Hechos 18:22 - Mixteco del suroeste de Tlaxiaco Oaxaca

²² Sáá nkenta‑a ñuunꞌ Cesarea, ña̱kaꞌanꞌ‑a jín rá ñɨvɨ ya̱ kúneí iniꞌ ráa Jesús. Kuíre kua̱ꞌa̱nꞌ‑a ñuunꞌ Antioquía.

Hechos 18:22 Referans Kwoze

Hechos 8:40

Soo nkenta Felipe ne̱ ñuunꞌ Azoto. Jee kua̱jia̱ꞌa re̱ꞌ jee nste̱kútu̱ꞌún re̱ꞌ tu̱ꞌun váꞌa jie̱ꞌe̱ꞌ Jesús nu̱u̱nꞌ ntáká rá ñuunꞌ ne̱ nkenta re̱ꞌ ñuunꞌ Cesarea.

Hechos 25:9

Soo Festo kuíni kino̱o va̱ꞌa jín rá ñɨvɨ Israel, jee ni̱ka̱tu̱ꞌún re̱ꞌ Pablo: ―¿Á kuíni nú kɨ̱ꞌɨ̱nꞌ‑ó Jerusalén, sáva sanáaꞌ ni̱ꞌ tiñu nú yukuán?

Hechos 25:1

Sáá nkenta Festo nación vá, jee njia̱ꞌa u̱ni̱ꞌ ki̱vɨ̱ꞌ, jee nkene‑e Cesarea jee kua̱ꞌa̱nꞌ‑a Jerusalén.

Hechos 23:23

Jee nkana re̱ꞌ u̱vi̱ꞌ rá capitán jee nkachiꞌ re̱ꞌ nu̱u̱nꞌ ráa: ―Saꞌá túꞌva rán u̱vi̱ꞌ sientúꞌ (200) soldado, jín u̱ni̱xiko u̱ji̱ꞌ (70) rá soldado yósóꞌ kitɨ, jín u̱vi̱ꞌ sientúꞌ (200) soldado rá ínaꞌá lanza, sáva kɨ̱ꞌɨ̱nꞌ rán ñuunꞌ Cesarea, kaɨ̱ɨ̱nꞌ yakuááꞌ.

Hechos 15:35

Soo Pablo jín Bernabé nkino̱o ráa ñuunꞌ Antioquía. Maáráa jín kue̱ꞌe̱ꞌ rá inka ka̱ꞌ ñɨvɨ xínéꞌénꞌ ráa jee stékútu̱ꞌún ráa tu̱ꞌun I̱toꞌoꞌ‑ó.

Hechos 15:30

I̱ña̱jée nta̱jí rá ñɨvɨ rá te̱e vá, jee nkenta ráa ñuunꞌ Antioquía. Jee yukuán nna̱stútú ráa rá ñɨvɨ kúneí iniꞌ rává Jesús. Jee nna̱ku̱ꞌva ráa tutuꞌ vá nu̱u̱nꞌ rává.

Hechos 15:23

Nta̱jí ráa tutuꞌ kua̱ꞌa̱nꞌ jín rá te̱e vá, ya̱ káchíꞌ suꞌva: “Ránuꞌuꞌ ya̱ kúvi ránꞌ rá apóstol jín rá te̱e kúñáꞌnú. Kúvi ráníꞌ ñaniꞌ ránú. Tée ráníꞌ nu̱u̱nꞌ rán, ya̱ nééꞌ nɨꞌɨ ñuunꞌ Antioquía jín rá sánitɨ́ɨn Siria jín Cilicia, ya̱ kúvi rán rá ñaniꞌ jín rá ku̱ꞌva, ya̱ ntu kúvi Israel. ’Nátají ránꞌ saludos tu̱ꞌun káva̱ꞌa nu̱u̱nꞌ ránoꞌó.

Hechos 15:4

Sáá nkenta Pablo jín Bernabé ñuunꞌ Jerusalén, jee rá ñɨvɨ yukuán ya̱ kúneí iniꞌ ráa Jesús, jín rá te̱e nísotíñú apóstol, jín rá te̱e kúñáꞌnú nu̱u̱nꞌ ráa nna̱kuatáꞌví rává Pablo jín rá kútáꞌán jín re̱ꞌ. Jee nna̱kani Pablo jín Bernabé nɨꞌɨ ya̱ nsa̱ꞌá Ndiosíꞌ jín ráa.

Hechos 14:26

Nkene ráa yukuán jee kua̱ꞌa̱nꞌ ráa jín barkúꞌ nu̱u̱nꞌ ñuunꞌ Antioquía. Yukuán ví nu̱u̱nꞌ nkene ráa xíꞌnañúꞌún, jee ne̱ ntiáꞌan nkene ráa, jee rá ñɨvɨ kúneí iniꞌ Jesús, ni̱ka̱nꞌ rává nu̱u̱nꞌ Ndiosíꞌ ya̱ nachituvi re̱ꞌ Bernabé jín Pablo, sáva saꞌá ráa tiñu ya̱ ya nsi̱kúnkuvi ráa.

Hechos 13:1

I̱ña̱jée nteñu rá ñɨvɨ ñuunꞌ káꞌnú Antioquía ya̱ kúneí iniꞌ ráa Jesús ya̱ kútútú ráa yukuán, ni̱yo rá te̱e nákani ráa tu̱ꞌun kéne yuꞌú Ndiosíꞌ, jee ni̱yo rá te̱e ya̱ xínéꞌénꞌ ráa Tu̱ꞌun Ndiosíꞌ. Nkuvi ráa Bernabé jín Simón ya̱ naní Túún, jín Lucio te̱e ñuunꞌ Cirene, jín Manaén, ya̱ ñaꞌnu jín Herodes, ya̱ nta̱túníꞌ Herodes ñuunꞌ Galilea, jín Saulo.

Hechos 11:11

’Jee máá hora yukuán u̱ni̱ꞌ te̱e íñɨ́ ichinúúnꞌ veꞌi nu̱u̱nꞌ nééꞌ ni̱ꞌ, ya̱ nta̱jí Cornelio ne̱ Cesarea va̱ji ráa nu̱u̱nꞌ ni̱ꞌ.

Hechos 10:24

Jee ki̱vɨ̱ꞌ steñu̱ꞌún nki̱vɨ ráa ñuunꞌ Cesarea. Jee Cornelio ya̱ nétu re̱ꞌ ráa. Jee nna̱sátútú re̱ꞌ rá táꞌán re̱ꞌ jín rá ñɨvɨ ma̱ni̱ꞌ ka̱ꞌ jín re̱ꞌ.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.