Hechos 19:1 - Mixteco del suroeste de Tlaxiaco Oaxaca

¹ 10 Sáá nééꞌ Apolos ñuunꞌ Corinto, Pablo njia̱ꞌa ma̱ꞌñú yuku. Jee nkanta‑a ñuunꞌ Éfeso. Jee yukuán nna̱ketáꞌán‑a jín kéꞌín ñɨvɨ yɨ́ꞌɨ́ ñujiínꞌ Ndiosíꞌ.

Hechos 19:1 Referans Kwoze

1 Corintios 16:12

Jee ntañúꞌún kaꞌanꞌ ni̱ꞌ jie̱ꞌe̱ꞌ ñaniꞌ‑ó Apolos, chi ni̱ka̱nꞌ táꞌvíꞌ víꞌí ni̱ꞌ nu̱u̱nꞌ re̱ꞌ ya̱ kua̱jiane̱ꞌyá re̱ꞌ ránoꞌó jín rá inka ka̱ꞌ ñanitáꞌán, soo nintíꞌínꞌ ntu nñúꞌun iniꞌ re̱ꞌ kua̱jiaaꞌ re̱ꞌ vitan, soo inka íchí sáá kuvi jee kua̱jiane̱ꞌyá re̱ꞌ ránoꞌó.

1 Corintios 1:12

Káchíꞌ ni̱ꞌ yaꞌá chi ta ɨɨn ránoꞌó káchíꞌ rán: “Nuꞌuꞌ chi íñɨ́ ni̱ꞌ jín Pablo”, áxí: “Nuꞌuꞌ chi íñɨ́ ni̱ꞌ jín Apolos”, áxí: “Nuꞌuꞌ íñɨ́ ni̱ꞌ jín Cefas”, áxí: “Nuꞌuꞌ chi íñɨ́ ni̱ꞌ jín Cristo”, káchíꞌ rán.

Hechos 18:1

Sáá nkuvi rá yaꞌá, jee nkene Pablo ñuunꞌ Atenas, jee kua̱ꞌa̱nꞌ‑a ñuunꞌ Corinto.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Hechos 19:17

Nku̱káꞌnú iniꞌ nɨꞌɨ ñɨvɨ ñuunꞌ Éfeso yaꞌá, kúvi rá ñɨvɨ Israel, kúvi rá griego. Jee nyu̱ꞌví nɨꞌɨ ráa. Jee nna̱kuetúꞌún víꞌí ráa ka̱ꞌ I̱toꞌoꞌ‑ó Jesús.

Hechos 19:26

Néꞌyá rán jee tésóꞌo rán, ya̱ Pablo vá nsi̱ínúꞌ re̱ꞌ iniꞌ kue̱ꞌe̱ꞌ ñɨvɨ xinóo ráa rá santúꞌ, chi káchíꞌ‑i ya̱ nsú ndiosíꞌ ví rá santúꞌ sáꞌá ñɨvɨ. Nsú kua̱chi ñuunꞌ Éfeso nsa̱ꞌá re̱ꞌ suꞌva, chi suni yatin nɨꞌɨ ñuunꞌ tɨɨn Asia nsa̱ꞌá re̱ꞌ maa.

Hechos 20:16

Ñani iniꞌ Pablo jia̱ꞌa re̱ꞌ jín barkúꞌ ñuunꞌ Éfeso, sákua nkúkuéé re̱ꞌ ñuunꞌ Asia. Chi númíꞌ‑i kanta‑a ñuunꞌ Jerusalén, sáva kuiñɨ‑ɨ yukuán viko naní Pentecostés, réáꞌ kuvi.

Hechos 20:18

Jee sáá nkenta ráa, jee nkachiꞌ re̱ꞌ nu̱u̱nꞌ ráa: ―Jíníꞌ rán na̱ja nsa̱ꞌá ni̱ꞌ nɨꞌɨ tiempúꞌ nneeꞌ ni̱ꞌ jín rán, ne̱ ki̱vɨ̱ꞌ xíꞌnañúꞌún nkenta ni̱ꞌ Asia.

Hechos 21:29

Nkachiꞌ ráa suꞌva, chi ya̱ niniꞌ xíꞌna ráa Trófimo jín re̱ꞌ nu̱u̱nꞌ ñuunꞌ vá. Trófimo ví te̱e kúvi ñuunꞌ Éfeso. Jee káꞌvi iniꞌ ráa ya̱ nkívɨ Pablo jín te̱e vá iniꞌ veñu̱ꞌun káꞌnú.

1 Corintios 4:6

Jee saáva ránoꞌó, ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá jie̱ꞌe̱ꞌ nuꞌuꞌ jín jie̱ꞌe̱ꞌ Apolos sáva kúvi ɨɨn ichi váꞌa nu̱u̱nꞌ rán, sáva sáá tésóꞌo ránú jie̱ꞌe̱ꞌ ránuꞌuꞌ jee kutu̱ꞌva rán ya̱ koto jiáꞌa rán ka̱ꞌ nu̱u̱nꞌ tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ sáva ntu kani téyíí iniꞌ rán jie̱ꞌe̱ꞌ ɨɨn ñɨvɨ jee kuniichiꞌ rán rá inka ka̱ꞌ.

1 Corintios 15:32

Jee retú sáꞌá ni̱ꞌ tiñu Ndiosíꞌ jee nnoꞌo ni̱ꞌ nsa̱ꞌá rá te̱e xe̱e̱nꞌ nu̱u̱nꞌ ñuunꞌ Éfeso kuéntáꞌ ɨɨn te̱e ya̱ kántáꞌán‑a jín kitɨ xéénꞌ, jee, ¿na̱kuá kúvi ya̱ váꞌa ni̱ꞌi̱nꞌ ni̱ꞌ jie̱ꞌe̱ꞌ sáꞌá ni̱ꞌ vá rúja?, retánꞌ ntu natekuꞌ rá ni̱yɨ jee ntu̱náꞌ ni̱ꞌi̱nꞌ ni̱ꞌ, jee sáni káchíꞌ ráa: Kajiꞌ‑ó jee koꞌo‑ó, chi kuviꞌ‑ó steñu̱ꞌún.

1 Corintios 16:8

Soo kino̱o ni̱ꞌ ñuunꞌ Éfeso yaꞌá nekuaꞌ koo viko naní Pentecostés.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.