Hechos 21:23 - Mixteco del suroeste de Tlaxiaco Oaxaca

²³ Saájee saꞌá nú suꞌva, sáni ya̱ kachiꞌ ráníꞌ. Nteñu ránꞌ íyó ku̱mi̱ꞌ te̱e ya̱ íyó sikúnkuvi ráa tu̱ꞌun, ya̱ nchi̱sóyuꞌú ráa nu̱u̱nꞌ Ndiosíꞌ.

Hechos 21:23 Referans Kwoze

Hechos 18:18

Sáá nkuvi nneeꞌ Pablo ñuunꞌ Corinto kue̱ꞌe̱ꞌ ki̱vɨ̱ꞌ ka̱ꞌ, jee nkaꞌanꞌ‑a ka̱ꞌ jín rá ñaniꞌ yɨ́ꞌɨ́ ñujiínꞌ Jesús, jee ntɨɨn‑ɨ barkúꞌ kua̱ꞌa̱nꞌ‑a ñuunꞌ Siria, jín Priscila jín Aquila. Ne̱ ntiáꞌan nkene‑e, jee ni nééꞌ i̱i̱ꞌ‑i ñuunꞌ Cencrea, nu̱u̱nꞌ néne nívɨ rá barkúꞌ. Jee yukuán nsa̱ñɨɨ́n‑ɨ xi̱ni̱ꞌ‑i, chi suꞌva stúvi ya̱ nsi̱kúnkuvi‑i ɨɨn tiñu ya̱ nchi̱sóyuꞌú‑u saꞌá‑a nu̱u̱nꞌ Ndiosíꞌ.

Hechos 21:22

Saájee, ¿ná saꞌá‑ó? Chi sú na̱ja ka̱ꞌ jee kuniꞌ ráa ya̱ nkiaaꞌ nú.

1 Corintios 9:20

Sáá nééꞌ ni̱ꞌ nteñu rá ñɨvɨ ñuunꞌ Israel, jee jiáꞌnu ni̱ꞌ kuéntáꞌ jiáꞌnu ráa, sáva ni̱ꞌi̱nꞌ ni̱ꞌ ráa sijínúꞌ ni̱ꞌ iniꞌ ráa kaníjiá ráa tu̱ꞌun váꞌa jie̱ꞌe̱ꞌ Jesús. Jee nteñu rá ñɨvɨ yɨ́ꞌɨ́ ráa xi̱ntíín tu̱ꞌun ley nta̱túníꞌ Ndiosíꞌ nu̱u̱nꞌ Moisés yanaꞌán jee jiáꞌnu ni̱ꞌ kuéntáꞌ retánꞌ yɨ́ꞌɨ́ ni̱ꞌ chi̱ji xi̱ntíín tu̱ꞌun vá, asúnika̱ꞌ ya̱ maáníꞌ ntu̱ví yɨ́ꞌɨ́ nijia ni̱ꞌ ka̱ꞌ xi̱ntíín tu̱ꞌun vá, soo jiáꞌnu ni̱ꞌ sukuán sáva kuvi ni̱ꞌi̱nꞌ ni̱ꞌ ráa sijínúꞌ ni̱ꞌ iniꞌ ráa kaníjiá ráa ji̱nu̱ꞌ iniꞌ ráa tu̱ꞌun jie̱ꞌe̱ꞌ Cristo.