Hechos 18:6 - Mixteco del suroeste de Tlaxiaco Oaxaca

⁶ Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Hechos 18:6 Referans Kwoze

Hechos 13:51

Soo nkisɨ ráa ti̱ka̱cha̱a̱ꞌ jie̱ꞌe̱ꞌ ráa, sáva túvi ya̱ íyó si̱kɨ̱ꞌ rá ñɨvɨ ñuunꞌ vá nu̱u̱nꞌ Ndiosíꞌ. Jee kua̱ꞌa̱nꞌ ráa ñuunꞌ Iconio.

1 Pedro 4:4

Jee vitan jee kúsɨ́ɨ́n iniꞌ rá ñɨvɨ ya̱ ránoꞌó ntu kútáꞌán rán ká jín ráa ntu sáꞌá rán ka̱ꞌ rá tiñu néꞌí níváꞌa ntántúníꞌ jín ráa, jee saáva ténúunꞌ ráa ránoꞌó.

Lucas 9:5

Jee retú néni ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, jee sáá kene rán ñuunꞌ vá, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa ―nkachiꞌ re̱ꞌ.

Mateo 27:25

Jee nna̱xiníkó ntáká ráa jee nkachiꞌ ráa: ―¡Kiji kua̱chi si̱kɨ̱ꞌ ránuꞌuꞌ jín si̱kɨ̱ꞌ rá se̱ꞌya ráníꞌ ya̱ kuviꞌ re̱ꞌ! ―nkachiꞌ ntáká ráa.

1 Pedro 4:14

Na̱ ka̱ꞌ netuꞌ ka̱ꞌ kúvi ránoꞌó retú ténúunꞌ ráa ránoꞌó jie̱ꞌe̱ꞌ ya̱ níkɨ́nꞌ rán ichi Cristo, chi máá Ta̱chi̱ꞌ Ííꞌ Ndiosíꞌ ya̱ viiꞌ kúñáꞌnú nasɨ́kuitɨꞌ íyó‑o jín ránoꞌó. [Chi rá ñɨvɨ vá káꞌánꞌ niva̱ꞌa ráa si̱kɨ̱ꞌ Ta̱chi̱ꞌ Ííꞌ re̱ꞌ, soo ránoꞌó chi nákuetúꞌún rán maa.]

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

Romanos 3:29

¿Á kúvi Ndiosíꞌ kua̱chi kuitɨꞌ Ndiosíꞌ rá ñɨvɨ Israel, résa? ¿Á ntu suni kúvi re̱ꞌ Ndiosíꞌ rá inka ñɨvɨ ya̱ ntu kúvi ráa ñɨvɨ Israel, résa? Va̱tu̱ꞌ nijia, suni kúvi re̱ꞌ Ndiosíꞌ ñɨvɨ rá inka nación.

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Hechos 26:11

Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.

Mateo 22:10

Jee sáá nkene rá musúꞌ vá kua̱ꞌa̱nꞌ ráa ntáká rá ichi káꞌnú, jee nstútú ráa ntáká ñɨvɨ ya̱ naniꞌinꞌ ráa, va̱ni ñɨvɨ kánéꞌén, va̱ni ñɨvɨ va̱ꞌa, jee suꞌva nchi̱tú ñɨvɨ nu̱u̱nꞌ íyó viko tána̱ꞌá vá.

Mateo 10:14

Soo retú ɨɨn ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, saájee sáá kene rán veꞌi ñɨvɨ ya̱ sáꞌá sukuán, áxí ñuunꞌ vá, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa.

Lucas 22:65

Jee kue̱ꞌe̱ꞌ ka̱ꞌ rá tu̱ꞌun níváꞌa ténúunꞌ ráa káꞌánꞌ ráa si̱kɨ̱ꞌ re̱ꞌ.

Mateo 21:43

Jee saáva káchíꞌ ni̱ꞌ nu̱u̱nꞌ rán ya̱ siíyo Ndiosíꞌ ya̱ tatúníꞌ re̱ꞌ nu̱u̱nꞌ rán ya̱ nkúvi ki̱vɨ rán xi̱ntíín re̱ꞌ, jee naku̱ꞌva re̱ꞌ maa nu̱u̱nꞌ inka ñɨvɨ ya̱ sikúnkuvi ráa sáni kuíni re̱ꞌ.

Mateo 8:11

Jee káchíꞌ ni̱ꞌ nu̱u̱nꞌ rán ya̱ kue̱ꞌe̱ꞌ víꞌí ñɨvɨ kene ráa rá ñuunꞌ káá ichi nu̱u̱nꞌ kénta nka̱niiꞌ, jín rá ñuunꞌ káá ichi nu̱u̱nꞌ táꞌánꞌ nka̱niiꞌ, kiji ráa kuneeꞌ ráa kajiꞌ ráa yumesáꞌ jín rá tátáꞌ jííꞌ‑ó yanaꞌán Abraham jín Isaac jín Jacob, sáá nachiꞌi Ndiosíꞌ, ya̱ nééꞌ antivɨ́ súkún, nɨꞌɨ xi̱ntíín re̱ꞌ tatúníꞌ re̱ꞌ nu̱u̱nꞌ nɨꞌɨ.

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.

Mateo 21:41

Jee nkachiꞌ ráa nu̱u̱nꞌ Jesús: ―Máá xéénꞌ xinóꞌo re̱ꞌ xináánꞌ re̱ꞌ rá te̱e kánéꞌén sátíñú vá, jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva vá nu̱u̱nꞌ rá inka ka̱ꞌ rá ñɨvɨ ya̱ naku̱ꞌva ráa uva nu̱u̱nꞌ re̱ꞌ sáni íyó ni̱ꞌi̱nꞌ re̱ꞌ, sáá kenta tiempúꞌ nastútú maa ―nkachiꞌ ráa.