Hechos 21:8 - Mixteco del suroeste de Tlaxiaco Oaxaca

⁸ Jee ki̱vɨ̱ꞌ steñu̱ꞌún nkene ránꞌ jee nkenta ránꞌ ñuunꞌ Cesarea. Ña̱ꞌa̱nꞌ ránꞌ veꞌi Felipe. Kúvi re̱ꞌ te̱e stékútu̱ꞌún Tu̱ꞌun Ndiosíꞌ. Nkuvi re̱ꞌ ɨɨn ni uxáꞌ [rá te̱e ya̱ ñani rá apóstol sáva nku̱mí ráa rá ñaꞌan láꞌví]. Jee nkino̱o ránꞌ jín re̱ꞌ.

Hechos 21:8 Referans Kwoze

Hechos 6:5

Jee ntáká ráa ntaꞌanꞌ iniꞌ tu̱ꞌun yaꞌá. Jee nka̱ji ráa Esteban, ya̱ kúvi ɨɨn te̱e ya̱ kúneí víꞌí iniꞌ re̱ꞌ Jesús, jee Ta̱chi̱ꞌ Ííꞌ kúneí‑i jín re̱ꞌ. Jee suni nka̱ji ráa Felipe, Prócoro, Nicanor, Timón, Parmenas, jín Nicolás, te̱e ñuunꞌ Antioquía, ya̱ ntɨɨn re̱ꞌ ñujiínꞌ Israel.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

Hechos 28:16

Sáá nkenta ránꞌ ñuunꞌ Roma, nna̱ku̱ꞌva capitán rá te̱e yɨ́ꞌɨ́ xi̱ntíín re̱ꞌ nu̱u̱nꞌ capitán tátúníꞌ nu̱u̱nꞌ veka̱a ñuunꞌ vá. Soo njia̱ꞌayuꞌú rá te̱e néetiñu ya̱ kuneeꞌ Pablo ɨɨn veꞌi jín ɨɨn soldado, ya̱ kúmí‑i re̱ꞌ.

Hechos 16:13

Ki̱vɨ̱ꞌ nájiáví, nkene ránꞌ yuvéꞌí koo yu̱u̱ꞌ nu̱u̱nꞌ kívɨ rá ñɨvɨ nu̱u̱nꞌ ñuunꞌ. Jee ña̱ꞌa̱nꞌ ránꞌ yúntekáꞌnú, nu̱u̱nꞌ káꞌvi iniꞌ ránꞌ ya̱ íyó nu̱u̱nꞌ káꞌánꞌ rá ñɨvɨ Israel jín Ndiosíꞌ. Jee ña̱kuneeꞌ ránꞌ jee nkaꞌanꞌ ránꞌ jín rá ñaꞌan nku̱kútú.

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.

Hechos 9:30

Soo sáá nku̱káꞌnú iniꞌ rá ñanitáꞌán yɨ́ꞌɨ́ nu̱u̱nꞌ Jesús, jie̱ꞌe̱ꞌ ya̱ kaꞌniꞌ rává maa, jee kua̱na̱ka ráa re̱ꞌ nu̱u̱nꞌ ñuunꞌ Cesarea. Jee yukuán nchu̱ichí ráa re̱ꞌ kua̱noꞌonꞌ re̱ꞌ nu̱u̱nꞌ ñuunꞌ Tarso.

Hechos 28:11

Sáá njia̱ꞌa u̱ni̱ꞌ yo̱o̱ꞌ, jee nkene ránꞌ jín ɨɨn barkúꞌ. Barkúꞌ vá níñɨ‑ɨ ñuunꞌ ma̱ꞌñú nteñúꞌún vá, rá yo̱o̱ꞌ vi̱jin. Jee ne̱ ñuunꞌ Alejandría va̱ji barkúꞌ yaꞌá. Jee nééꞌ u̱vi̱ꞌ santúꞌ i̱xti̱nꞌ barkúꞌ ya̱ kúvi ráa rá ndiosíꞌ naní Cástor jín Pólux.

Hechos 27:1

Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 23:23

Jee nkana re̱ꞌ u̱vi̱ꞌ rá capitán jee nkachiꞌ re̱ꞌ nu̱u̱nꞌ ráa: ―Saꞌá túꞌva rán u̱vi̱ꞌ sientúꞌ (200) soldado, jín u̱ni̱xiko u̱ji̱ꞌ (70) rá soldado yósóꞌ kitɨ, jín u̱vi̱ꞌ sientúꞌ (200) soldado rá ínaꞌá lanza, sáva kɨ̱ꞌɨ̱nꞌ rán ñuunꞌ Cesarea, kaɨ̱ɨ̱nꞌ yakuááꞌ.

Hechos 20:13

Jee xíꞌna ránuꞌuꞌ ña̱ku̱ꞌun iniꞌ barkúꞌ jee ña̱ꞌa̱nꞌ ránꞌ nu̱u̱nꞌ ñuunꞌ Asón, chi yukuán nna̱keꞌen ránꞌ Pablo. Chi sukuán nna̱túꞌún re̱ꞌ jín ránꞌ, chi nkuini re̱ꞌ kaka jiéꞌé re̱ꞌ.

Hechos 20:6

Sáá nkuvi viko i̱xta̱tíláꞌ ntu yɨ́ꞌɨ́ levadura, jee nkene ránꞌ ñuunꞌ Filipos jín barkúꞌ. Sáá njia̱ꞌa u̱ꞌu̱nꞌ ki̱vɨ̱ꞌ nkenta ránꞌ ñuunꞌ Troas. Jee yukuán nkino̱o ránꞌ u̱xa̱ꞌ ki̱vɨ̱ꞌ.

Hechos 18:22

Sáá nkenta‑a ñuunꞌ Cesarea, ña̱kaꞌanꞌ‑a jín rá ñɨvɨ ya̱ kúneí iniꞌ ráa Jesús. Kuíre kua̱ꞌa̱nꞌ‑a ñuunꞌ Antioquía.

Hechos 16:16

Nkuvi‑i ɨɨn íchí sáá kua̱ꞌa̱nꞌ ránꞌ nu̱u̱nꞌ káꞌánꞌ ránꞌ jín Ndiosíꞌ, jee nke̱táꞌán ránꞌ ɨɨn ñasúchí ya̱ kúvi musúꞌ nkeꞌen ñɨvɨ. Jee nijin iniꞌ ña, chi yɨ́ꞌɨ́ ta̱chi̱ꞌ kíni iniꞌ ña. Nni̱ꞌi̱nꞌ víꞌí rá i̱toꞌoꞌ ña xu̱ꞌún sáꞌá ña, chi nkachiꞌ ña ná kuvi ichinúúnꞌ.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Hechos 21:16

Jee sava rá ñɨvɨ ñuunꞌ Cesarea níkɨ́nꞌ ñujiínꞌ Jesús, nku̱táꞌán ráa jín ránuꞌuꞌ. Jee ña̱na̱ka ráa ránuꞌuꞌ nu̱u̱nꞌ veꞌi te̱e naní Mnasón nu̱u̱nꞌ sáva nkino̱o ránꞌ yukuán. Kúvi re̱ꞌ te̱e ñuunꞌ Chipre. Jee kue̱ꞌe̱ꞌ tiempúꞌ níkɨ́nꞌ re̱ꞌ ñujiínꞌ Jesús.