Hechos 21:1 - Mixteco del suroeste de Tlaxiaco Oaxaca

¹ Sáá nxi̱nóo ránꞌ ráa, jee nkene ránꞌ jín barkúꞌ. Jee ña̱ꞌa̱nꞌ na̱a̱ꞌ ránꞌ ne̱ ñuꞌun káá sɨ́ɨ́n ma̱ꞌñú nteñúꞌún naní Cos. Jee inka ki̱vɨ̱ꞌ nkenta ránꞌ ñuunꞌ Rodas. Nekuán jee ne̱ ñuunꞌ Pátara.

Hechos 21:1 Referans Kwoze

1 Tesalonicenses 2:17

Soo, ránoꞌó ñanitáꞌán, nkuiyo ráníꞌ nu̱u̱nꞌ ránú unúún. Sú nsáꞌ íñɨ́ ránꞌ nu̱u̱nꞌ ránoꞌó, soo ñúꞌún víꞌí iniꞌ ránꞌ ránoꞌó. Saájee kuíni nasɨ́kuitɨꞌ ránꞌ kua̱jiane̱ꞌyá ránꞌ ránoꞌó.

Lucas 5:4

Jee sáá nkuvi nkaꞌanꞌ re̱ꞌ, jee nkachiꞌ re̱ꞌ nu̱u̱nꞌ Simón: ―Sikɨ́ꞌɨ́nꞌ barkúꞌ nú nu̱u̱nꞌ kúnú ka̱ꞌ nute kɨ̱ꞌɨ̱nꞌ‑ó jín‑i, yukuán jee chuꞌun rán ñunu yúꞌvé rán sáva tɨɨn rán tia̱ká ―nkachiꞌ Jesús.

Hechos 27:2

Jee nki̱vɨ ránꞌ iniꞌ barkúꞌ va̱ji ne̱ ñuunꞌ Adramitio. Jee kɨ̱ꞌɨ̱nꞌ barkúꞌ vá rá ñuunꞌ íyó yúnteñúꞌún sánitɨ́ɨn Asia. Jee kua̱ꞌa̱nꞌ ránꞌ iniꞌ barkúꞌ vá. Jee suni kútáꞌán Aristarco jín ránꞌ. Kúvi re̱ꞌ te̱e Macedonia, ya̱ váji ne̱ ñuunꞌ Tesalónica.

Lucas 8:22

Saájee nkuvi yaꞌá ɨɨn rá ki̱vɨ̱ꞌ yukuán, jee nki̱vɨ Jesús iniꞌ ɨɨn barkúꞌ jín rá te̱e kútáꞌán jín re̱ꞌ súkuáꞌa re̱ꞌ ráa. Jee nkachiꞌ re̱ꞌ nu̱u̱nꞌ ráa: ―Kɨ̱jia̱ꞌa‑órán íyo ka̱ꞌ ichi yúnteñúꞌún ―nkachiꞌ re̱ꞌ. Saájee kua̱ꞌa̱nꞌ ráa.

Hechos 27:4

Jee nkene ránꞌ jín barkúꞌ yukuán. Jee njia̱ꞌa ránꞌ ichi ntu káni ta̱chi̱ꞌ ñuꞌun íyó ma̱ꞌñú nteñúꞌún naní Chipre, chi káni ta̱chi̱ꞌ ichinúúnꞌ ránꞌ.