Hechos 18:13 - Mixteco del suroeste de Tlaxiaco Oaxaca

¹³ Jee káchíꞌ ráa: ―Síínú te̱e yaꞌá iniꞌ rá ñɨvɨ sáva kuneñu̱ꞌun ráa Ndiosíꞌ nsú káꞌ kua̱ꞌ tátúníꞌ ley‑ó.

Hechos 18:13 Referans Kwoze

Hechos 25:8

Jee Pablo nnama re̱ꞌ maáréꞌ jee nkachiꞌ‑i: ―Ni ntu̱ví na̱ kua̱chi vá nsa̱ꞌá ni̱ꞌ, ni si̱kɨ̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, ni si̱kɨ̱ꞌ veñu̱ꞌun káꞌnú, ni si̱kɨ̱ꞌ te̱e tátúníꞌ nɨꞌɨ rá ñuunꞌ tɨ́ɨn Roma.

Hechos 21:28

Nka̱najíín ráa: ―¡Ránoꞌó, te̱e Israel! ¡Chineí rán ránuꞌuꞌ! ¡Chi te̱e yaꞌá ví ya̱ xínéꞌénꞌ re̱ꞌ si̱kɨ̱ꞌ ñɨvɨ‑ó, jín si̱kɨ̱ꞌ tu̱ꞌun ley, jín si̱kɨ̱ꞌ veñu̱ꞌun yaꞌá! ¡Jee suꞌva xínéꞌénꞌ re̱ꞌ nɨꞌɨ rá ñɨvɨ nééꞌ nɨꞌɨ ñuunꞌ! Jee suni nki̱vɨ re̱ꞌ jín rá te̱e griego iniꞌ veñu̱ꞌun yaꞌá. Suꞌva nstívɨ́ re̱ꞌ iniꞌ veñu̱ꞌun ííꞌ yaꞌá.

Hechos 6:13

Ñani ráa rá te̱e xíkóñáꞌán ráa Esteban, jee kátúꞌún ráa: ―Te̱e yaꞌá ntu̱né síkɨ́kui̱ñɨ̱ꞌ re̱ꞌ ya̱ káꞌánꞌ re̱ꞌ si̱kɨ̱ꞌ veñu̱ꞌun káꞌnú ííꞌ yaꞌá, jín si̱kɨ̱ꞌ tu̱ꞌun ley Ndiosíꞌ.

Hechos 18:15

Soo retú kua̱chi jie̱ꞌe̱ꞌ tu̱nkáꞌánꞌ rán ví‑i, jín jie̱ꞌe̱ꞌ rá súví, jín jie̱ꞌe̱ꞌ tu̱ꞌun ley rán, jee maárán sanáaꞌ maa. Ntu kuíni ni̱ꞌ kuvi ni̱ꞌ te̱e jiéꞌnéꞌ tiñu ya̱ sanáaꞌ jie̱ꞌe̱ꞌ rá tiñu yaꞌá.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.