Hechos 18:4 - Mixteco del suroeste de Tlaxiaco Oaxaca

⁴ Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 18:4 Referans Kwoze

2 Corintios 5:11

Jee saáva, jíníꞌ ráníꞌ ná kúvi ya̱ ñúyúꞌví iniꞌ ránꞌ nu̱u̱nꞌ I̱toꞌoꞌ‑ó. Jee saáva núkú ránꞌ sijínúꞌ ránꞌ iniꞌ ñɨvɨ ki̱vɨ ráa nu̱u̱nꞌ re̱ꞌ. Jee túvi kájí nu̱u̱nꞌ maá Ndiosíꞌ sáá ñúꞌún iniꞌ ánímaꞌ ránꞌ. Varésukuán jee suni sukuán túvi kájí nu̱u̱nꞌ ránú ya̱ na̱a̱ꞌ kúvi ráníꞌ.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Hechos 17:17

I̱ña̱jée iniꞌ veꞌi sinagoga nu̱u̱nꞌ kútútú rá ñɨvɨ Israel, jee nkua̱yuꞌú‑u jín rá ñɨvɨ Israel jín rá inka ñɨvɨ néñu̱ꞌun ráa Ndiosíꞌ. Jee ni ki̱vɨ̱ꞌ nkaꞌanꞌ‑a nu̱yáꞌvi jín néni ɨɨn ñɨvɨ kénta yukuán.

Hechos 26:28

Ña̱re nkachiꞌ Agripa nu̱u̱nꞌ Pablo: ―Yakuꞌ ka̱ꞌ, siínúꞌ nú iniꞌ ni̱ꞌ kuvi ni̱ꞌ cristiano, ya̱ nakunikɨnꞌ ni̱ꞌ Cristo.

Hechos 19:26

Néꞌyá rán jee tésóꞌo rán, ya̱ Pablo vá nsi̱ínúꞌ re̱ꞌ iniꞌ kue̱ꞌe̱ꞌ ñɨvɨ xinóo ráa rá santúꞌ, chi káchíꞌ‑i ya̱ nsú ndiosíꞌ ví rá santúꞌ sáꞌá ñɨvɨ. Nsú kua̱chi ñuunꞌ Éfeso nsa̱ꞌá re̱ꞌ suꞌva, chi suni yatin nɨꞌɨ ñuunꞌ tɨɨn Asia nsa̱ꞌá re̱ꞌ maa.

Hechos 19:8

U̱ni̱ꞌ yo̱o̱ꞌ jiáꞌánꞌ Pablo iniꞌ veñu̱ꞌun rá ñɨvɨ Israel, jee nkaꞌanꞌ neí iniꞌ re̱ꞌ. Jee káꞌánꞌ re̱ꞌ jee síínú re̱ꞌ iniꞌ rá ñɨvɨ, jie̱ꞌe̱ꞌ ichi nu̱u̱nꞌ tátúníꞌ Ndiosíꞌ.

Hechos 18:13

Jee káchíꞌ ráa: ―Síínú te̱e yaꞌá iniꞌ rá ñɨvɨ sáva kuneñu̱ꞌun ráa Ndiosíꞌ nsú káꞌ kua̱ꞌ tátúníꞌ ley‑ó.

Hechos 17:11

Soo rá ñɨvɨ yukuán nkuva̱ꞌa ka̱ꞌ iniꞌ ráa nsú káꞌ rá ñɨvɨ ñuunꞌ Tesalónica, chi va̱ne̱ꞌ ñuꞌun káñá iniꞌ ráa ntɨɨn ráa tu̱ꞌun yaꞌá. Jee ni ki̱vɨ̱ꞌ súkuáꞌa ráa Tutuꞌ Ííꞌ níso Tu̱ꞌun Ndiosíꞌ, sáva kuniꞌ ráa ré ya̱ naáꞌ ví ya̱ káchíꞌ Pablo jín Silas.

Hechos 13:14

Soo njia̱ꞌa ráa Perge jee nkenta ráa ñuunꞌ Antioquía, ya̱ káá yatin nu̱u̱nꞌ ñuꞌun tɨ́ɨn Pisidia. Jee sátuꞌ ki̱vɨ̱ꞌ nájiáví, nki̱vɨ ráa iniꞌ veꞌi sinagoga nu̱u̱nꞌ kútútú rá ñɨvɨ Israel, jee ña̱kuneeꞌ ráa.

Lucas 16:31

’Soo nkachiꞌ Abraham nu̱u̱nꞌ‑u: “Soo retú ntu tɨɨn kuéntáꞌ ráa tu̱ꞌun ntee Moisés jín rá tu̱ꞌun nna̱kani rá te̱e ya̱ njiáꞌa Ndiosíꞌ nu̱u̱nꞌ rává, jee asúnika̱ꞌ natekuꞌ ɨɨn ni̱yɨ nako̱o‑o kɨ̱ꞌɨ̱nꞌ‑ɨ nu̱u̱nꞌ ráa, suni ni nsáꞌ sijínúꞌ‑u iniꞌ ráa”, nkachiꞌ Abraham ―nkachiꞌ Jesús.

Lucas 4:16

Saájee kua̱noꞌonꞌ re̱ꞌ ñuunꞌ Nazaret, nu̱u̱nꞌ ñaꞌnu re̱ꞌ, jee sátuꞌ ki̱vɨ̱ꞌ nájiáví nki̱vɨ re̱ꞌ iniꞌ veꞌi sinagoga nu̱u̱nꞌ kútútú rá ñɨvɨ Israel, sánikua̱ꞌ ñujiínꞌ níkɨ́nꞌ re̱ꞌ sáꞌá re̱ꞌ. Jee nna̱kuiñɨꞌ re̱ꞌ sáva kaꞌvi re̱ꞌ Tutuꞌ níso Tu̱ꞌun Ndiosíꞌ.

Génesis 9:27

Na̱ ka̱ꞌ saꞌá kue̱ꞌe̱ꞌ Ndiosíꞌ ñuꞌun nu̱u̱nꞌ kuneeꞌ Jafet ya̱ kuvi kutenuun rá se̱ꞌya ichiyúkúnꞌ re̱ꞌ nu̱u̱nꞌ kuneeꞌ ráa, jee na̱ ka̱ꞌ kuneeꞌ nkáꞌnú va̱ꞌa rá se̱ꞌya ichiyúkúnꞌ re̱ꞌ nu̱u̱nꞌ kuneeꞌ rá ichiyúkúnꞌ ya̱ kene ráa nu̱u̱nꞌ Sem, jee rá ichiyúkúnꞌ kene nu̱u̱nꞌ Canaán kuvi ráa musúꞌ keꞌen ñɨvɨ kɨꞌɨ ráa xi̱ntíín ichiyúkúnꞌ kene rává nu̱u̱nꞌ Jafet.”

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 18:19

Jee nkenta ráa ñuunꞌ Éfeso. Jee nxi̱nóo re̱ꞌ Priscila jín Aquila yukuán. Jee nki̱vɨ re̱ꞌ veꞌi sinagoga nu̱u̱nꞌ kútútú rá ñɨvɨ Israel jee nkua̱yuꞌú‑u jín rá ñɨvɨ Israel.