Hechos 2:10 - Mixteco del suroeste de Tlaxiaco Oaxaca

¹⁰ Frigia, jín Panfilia, Egipto, jín rá ñuunꞌ tɨ́ɨn Libia káá yatin ñuunꞌ Cirene, jee sava‑ó kúvi rá ñɨvɨ ñuunꞌ Roma, ya̱ nééꞌ yakuꞌ tiempúꞌ yaꞌá. Sava‑ó ví ñɨvɨ Israel jee sava‑ó ví inka ñɨvɨ ntu kúvi Israel, soo ntɨɨn ráa ñujiínꞌ Israel.

Hechos 2:10 Referans Kwoze

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Hechos 18:23

Sáá nkuvi nneeꞌ‑e yukuán yakuꞌ tiempúꞌ, jee nkene‑e kua̱ꞌa̱nꞌ‑a jiáꞌa‑a ta ñuunꞌ sánitɨ́ɨn Galacia jín Frigia. Jee yukuán nachituvi‑i nɨꞌɨ rá ñɨvɨ níkɨ́nꞌ ñujiínꞌ Jesús.

Hechos 15:38

Soo ñani iniꞌ Pablo ya̱ ntu íyó va̱ꞌa ya̱ kɨ̱ꞌɨ̱nꞌ ráa jín Marcos, chi nxi̱nóo re̱ꞌ ráa sánitɨ́ɨn Panfilia, jee ntu ñáꞌánꞌ‑a ka̱ꞌ jín ráa nu̱u̱nꞌ tiñu sáꞌá ráa.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 13:13

I̱ña̱jée Pablo jín rá kútáꞌán jín re̱ꞌ nkene ráa ñuunꞌ Pafos iniꞌ barkúꞌ. Jee nkenta ráa ñuunꞌ Perge ya̱ tɨ́ɨn Panfilia. Soo nxi̱nóo Juan ráa jee nni̱kó re̱ꞌ nu̱u̱nꞌ ñuunꞌ Jerusalén.

2 Timoteo 1:17

Chi sáá nkenta re̱ꞌ ñuunꞌ Roma, jee kávii kuitɨꞌ nna̱nukú ñúnkúún re̱ꞌ nuꞌuꞌ ne̱kua̱ꞌ nna̱niꞌinꞌ re̱ꞌ nuꞌuꞌ.

Romanos 1:15

Saáva nuꞌuꞌ va̱ne̱ꞌ ñúkúvi iniꞌ ni̱ꞌ ya̱ suni kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ ránoꞌó ya̱ nééꞌ rán ñuunꞌ Roma.

Hechos 27:5

Nika ránꞌ nu̱u̱nꞌ nteñúꞌún yatin Cilicia jín Panfilia. Jee nkenta ránꞌ ñuunꞌ Mira ya̱ tɨ́ɨn Licia.

Hechos 14:24

Njia̱ꞌa ráa sánitɨ́ɨn Pisidia, jee nkenta ráa Panfilia.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Marcos 15:21

Jee yukuán kua̱jia̱ꞌa ɨɨn te̱e, jee nte̱tuvi ráa re̱ꞌ kuniso re̱ꞌ kurúsiꞌ Jesús. Naní re̱ꞌ Simón, kúvi re̱ꞌ te̱e ñuunꞌ Cirene, jee kúvi re̱ꞌ tátáꞌ Alejandro jín Rufo. Jee va̱ji re̱ꞌ ɨɨn kuaríáꞌ.

Mateo 27:32

Jee sáá kua̱kene ráa jín Jesús, jee nke̱táꞌán ráa ɨɨn te̱e naní Simón, kúvi re̱ꞌ te̱e ñuunꞌ naní Cirene, jee nte̱tuvi ráa re̱ꞌ kuniso re̱ꞌ kurúsiꞌ Jesús.

Génesis 12:10

Jee ni̱yo ta̱ma̱ꞌ nu̱u̱nꞌ ñu̱ꞌún yukuán, jee kua̱ꞌa̱nꞌ Abram jín rá ñɨvɨ re̱ꞌ Egipto jee nkino̱o re̱ꞌ kuéntáꞌ to̱ꞌo̱ꞌ yukuán chi ni̱yo ta̱ma̱ꞌ xe̱e̱nꞌ nu̱u̱nꞌ ñu̱ꞌún Canaán.

Apoclipsis 11:8

Jee rá ni̱yɨ ráa kava iniꞌ ichi ñuunꞌ káꞌnú vá, ya̱ káchíꞌ rá ñɨvɨ ya̱ ñuunꞌ vá kúvi kuéntáꞌ rá ñuunꞌ Sodoma jín Egipto, chi nu̱u̱nꞌ ñuunꞌ yukuán ñaꞌniꞌ rá ñɨvɨ I̱toꞌoꞌ ni núvíꞌ ráa jee nni̱ntakaa re̱ꞌ nu̱u̱nꞌ kurúsiꞌ.

Romanos 1:7

Tée ni̱ꞌ tutuꞌ yaꞌá nu̱u̱nꞌ ránoꞌó ya̱ ñúnúunꞌ Ndiosíꞌ ránoꞌó ya̱ nééꞌ rán ñuunꞌ Roma, ya̱ nkana re̱ꞌ ránoꞌó sáva kusɨ́ɨ́n rán kɨꞌɨ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Hechos 28:15

Sáá nku̱káꞌnú iniꞌ rá ñaniꞌ ya̱ kúneí iniꞌ ráa Jesús nééꞌ ñuunꞌ Roma, ya̱ nkenta ránꞌ, jee nkitaꞌanꞌ ráa ránuꞌuꞌ ne̱ rá ñuunꞌ naní Foro de Apio jín Tres Tabernas. Sáá niniꞌ Pablo ráa, jee ni̱ka̱nꞌ re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ, jee nna̱niꞌinꞌ neí iniꞌ re̱ꞌ.

Hechos 18:2

Jee yukuán ninita̱ꞌán‑a jín ɨɨn te̱e Israel naní Aquila. Kúvi re̱ꞌ se̱ꞌya ñuunꞌ Ponto. Sukuán nkenta re̱ꞌ ñuunꞌ Corinto, ya̱ nkene re̱ꞌ nación Italia. Nkenta re̱ꞌ jín ñasɨ́ꞌɨ́ re̱ꞌ Priscila. Nkene ráa chi Claudio, te̱e nísotíñú tátúníꞌ re̱ꞌ nu̱u̱nꞌ ñuunꞌ Roma, jee nta̱túníꞌ re̱ꞌ ya̱ íyó kene nɨꞌɨ rá ñɨvɨ Israel ñuunꞌ Roma. Kua̱ne̱ꞌyá Pablo ráa.

Hechos 13:1

I̱ña̱jée nteñu rá ñɨvɨ ñuunꞌ káꞌnú Antioquía ya̱ kúneí iniꞌ ráa Jesús ya̱ kútútú ráa yukuán, ni̱yo rá te̱e nákani ráa tu̱ꞌun kéne yuꞌú Ndiosíꞌ, jee ni̱yo rá te̱e ya̱ xínéꞌénꞌ ráa Tu̱ꞌun Ndiosíꞌ. Nkuvi ráa Bernabé jín Simón ya̱ naní Túún, jín Lucio te̱e ñuunꞌ Cirene, jín Manaén, ya̱ ñaꞌnu jín Herodes, ya̱ nta̱túníꞌ Herodes ñuunꞌ Galilea, jín Saulo.

Hechos 6:9

Jee nkenta rá te̱e káꞌvi ni ya̱ yɨ́ꞌɨ́ ráa nu̱u̱nꞌ ñujiínꞌ veꞌi sinagoga naní Rá Íñɨ́ Núne, jín rá te̱e káꞌvi ni ñuunꞌ Cirene jín ñuunꞌ Alejandría, jín rá sánitɨ́ɨn Cilicia jín Asia. Jee kántátúꞌun ráa jín Esteban.

Hechos 6:5

Jee ntáká ráa ntaꞌanꞌ iniꞌ tu̱ꞌun yaꞌá. Jee nka̱ji ráa Esteban, ya̱ kúvi ɨɨn te̱e ya̱ kúneí víꞌí iniꞌ re̱ꞌ Jesús, jee Ta̱chi̱ꞌ Ííꞌ kúneí‑i jín re̱ꞌ. Jee suni nka̱ji ráa Felipe, Prócoro, Nicanor, Timón, Parmenas, jín Nicolás, te̱e ñuunꞌ Antioquía, ya̱ ntɨɨn re̱ꞌ ñujiínꞌ Israel.

Mateo 2:15

Jee nneeꞌ ráa yukuán ne̱kua̱ꞌ ni̱ꞌi̱ꞌ Herodes. Sukuán nkuvi sáva nsi̱kúnkuvi tu̱ꞌun ya̱ nkachiꞌ I̱toꞌoꞌ‑ó yanaꞌán ya̱ njiáꞌa re̱ꞌ nu̱u̱nꞌ ɨɨn te̱e nna̱kani tu̱ꞌun nkene yuꞌú máá maá I̱toꞌoꞌ jee káchíꞌ: “Ne̱ ñuunꞌ Egipto nkana ni̱ꞌ Se̱ꞌya Yɨ́ɨ́ ni̱ꞌ kene nu̱u̱nꞌ ñuunꞌ vá niji yaꞌá.”

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Mateo 23:15

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡chi te̱e sansuꞌva kúvi rán! Chi ránoꞌó, jee jíkanuun rán nɨ́ɨ́nkáꞌnú, va̱ni nu̱u̱nꞌ nteñúꞌún, va̱ni nu̱u̱nꞌ ñuíchí núkú rán ɨɨn ñɨvɨ síjínúꞌ rán iniꞌ‑i rá tu̱ꞌun xinéꞌénꞌ maárán, jee retú kúneí rán síjínúꞌ rán iniꞌ ñɨvɨ vá, jee síkúniso rán ka̱ꞌ kua̱chi si̱kɨ̱ꞌ‑ɨ ya̱ ne̱ u̱vi̱ꞌ íchí ka̱ꞌ íyó ni̱ꞌi̱nꞌ‑i ya̱ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ nsú káꞌ íyó kɨ̱ꞌɨ̱nꞌ ránoꞌó nu̱u̱nꞌ ñúꞌúnꞌ xéénꞌ.

Hechos 2:11

Jee suni sava‑ó kúvi‑ó ñɨvɨ ñuunꞌ Creta jín Arabia. ’Soo tésóꞌo‑ó ya̱ káꞌánꞌ ráa rá tu̱ꞌun káꞌánꞌ ta ɨɨn‑ó jee káꞌánꞌ ráa jie̱ꞌe̱ꞌ rá tiñu ñáꞌnú nsa̱ꞌá Ndiosíꞌ ―nkachiꞌ rá ñɨvɨ nkenta yukuán.

Hechos 17:21

Nɨꞌɨ rá ñɨvɨ Atenas jín rá to̱ꞌo̱ꞌ nééꞌ yukuán, máá tiñu nákani ráa tu̱ꞌun jiáá ka̱ꞌ jee tésóꞌo ráa ná kúvi rá tu̱ꞌun jiáá ka̱ꞌ ví‑i íyó.