Hechos 2:17 - Mixteco del suroeste de Tlaxiaco Oaxaca

¹⁷ Yaꞌá vá kuvi rá ki̱vɨ̱ꞌ nu̱u̱nꞌ nɨ́ꞌɨ, káchíꞌ Ndiosíꞌ, jee chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ nta̱ká ñɨvɨ. Rá se̱ꞌya yɨ́ɨ́ rán jín rá se̱ꞌya sɨ́ꞌɨ́ rán, nakani ráa tu̱ꞌun kene yuꞌú ni̱ꞌ. Kájíkuitɨꞌ kuniꞌ rá te̱e súchí rán, ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa, jee rá tájííꞌ rán kujia̱a̱ní ráa rá ña̱ní ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa.

Hechos 2:17 Referans Kwoze

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Hebreos 1:2

Soo rá ki̱vɨ̱ꞌ nu̱u̱nꞌ nɨ́ꞌɨ yaꞌá, ña̱tíñú re̱ꞌ Se̱ꞌya re̱ꞌ sáva kaꞌanꞌ re̱ꞌ jín‑ó. Jee maá Se̱ꞌya re̱ꞌ ví ya̱ ñani re̱ꞌ sáva nachiꞌi re̱ꞌ xi̱ntíín maáa nta̱ká ya̱ íyó. Jee jín maá Se̱ꞌya re̱ꞌ nsa̱ꞌá re̱ꞌ ya̱ ña̱ko̱o ñɨ̱vɨ́.

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

Lucas 3:6

Sáva ntáká rá ñɨvɨ kuniꞌ ráa na̱ja sikíji Ndiosíꞌ ya̱ sikáku re̱ꞌ ñɨvɨ. Sukuán káchíꞌ nu̱u̱nꞌ tutuꞌ ntee Isaías.

Hechos 21:9

Íyó ku̱mi̱ꞌ se̱ꞌya sɨ́ꞌɨ́ nu̱u̱nꞌ re̱ꞌ ya̱ ntiáꞌan tana̱ꞌá ráa jee káꞌánꞌ ráa Tu̱ꞌun Ndiosíꞌ ya̱ njia̱ꞌa‑a nu̱u̱nꞌ ráa.

2 Pedro 3:3

Soo ya̱ xíꞌnañúꞌún ka̱ꞌ ví ya̱ íyó kuniꞌ rán ya̱ rá ki̱vɨ̱ꞌ nu̱u̱nꞌ nɨ́ꞌɨ, jee kiji rá ñɨvɨ ya̱ káꞌánꞌ kátá iniꞌ ráa jie̱ꞌe̱ꞌ tu̱ꞌun na̱a̱ꞌ Ndiosíꞌ, jee kueꞌnu ráa sánikua̱ꞌ ñúꞌún iniꞌ ráa saꞌá ráa rá tiñu néꞌí ya̱ níyo iniꞌ maáráa.

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

Romanos 5:5

Jee ya̱ íyó tu̱neí iniꞌ‑ó yaꞌá, ntu̱ví jiáꞌa tu̱nkánuun nu̱u̱nꞌ‑ó, chi Ta̱chi̱ꞌ Ííꞌ ya̱ ntaji Ndiosíꞌ nu̱u̱nꞌ‑ó, ya̱ nchu̱chítú re̱ꞌ ánímaꞌ‑ó tu̱ꞌun ñúnúunꞌ Ndiosíꞌ yó.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Génesis 49:1

Nkana Jacob rá se̱ꞌya re̱ꞌ jee nkachiꞌ re̱ꞌ: “Kinutútú rán nu̱u̱nꞌ ni̱ꞌ jee kachiꞌ ni̱ꞌ nu̱u̱nꞌ rán ná kuvi ya̱ kiji nu̱u̱nꞌ rán tiempúꞌ kiji ichinúúnꞌ.

Santiago 5:3

Rá oro rán jín rá plata rán kujia su̱jieyóó maa. Jee su̱jieyóó vá stúvi ya̱ naáꞌ si̱kɨ̱ꞌ ránoꞌó, jee jie̱ꞌe̱ꞌ vá xináánꞌ Ndiosíꞌ rá yɨkɨkúñu rán kuéntáꞌ téñuꞌunꞌ ñuꞌunꞌ. Chi nsa̱ꞌá tútú rán nantíñú yɨ́yáꞌvi tiempúꞌ yaꞌá ya̱ kuánɨꞌɨ.

Génesis 6:12

Jee niniꞌ Ndiosíꞌ ya̱ tívɨ́ rá ñɨvɨ ñɨ̱vɨ́ jee nstívɨ́ nɨꞌɨ rá ñɨvɨ ñujiínꞌ jiáꞌnu ráa nu̱u̱nꞌ ñu̱ꞌún.

Hechos 11:28

Ɨɨn ráa naní Agabo, jee nnakui̱ñɨ̱ꞌ nichiꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ sákachiꞌ re̱ꞌ, jee nste̱kútu̱ꞌún ya̱chi̱ꞌ re̱ꞌ, ya̱ kutámá ntántúníꞌ nɨꞌɨ rá ñuunꞌ. (Nkuvi suꞌva rá tiempúꞌ nta̱túníꞌ Claudio nu̱u̱nꞌ ñuunꞌ Roma.)

Hechos 2:16

Chisaꞌ yaꞌá kúvi tu̱ꞌun nkachiꞌ Joel te̱e ya̱ nna̱kani‑i tu̱ꞌun nkene yuꞌú Ndiosíꞌ ne̱ nsú ntañúꞌún. Jee nkachiꞌ ya̱chi̱ꞌ Joel:

Hechos 2:18

Jee rá ki̱vɨ̱ꞌ vá, chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ rá te̱e jín rá ñaꞌan, ya̱ kúvi rá musúꞌ ni̱ꞌ rá kuatíñú ni̱ꞌ. Jee nakani ráa tu̱ꞌun kene yuꞌú ni̱ꞌ.

Hechos 2:33

Saáva Ndiosíꞌ nxi̱náa re̱ꞌ Jesús nu̱u̱nꞌ kúñáꞌnú‑u ya̱ nééꞌ‑e ichi kuáꞌá re̱ꞌ. Jee Ndiosíꞌ, Tááꞌ Jesús, njia̱ꞌa re̱ꞌ tiñu nu̱u̱nꞌ Jesús ya̱ tetíñú‑u Ta̱chi̱ꞌ Ííꞌ, sáni nchi̱sóyuꞌú re̱ꞌ, sáva sikúténuun‑u Ta̱chi̱ꞌ Ííꞌ nu̱u̱nꞌ rá ñɨvɨ. Jee yaꞌá ví ya̱ néꞌyá rán jín ya̱ tésóꞌo rán.

Hechos 11:27

Rá ki̱vɨ̱ꞌ yukuán, rá te̱e, ya̱ nákani tu̱ꞌun kéne yuꞌú Ndiosíꞌ, jee nkene ráa ñuunꞌ Jerusalén, jee nkenta ráa ñuunꞌ Antioquía.