Hechos 2:27 - Mixteco del suroeste de Tlaxiaco Oaxaca

²⁷ chi nsáꞌ xinóo nú ta̱chi̱ꞌ káꞌánꞌ ni̱ꞌ nu̱u̱nꞌ íyó rá níꞌiꞌ. Suni nsáꞌ ku̱ꞌva nú te̱ꞌyu̱ꞌ yɨkɨkúñu ni̱ꞌ, ya̱ ííꞌ kúvi ni̱ꞌ nu̱u̱nꞌ nú.

Hechos 2:27 Referans Kwoze

Hechos 2:31

Niniꞌ ya̱chi̱ꞌ David ya̱ kuvi, jee nkaꞌanꞌ re̱ꞌ jie̱ꞌe̱ꞌ ya̱ natekuꞌ i̱i̱ꞌ Cristo ya̱ ñani Ndiosíꞌ ya̱ tatúníꞌ‑i nu̱u̱nꞌ nɨꞌɨ. Jee nkachiꞌ re̱ꞌ ya̱ nsáꞌ xinóo Ndiosíꞌ maa nu̱u̱nꞌ íyó rá níꞌiꞌ, ni nte̱ꞌyúꞌ ñunéꞌyúꞌ‑u.

Apoclipsis 1:18

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Apoclipsis 20:13

Jee rá ñɨvɨ ya̱ níꞌiꞌ ráa nu̱u̱nꞌ nteñúꞌún jee nna̱tekuꞌ ráa nnene ráa nu̱u̱nꞌ nute, jee rá ñɨvɨ ya̱ níꞌiꞌ ya̱ ya íyó ráa nu̱u̱nꞌ nútútú ánímaꞌ rá ni̱yɨ suni nna̱tekuꞌ ráa nnene ráa yukuán. Jee nsa̱ꞌá náaꞌ Ndiosíꞌ jie̱ꞌe̱ꞌ tiñu na̱ja kua̱ꞌ tiñu nsa̱ꞌá ta ɨɨn ɨɨn ráa.

1 Corintios 15:55

Ya̱ jíꞌíꞌ ñɨvɨ, ¿na̱sa kuneí‑i si̱kɨ̱ꞌ yó résa? Jee ya̱ jíꞌíꞌ ñɨvɨ, ¿na̱sa kuvi saꞌá kini‑i yó kuéntáꞌ iñu ñu̱ñu̱ꞌ résa? káchíꞌ nu̱u̱nꞌ Tutuꞌ vá.

1 Corintios 15:52

Chi tiempúꞌ ji̱nu nu̱u̱nꞌ nɨ́ꞌɨ ya̱ tivɨꞌ trompeta nu̱u̱nꞌ nɨ́ꞌɨ, chi tivɨꞌ trompeta jee kuíntañúꞌún kuéntáꞌ ɨɨn ya̱ núun su̱kua̱ꞌ ni, jee nastekúꞌ Ndiosíꞌ rá ñɨvɨ níꞌiꞌ xinákóo re̱ꞌ ráa nteñu rá ni̱yɨ, sáva ni nsáꞌ ti̱vɨ́‑ɨ ka̱ꞌ, jee nasama Ndiosíꞌ yɨkɨkúñu‑ó.

Juan 11:39

Jee nkachiꞌ Jesús: ―Xitá rán yu̱u̱ꞌ yaꞌá ―nkachiꞌ re̱ꞌ. Jee Marta, ya̱ kúvi ku̱ꞌva te̱e ya̱ níꞌiꞌ vá, nkachiꞌ ña: ―I̱toꞌoꞌ, ya̱ jiáꞌánꞌ víꞌí re̱ꞌ chi ya̱ nkuvi ku̱mi̱ꞌ ki̱vɨ̱ꞌ ya̱ níꞌiꞌ re̱ꞌ.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

1 Juan 2:20

Soo ránoꞌó chi nni̱ꞌi̱nꞌ rán Ta̱chi̱ꞌ Ííꞌ Ndiosíꞌ yɨ́ꞌɨ́‑ɨ iniꞌ rán, ya̱ táji Cristo ya̱ ííꞌ kúvi re̱ꞌ, jee saáva jíníꞌ nta̱ká rán ya̱ naáꞌ.

Lucas 4:34

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ! ¡Jíníꞌ va̱ꞌa ni̱ꞌ né ɨɨn kúvi nú! ¡Noꞌó vá ííꞌ ya̱ váji nu̱u̱nꞌ Ndiosíꞌ! ―nkachiꞌ ta̱chi̱ꞌ kákini vá.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Marcos 1:24

―¿Na̱chi kíní nú maánú nteñu ránꞌ, Jesús ñuunꞌ Nazaret! ¿Á va̱ji nú xináánꞌ nú ránuꞌuꞌ? Jíníꞌ va̱ꞌa ni̱ꞌ né ɨɨn kúvi nú. Noꞌó vá i̱i̱ꞌ ya̱ váji nu̱u̱nꞌ Ndiosíꞌ ―nkachiꞌ ta̱chi̱ꞌ néꞌí.

Mateo 11:23

Jee ránoꞌó ñɨvɨ ñuunꞌ Capernaum, ¿á kúñáꞌnú nasɨ́kuitɨꞌ rán ka̱ꞌ ne̱ kusúkún rán kua̱nkaa rán ne̱ antivɨ́ súkún? Soo ntu̱ví, chisaꞌ kɨ̱núún nú ne̱ nu̱u̱nꞌ nútútú ánímaꞌ rá ni̱yɨ. Chi retánꞌ sukuán jee nu̱u̱nꞌ ñuunꞌ Sodoma nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ kino̱o ñuunꞌ vá ne̱ vitan nékúvi.

Jonás 2:6

Jee nke̱i ni̱ꞌ ne̱ jie̱ꞌe̱ꞌ nu̱u̱nꞌ kúnú, nu̱u̱nꞌ ntu íyó nene ni̱ꞌ, jee nkaꞌvi iniꞌ ni̱ꞌ ya̱ ni nsáꞌ ka̱ku ni̱ꞌ. Soo noꞌó, ya̱ kúvi nú I̱toꞌoꞌ ni̱ꞌ jín Ndiosíꞌ ni̱ꞌ, nsi̱káku nú nuꞌuꞌ sáva ntu kuviꞌ ni̱ꞌ.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.

Lucas 16:23

Jee kua̱ꞌa̱nꞌ ánímaꞌ re̱ꞌ nu̱u̱nꞌ ñúꞌúnꞌ xéénꞌ nu̱u̱nꞌ íyó ánímaꞌ rá ni̱yɨ, yukuán nóꞌo nasɨ́kuitɨꞌ re̱ꞌ jee nna̱nenu̱u̱nꞌ re̱ꞌ, jee niniꞌ íká re̱ꞌ Abraham jín suni Lázaro nééꞌ‑e xiín Abraham.

Lucas 24:44

Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Hechos 2:26

Saáva kúsɨ́ɨꞌ iniꞌ ánímaꞌ ni̱ꞌ, jee káꞌánꞌ jiákúꞌ ni̱ꞌ. Jee suni nééꞌ ñunkúún ñunéꞌyúꞌ ni̱ꞌ chi íyó tu̱neí iniꞌ ni̱ꞌ xinákóo nú ñunéꞌyúꞌ ni̱ꞌ nteñu rá níyɨ jín xinátekuꞌ nú nuꞌuꞌ,

Hechos 2:28

Nsa̱ꞌá nú ya̱ kukáꞌnú iniꞌ ni̱ꞌ ichi nu̱u̱nꞌ kenta kutekuꞌ ni̱ꞌ nɨ́ɨ́nkání jín nú. Kusɨ̱ɨ̱ꞌ xá iniꞌ ni̱ꞌ saꞌá nú, chi kuneeꞌ nú jín ni̱ꞌ. Ntee David ne̱ yanaꞌán.