Hechos 18:21 - Mixteco del suroeste de Tlaxiaco Oaxaca

²¹ I̱ña̱jée nkaꞌanꞌ re̱ꞌ ka̱ꞌ jín ráa, jee nkachiꞌ re̱ꞌ: ―Tukuni nikó ni̱ꞌ nu̱u̱nꞌ nééꞌ rán, ré Ndiosíꞌ kuíni ―nkachiꞌ‑i. Jee ntɨɨn‑ɨ barkúꞌ ñuunꞌ Éfeso jee kua̱ꞌa̱nꞌ‑a.

Hechos 18:21 Referans Kwoze

1 Corintios 4:19

Soo ya̱chi̱ꞌ ni kua̱jiaaꞌ néꞌyá ni̱ꞌ ránoꞌó, retú maá I̱toꞌoꞌ‑ó kuíni ya̱ sukuán kuvi, jee kukáꞌnú iniꞌ ni̱ꞌ nsú tu̱ꞌun káꞌánꞌ rá ñɨvɨ téyɨ́ɨ́ vá, chisaꞌ kukáꞌnú iniꞌ ni̱ꞌ retánꞌ sátíñú fuersáꞌ ííꞌ Ndiosíꞌ iniꞌ ráa jee ná kúvi ya̱ kuvi saꞌá ráa.

Santiago 4:15

Nsú káꞌ kachiꞌ rán sukuán, íyó kachiꞌ rán suꞌva: “Retú I̱toꞌoꞌ‑ó Ndiosíꞌ kuíni, jee kutekuꞌ ráníꞌ jee saꞌá ránꞌ tiñu yaꞌá áxí tiñu yukuán.”

Hebreos 6:3

Jee sukuán nakeꞌen‑ó kɨ̱ꞌɨ̱nꞌ‑ó ichinúúnꞌ‑ó, retú taji Ndiosíꞌ.

Romanos 15:32

Ka̱ka̱nꞌ táꞌvíꞌ rán sukuán sáva kusɨ̱ɨ̱ꞌ víꞌí iniꞌ ánímaꞌ ni̱ꞌ kua̱jiaaꞌ ni̱ꞌ nu̱u̱nꞌ nééꞌ rán, retú kuíni Ndiosíꞌ. Jee ne̱kuva̱ꞌa iniꞌ ni̱ꞌ jín rán.

Romanos 1:10

sukuáni sukuáni sáá káꞌánꞌ ni̱ꞌ jín Ndiosíꞌ. Jee jíkánꞌ táꞌvíꞌ ni̱ꞌ ya̱ retú kuíni re̱ꞌ jee saꞌá re̱ꞌ ya̱ ne̱kua̱ꞌ nkúvi ka̱ꞌ kua̱jiane̱ꞌyá ni̱ꞌ ránoꞌó ntañúꞌún.

Hechos 20:16

Ñani iniꞌ Pablo jia̱ꞌa re̱ꞌ jín barkúꞌ ñuunꞌ Éfeso, sákua nkúkuéé re̱ꞌ ñuunꞌ Asia. Chi númíꞌ‑i kanta‑a ñuunꞌ Jerusalén, sáva kuiñɨ‑ɨ yukuán viko naní Pentecostés, réáꞌ kuvi.

1 Pedro 3:17

Chi retú kuíni máá Ndiosíꞌ ya̱ kunoꞌo rán, jee íyó va̱ꞌa ka̱ꞌ ya̱ kunoꞌo rán jie̱ꞌe̱ꞌ ya̱ sáꞌá rán tiñu váꞌa, nsú káꞌ jie̱ꞌe̱ꞌ tiñu níváꞌa.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

1 Corintios 16:7

Chi ntu kuíni ni̱ꞌ kua̱chi kua̱jiaaꞌ jínu ni̱ꞌ nu̱u̱nꞌ nééꞌ rán, chi ñúꞌún iniꞌ ni̱ꞌ ya kunee ni̱ꞌ yakuꞌ tiempúꞌ jín ránoꞌó retú maá Ndiosíꞌ kuíni.

Hechos 21:14

Soo sáá ntu nsi̱jínu ránꞌ iniꞌ re̱ꞌ, jee ntu nkaꞌanꞌ ránꞌ ka̱ꞌ. Nkachiꞌ ránꞌ: ―Kuvi sáni kuíni I̱toꞌoꞌ‑ó.

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

Lucas 9:61

Jee nkachiꞌ inka ka̱ꞌ: ―I̱toꞌoꞌ ni̱ꞌ, kunikɨnꞌ ni̱ꞌ noꞌó, soo xíꞌna ka̱ꞌ taji nú kɨ̱kaꞌanꞌ ni̱ꞌ ntíꞌ ka̱ꞌ jín rá táꞌán veꞌi ni̱ꞌ ―nkachiꞌ‑i.

Mateo 26:39

Jee nika Jesús ntíꞌ ka̱ꞌ ichinúúnꞌ, jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ nu̱u̱nꞌ re̱ꞌ ne̱ nu̱u̱nꞌ ñu̱ꞌún, jee jíkánꞌ táꞌvíꞌ re̱ꞌ, jee káchíꞌ re̱ꞌ: ―Tátáꞌ ni̱ꞌ, retú kuvi, jee siíyo nú copa yaꞌá ya̱ kúvi tu̱nóꞌó kiji kunoꞌo ni̱ꞌ. Soo koto saꞌá nú sáni kuíni iniꞌ nuꞌuꞌ, chisaꞌ saꞌá nú sáni kuíni maánú ―nkachiꞌ Jesús.

Marcos 6:46

Jee sáá nkuvi nna̱chuichí re̱ꞌ ráa, jee kua̱ꞌa̱nꞌ re̱ꞌ ɨɨn yuku kaꞌanꞌ re̱ꞌ jín Ndiosíꞌ.

Hechos 18:19

Jee nkenta ráa ñuunꞌ Éfeso. Jee nxi̱nóo re̱ꞌ Priscila jín Aquila yukuán. Jee nki̱vɨ re̱ꞌ veꞌi sinagoga nu̱u̱nꞌ kútútú rá ñɨvɨ Israel jee nkua̱yuꞌú‑u jín rá ñɨvɨ Israel.

Hechos 18:20

Sáá ni̱ka̱nꞌ ráa ya̱ kino̱o re̱ꞌ ka̱ꞌ jín ráa, soo ntu nkuíni re̱ꞌ.

Hechos 18:24

Nkenta ɨɨn te̱e Israel naní Apolos ñuunꞌ Éfeso. Se̱ꞌya ñuunꞌ Alejandría ví re̱ꞌ. Káꞌánꞌ va̱ꞌa nasɨ́kuitɨꞌ re̱ꞌ, jee jíníꞌ noo‑o Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, ya̱ naní Escrituras.

Hechos 19:1

10 Sáá nééꞌ Apolos ñuunꞌ Corinto, Pablo njia̱ꞌa ma̱ꞌñú yuku. Jee nkanta‑a ñuunꞌ Éfeso. Jee yukuán nna̱ketáꞌán‑a jín kéꞌín ñɨvɨ yɨ́ꞌɨ́ ñujiínꞌ Ndiosíꞌ.

Hechos 19:17

Nku̱káꞌnú iniꞌ nɨꞌɨ ñɨvɨ ñuunꞌ Éfeso yaꞌá, kúvi rá ñɨvɨ Israel, kúvi rá griego. Jee nyu̱ꞌví nɨꞌɨ ráa. Jee nna̱kuetúꞌún víꞌí ráa ka̱ꞌ I̱toꞌoꞌ‑ó Jesús.

Hechos 21:29

Nkachiꞌ ráa suꞌva, chi ya̱ niniꞌ xíꞌna ráa Trófimo jín re̱ꞌ nu̱u̱nꞌ ñuunꞌ vá. Trófimo ví te̱e kúvi ñuunꞌ Éfeso. Jee káꞌvi iniꞌ ráa ya̱ nkívɨ Pablo jín te̱e vá iniꞌ veñu̱ꞌun káꞌnú.

1 Corintios 15:32

Jee retú sáꞌá ni̱ꞌ tiñu Ndiosíꞌ jee nnoꞌo ni̱ꞌ nsa̱ꞌá rá te̱e xe̱e̱nꞌ nu̱u̱nꞌ ñuunꞌ Éfeso kuéntáꞌ ɨɨn te̱e ya̱ kántáꞌán‑a jín kitɨ xéénꞌ, jee, ¿na̱kuá kúvi ya̱ váꞌa ni̱ꞌi̱nꞌ ni̱ꞌ jie̱ꞌe̱ꞌ sáꞌá ni̱ꞌ vá rúja?, retánꞌ ntu natekuꞌ rá ni̱yɨ jee ntu̱náꞌ ni̱ꞌi̱nꞌ ni̱ꞌ, jee sáni káchíꞌ ráa: Kajiꞌ‑ó jee koꞌo‑ó, chi kuviꞌ‑ó steñu̱ꞌún.

1 Corintios 16:8

Soo kino̱o ni̱ꞌ ñuunꞌ Éfeso yaꞌá nekuaꞌ koo viko naní Pentecostés.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

Apoclipsis 2:1

’Jee tee nú tu̱ꞌun yaꞌá kɨ̱ꞌɨ̱nꞌ‑ɨ nu̱u̱nꞌ ya̱ kúñáꞌnú nu̱u̱nꞌ grupo ñɨvɨ ya̱ jínúꞌ iniꞌ ráa nuꞌuꞌ, ya̱ kútútú ráa ñuunꞌ Éfeso, sáva naku̱ꞌva nú maa nu̱u̱nꞌ ráa: “Nuꞌuꞌ kúvi ya̱ ínaꞌá ni̱ꞌ ni uxáꞌ rá tiu̱u̱nꞌ ichi naꞌá kuáꞌá ni̱ꞌ, jee jíkónúun ni̱ꞌ nteñu ni uxáꞌ rá kantilerúꞌ oro. Tu̱ꞌun yaꞌá káchíꞌ nuꞌuꞌ: