Hechos 21:34 - Mixteco del suroeste de Tlaxiaco Oaxaca

³⁴ Nu̱chitú, nka̱najíín ta ɨɨn ráa sɨ́ɨ́n sɨ́ɨ́n tu̱ꞌun. Jee ntu nku̱káꞌnú iniꞌ re̱ꞌ ya̱ naáꞌ, chi kúváaꞌ víꞌí ráa. Jee nta̱túníꞌ re̱ꞌ nu̱u̱nꞌ rá soldado, ya̱ kɨ̱na̱ka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.

Hechos 21:34 Referans Kwoze

Hechos 23:10

Sáá nxi̱níꞌin víꞌí ka̱ꞌ kántátúꞌun ráa, jee nyu̱ꞌví víꞌí general, chi nkaꞌvi iniꞌ re̱ꞌ, ya̱ tasáva ráa Pablo. Saáva nta̱túníꞌ re̱ꞌ nu̱u̱nꞌ rá soldado, ya̱ natavaꞌ ráa maa nteñu rá ñɨvɨ, jee kɨ̱naka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.

Hechos 19:32

Jee kéꞌín rá ñɨvɨ kútútú yukuán nka̱najíín ráa ɨɨn tu̱ꞌun, jee inka ráa ka̱ꞌ nka̱najíín inka tu̱ꞌun. Chi nku̱naan nku̱suꞌva víꞌí rá ñɨvɨ kútútú. Kue̱ꞌe̱ꞌ ráa ntu niniꞌ na̱ jie̱ꞌe̱ꞌ nku̱tútú ráa.

Hechos 23:16

Soo sáá nku̱káꞌnú iniꞌ se̱ꞌya yɨ́ɨ́ ku̱ꞌva Pablo jie̱ꞌe̱ꞌ rá tu̱ꞌun nna̱túꞌún yuꞌuꞌ ráa, jee ña̱ꞌa̱nꞌ‑a iniꞌ veꞌi cuartel rá soldado, jee nna̱kani‑i vá nu̱u̱nꞌ Pablo.

Hechos 22:24

Saáva nta̱túníꞌ general vá ya̱ rá soldado kɨ̱na̱ka ráa Pablo iniꞌ veꞌi cuartel nu̱u̱nꞌ nééꞌ rá soldado. Nta̱túníꞌ re̱ꞌ ya̱ chiꞌi ráa yoꞌo maa jee xináꞌmáꞌ ráa maa, sáva kukáꞌnú iniꞌ ráa na̱ kua̱chi ví ya̱ nsa̱ꞌá‑a ya̱ kánajíín rá ñɨvɨ si̱kɨ̱ꞌ‑ɨ.

Hechos 21:37

Sáá ma̱kuáꞌ ki̱vɨ ráa iniꞌ veꞌi vá, jee Pablo nkachiꞌ nu̱u̱nꞌ general: ―¿Á kuvi kachiꞌ ni̱ꞌ ntíꞌ nu̱u̱nꞌ nú? Jee nkachiꞌ general: ―¿Á jíníꞌ nú kaꞌanꞌ nú tu̱ꞌun griego?

Hechos 22:30

Kuíni general kuna̱a̱ꞌ iniꞌ re̱ꞌ ná kúvi ví ya̱ chíkuáchi rá ñɨvɨ Israel maa. Jee ki̱vɨ̱ꞌ xtéñu̱ꞌún nsia̱áꞌ re̱ꞌ maa, jee nta̱túníꞌ re̱ꞌ ya̱ nutútú rá su̱tu̱ꞌ kuñáꞌnú jín nɨꞌɨ rá te̱e Justicia Ñáꞌnú ñuunꞌ Israel. Jee ña̱na̱ka re̱ꞌ Pablo ichinúúnꞌ ráa.

Hechos 25:26

Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e.

Hechos 23:32

Jee ki̱vɨ̱ꞌ steñu̱ꞌún, jíka jie̱ꞌe̱ꞌ rá soldado nni̱kó ráa veꞌi cuartel nu̱u̱nꞌ nééꞌ ráa ñuunꞌ Jerusalén. Jee nxi̱nóo ráa rá soldado yósóꞌ kitɨ, sáva kɨ̱naka ráa Pablo.