Hechos 21:26 - Mixteco del suroeste de Tlaxiaco Oaxaca

²⁶ I̱ña̱jée Pablo nku̱táꞌán jín ni ku̱mi̱ꞌ rá te̱e vá, ki̱vɨ̱ꞌ steñu̱ꞌún. Jee sáá nonoo ráa nu̱u̱nꞌ Ndiosíꞌ, jee nki̱vɨ ráa veñu̱ꞌun káꞌnú, jee nkachiꞌ ráa na̱ ki̱vɨ̱ꞌ nɨꞌɨ tiempúꞌ nno̱noo ráa nu̱u̱nꞌ Ndiosíꞌ, sáva kuvi so̱ko̱ꞌ ta ɨɨn ráa sa̱na̱ꞌ nu̱u̱nꞌ Ndiosíꞌ ki̱vɨ̱ꞌ vá.

Hechos 21:26 Referans Kwoze

Hechos 24:18

Jee nna̱niꞌinꞌ ráa nuꞌuꞌ sáá sáꞌá ni̱ꞌ sukuán, chi ya̱ nsa̱ꞌá ninuꞌun ni̱ꞌ maáníꞌ nu̱u̱nꞌ Ndiosíꞌ. Soo ntu níyo kue̱ꞌe̱ꞌ ñɨvɨ jín ni̱ꞌ, ni ntu sáꞌá ni̱ꞌ ti̱xi̱nꞌ.

1 Corintios 9:20

Sáá nééꞌ ni̱ꞌ nteñu rá ñɨvɨ ñuunꞌ Israel, jee jiáꞌnu ni̱ꞌ kuéntáꞌ jiáꞌnu ráa, sáva ni̱ꞌi̱nꞌ ni̱ꞌ ráa sijínúꞌ ni̱ꞌ iniꞌ ráa kaníjiá ráa tu̱ꞌun váꞌa jie̱ꞌe̱ꞌ Jesús. Jee nteñu rá ñɨvɨ yɨ́ꞌɨ́ ráa xi̱ntíín tu̱ꞌun ley nta̱túníꞌ Ndiosíꞌ nu̱u̱nꞌ Moisés yanaꞌán jee jiáꞌnu ni̱ꞌ kuéntáꞌ retánꞌ yɨ́ꞌɨ́ ni̱ꞌ chi̱ji xi̱ntíín tu̱ꞌun vá, asúnika̱ꞌ ya̱ maáníꞌ ntu̱ví yɨ́ꞌɨ́ nijia ni̱ꞌ ka̱ꞌ xi̱ntíín tu̱ꞌun vá, soo jiáꞌnu ni̱ꞌ sukuán sáva kuvi ni̱ꞌi̱nꞌ ni̱ꞌ ráa sijínúꞌ ni̱ꞌ iniꞌ ráa kaníjiá ráa ji̱nu̱ꞌ iniꞌ ráa tu̱ꞌun jie̱ꞌe̱ꞌ Cristo.

Hechos 21:24

Kɨ̱ꞌɨ̱nꞌ so̱ko̱ꞌ nú sa̱na̱ꞌ jín ráa, sáva nonoo ráa nu̱u̱nꞌ Ndiosíꞌ. Jee chunáán nú ya̱ távíꞌ ráa, sáva kuvi seté xi̱ni̱ꞌ ráa sánikua̱ꞌ costumbre‑ó. Jee kuniꞌ nɨꞌɨ rá ñɨvɨ ya̱ ntu̱náꞌ íyó ya̱ naáꞌ tu̱ꞌun nteso̱ꞌo ráa xi̱ni̱ꞌ nú. Soo suni síkúnkuvi nú ya̱ káchíꞌ tu̱ꞌun ley.

Juan 11:55

Jee ya nku̱yatin tiempúꞌ viko Pascua ya̱ néñu̱ꞌun rá ñɨvɨ Israel. Jee saáva kue̱ꞌe̱ꞌ nasɨ́kuitɨꞌ rá ñɨvɨ nta̱ká ñuunꞌ yukuán kua̱ꞌa̱nꞌ ráa Jerusalén sáva xíꞌna ka̱ꞌ íyó nasaꞌá noo ráa maáráa nu̱u̱nꞌ Ndiosíꞌ.