Hechos 20:6 - Mixteco del suroeste de Tlaxiaco Oaxaca

⁶ Sáá nkuvi viko i̱xta̱tíláꞌ ntu yɨ́ꞌɨ́ levadura, jee nkene ránꞌ ñuunꞌ Filipos jín barkúꞌ. Sáá njia̱ꞌa u̱ꞌu̱nꞌ ki̱vɨ̱ꞌ nkenta ránꞌ ñuunꞌ Troas. Jee yukuán nkino̱o ránꞌ u̱xa̱ꞌ ki̱vɨ̱ꞌ.

Hechos 20:6 Referans Kwoze

Hechos 12:3

Jee sáá nku̱káꞌnú iniꞌ re̱ꞌ ya̱ nnu̱vatu iniꞌ rá ñɨvɨ Israel ya̱ ñaꞌniꞌ re̱ꞌ maa, jee suni sukuán nta̱jí re̱ꞌ tɨɨn ráa Pedro. Kúvi rá ki̱vɨ̱ꞌ ya̱ sáꞌá ráa viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura.

Hechos 16:12

Jee ne̱ yukuán ña̱ꞌa̱nꞌ ránꞌ ñuunꞌ Filipos, ya̱ kúvi ñuunꞌ maá ñáꞌnú ka̱ꞌ ya̱ tɨ́ɨn Macedonia. Rá ñɨvɨ ñuunꞌ Roma nkenta ña̱kuneeꞌ ñuunꞌ Filipos. Jee kéꞌín ki̱vɨ̱ꞌ nneeꞌ ráníꞌ ñuunꞌ yukuán.

2 Timoteo 4:13

Sáá kiji nú jee kunaꞌá nú so̱kotóꞌ, ya̱ nxi̱nóo ni̱ꞌ ñuunꞌ Troas iniꞌ veꞌi Carpo. Jee suni kunaꞌá nú rá tutuꞌ kiji jín nú. Jee ya̱ ñáꞌnú ka̱ꞌ kunaꞌá nú kiji ví rá tutuꞌ níso tu̱ꞌun ya̱ ñáꞌnú ka̱ꞌ, ya̱ kúvi ñɨɨn sa̱na̱ꞌ.

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Hechos 28:14

Yukuán nna̱ketáꞌán ránꞌ rá ñaniꞌ ya̱ kúneí iniꞌ ráa Jesús. Ni̱ka̱nꞌ ráa kino̱o ránꞌ jín ráa u̱xa̱ꞌ ki̱vɨ̱ꞌ. [Jee nkino̱o ránꞌ jín ráa.] Kuíre kua̱ꞌa̱nꞌ ránꞌ jee sukuán nkenta ránꞌ ñuunꞌ Roma.

Hechos 21:8

Jee ki̱vɨ̱ꞌ steñu̱ꞌún nkene ránꞌ jee nkenta ránꞌ ñuunꞌ Cesarea. Ña̱ꞌa̱nꞌ ránꞌ veꞌi Felipe. Kúvi re̱ꞌ te̱e stékútu̱ꞌún Tu̱ꞌun Ndiosíꞌ. Nkuvi re̱ꞌ ɨɨn ni uxáꞌ [rá te̱e ya̱ ñani rá apóstol sáva nku̱mí ráa rá ñaꞌan láꞌví]. Jee nkino̱o ránꞌ jín re̱ꞌ.

Hechos 21:4

Jee yukuán nna̱niꞌinꞌ ránꞌ rá ñɨvɨ níta ñujiínꞌ Jesús. Jee nkino̱o ránꞌ u̱xa̱ꞌ ki̱vɨ̱ꞌ yukuán. Jee njia̱ꞌa Ta̱chi̱ꞌ Ííꞌ tu̱ꞌun nu̱u̱nꞌ ráa, jee nkachiꞌ ráa nu̱u̱nꞌ Pablo ya̱ nkɨ̱ꞌɨ́nꞌ‑ɨ ñuunꞌ Jerusalén.

Hechos 16:8

Saáva njia̱ꞌa ráa sánitɨ́ɨn Misia jee nkenta ráa ñuunꞌ Troas.

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.

Hechos 20:5

Rá te̱e yaꞌá kua̱ꞌa̱nꞌ nu̱u̱nꞌ, jee nnetu ráa ránuꞌuꞌ ñuunꞌ Troas.

Hechos 20:16

Ñani iniꞌ Pablo jia̱ꞌa re̱ꞌ jín barkúꞌ ñuunꞌ Éfeso, sákua nkúkuéé re̱ꞌ ñuunꞌ Asia. Chi númíꞌ‑i kanta‑a ñuunꞌ Jerusalén, sáva kuiñɨ‑ɨ yukuán viko naní Pentecostés, réáꞌ kuvi.