Hechos 2:43 - Mixteco del suroeste de Tlaxiaco Oaxaca

⁴³ Jee nñu̱yúꞌví iniꞌ ntáká rá ñɨvɨ, chi nsa̱ꞌá Ndiosíꞌ ya̱ rá te̱e nísotíñú apóstol saꞌá ráa kue̱ꞌe̱ꞌ a̱nasɨ́ jín seña ya̱ stúvi Ndiosíꞌ ya̱ kúñáꞌnú re̱ꞌ ka̱ꞌ.

Hechos 2:43 Referans Kwoze

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Lucas 8:37

Saájee ntáká rá ñɨvɨ kue̱ꞌe̱ꞌ rá ñuunꞌ yɨ́ꞌɨ́ xi̱ntíín ñuunꞌ Gadara, ni̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱ꞌɨ̱nꞌ iyo re̱ꞌ yukuán, chi yúꞌví víꞌí ráa. Saájee nna̱ku̱ꞌun re̱ꞌ iniꞌ barkúꞌ sáva nikó re̱ꞌ nu̱u̱nꞌ váji re̱ꞌ.

Lucas 7:16

Jee kua̱íyó rá ñɨvɨ vá nyu̱ꞌví ráa jee nna̱kuetúꞌún ráa Ndiosíꞌ, jee nkachiꞌ ráa: ―Ɨɨn te̱e máá kúñáꞌnú nákani tu̱ꞌun kéne yuꞌú máá maá Ndiosíꞌ nkenta‑a nteñu‑ó, jee nkiaaꞌ Ndiosíꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ ―nkachiꞌ ráa.

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

Hechos 9:40

I̱ña̱jée ntavaꞌ Pedro nɨꞌɨ ráa chíkéꞌi. Jee ña̱kui̱ñɨ̱ꞌ ítɨ́ re̱ꞌ jee nkaꞌanꞌ re̱ꞌ jín Ndiosíꞌ. Sáá nna̱koto re̱ꞌ nu̱u̱nꞌ ñunéꞌyúꞌ ña, jee nkachiꞌ re̱ꞌ: ―Tabita. Nako̱o. Jee nna̱kune nchinúún ña, jee sáá niniꞌ ña Pedro jee nnako̱o ña nna̱kuneeꞌ ña.

Hechos 4:33

Jín fuersáꞌ ííꞌ nasɨ́kuitɨꞌ níso Ndiosíꞌ, nna̱stúvi rá te̱e kúvi apóstol ya̱ naáꞌ nu̱u̱nꞌ rá ñɨvɨ, ya̱ I̱toꞌoꞌ‑ó Jesús nnako̱o tuku‑u jee nna̱tekuꞌ‑u. Jee íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ ntáká ráa.

Hechos 9:34

Jee nkachiꞌ Pedro nu̱u̱nꞌ‑u: ―Eneas. Jesús, ya̱ kúvi Cristo chi, nxi̱núvi re̱ꞌ noꞌó. Nako̱o. Jee nasaꞌá stákoo i̱to nú. Jee kuísá ntañúꞌún nnako̱o re̱ꞌ.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 5:5

Sáá nteso̱ꞌo Ananías rá tu̱ꞌun yaꞌá jee ni̱ꞌi̱ꞌ re̱ꞌ, jee nna̱niso re̱ꞌ. Jee yúꞌví nasɨ́kuitɨꞌ ntáká ráa ya̱ nteso̱ꞌo ya̱ nkuvi.