨ jíníꞌ su̱té, xíꞌnañúꞌún ráa ka̱ꞌ vá nava nu̱u̱nꞌ nute, jee kɨ̱ꞌɨ̱nꞌ ráa ne̱ yúnteñúꞌún.

Hechos 23:17

Jee nkana Pablo ɨɨn rá capitán jee nkachiꞌ re̱ꞌ nu̱u̱nꞌ‑u: ―Kɨ̱na̱ka nú te̱e súchí yaꞌá nu̱u̱nꞌ general. Chi íyó tu̱ꞌun nakani re̱ꞌ nu̱u̱nꞌ‑u.

Hechos 27:3

Jee ki̱vɨ̱ꞌ teenꞌ, nkenta ránꞌ ñuunꞌ Sidón. Jee nkuva̱ꞌa iniꞌ Julio nne̱ꞌyá re̱ꞌ Pablo, jee njia̱ꞌa re̱ꞌ kɨ̱ꞌɨ̱nꞌ káꞌánꞌ‑a jín rá ñɨvɨ káva̱ꞌa jín‑i, sáva koto va̱ꞌa ráa maa nu̱u̱nꞌ nɨꞌɨ ya̱ jíniñúꞌún‑u.

Hechos 27:1

Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Mateo 8:8

Soo nna̱xiníkó capitán vá nkachiꞌ‑i: ―I̱toꞌoꞌ ni̱ꞌ, ntu̱ví íyó ni̱ꞌi̱nꞌ ni̱ꞌ ya̱ ki̱vɨ nú iniꞌ veꞌi ni̱ꞌ. Soo kua̱chi tu̱ꞌun káꞌánꞌ nú tatúníꞌ nú ni, jee nuvi musúꞌ ni̱ꞌ.

Mateo 10:17

Jee nito koo rán maárán nu̱u̱nꞌ rá ñɨvɨ, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi, jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel.

Hechos 22:26

Sáá nteso̱ꞌo capitán yaꞌá, jee ña̱kachiꞌ re̱ꞌ nu̱u̱nꞌ general: ―¿Ná kúvi ya̱ saꞌá nú? Chi se̱ꞌya ñuunꞌ Roma ví te̱e yaꞌá.

Hechos 23:27

Te̱e yaꞌá ntɨɨn rá te̱e Israel maa. Jee mááíyó kaꞌniꞌ ráa maa nékúvi. Jee nkenta ni̱ꞌ yukuán jín rá soldado, jee nsi̱káku ni̱ꞌ re̱ꞌ, chi nteso̱ꞌo ni̱ꞌ ya̱ kúvi re̱ꞌ te̱e Roma.