Hechos 2:36 - Mixteco del suroeste de Tlaxiaco Oaxaca

³⁶ ―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

Hechos 2:36 Referans Kwoze

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Hechos 2:35

jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú kuéntáꞌ teyuꞌ”, ntee David suꞌva. Jee nkachiꞌ Pedro:

Hechos 5:28

―Nta̱túníꞌ ni̱ꞌin ráníꞌ nu̱u̱nꞌ rán, ya̱ koto xínéꞌénꞌ rán ka̱ꞌ tu̱ꞌun nu̱u̱nꞌ súví te̱e vá. ¡Soo kune̱ꞌyá rán! Nchu̱chítú rán ñuunꞌ Jerusalén jín tu̱ꞌun xínéꞌénꞌ rán. Jee kuíni rán saꞌá rán si̱kɨ̱ꞌ ránuꞌuꞌ jie̱ꞌe̱ꞌ ya̱ níꞌiꞌ te̱e vá ―nkachiꞌ su̱tu̱ꞌ kúñáꞌnú ka̱ꞌ.