Hechos 17:4 - Mixteco del suroeste de Tlaxiaco Oaxaca

⁴ Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 17:4 Referans Kwoze

Hechos 17:12

Jee saáva ni̱nu̱ꞌ iniꞌ kue̱ꞌe̱ꞌ víꞌí ráa jín kue̱ꞌe̱ꞌ rá ñɨvɨ Grecia, kúvi te̱e, kúvi ñaꞌan kúñáꞌnú.

Hechos 14:4

Soo kue̱ꞌe̱ꞌ rá ñɨvɨ ñuunꞌ sɨ́ɨ́n sɨ́ɨ́n jiáni iniꞌ ráa. Sava ráa íñɨ́ jín rá ñɨvɨ Israel. Jee rá inka ka̱ꞌ íñɨ́ jín rá te̱e nísotíñú apóstol.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

2 Corintios 8:5

Jee nsa̱ꞌá ráa ka̱ꞌ nsú káꞌ kua̱ꞌ ñúꞌún iniꞌ ránꞌ, chi xíꞌna ka̱ꞌ nna̱sokoꞌ ráa maáráa nu̱u̱nꞌ I̱toꞌoꞌ‑ó, jee kuíre nu̱u̱nꞌ ránuꞌuꞌ, sánikua̱ꞌ kuíni Ndiosíꞌ.

Hechos 28:24

Jee sava ráa ni̱nu̱ꞌ iniꞌ tu̱ꞌun káchíꞌ Pablo. Jee sava ráa ka̱ꞌ ntu nínúꞌ iniꞌ.

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 13:50

Soo rá ñaꞌan ya̱ néñu̱ꞌun ráña Ndiosíꞌ, ya̱ kúvi ráña ya̱ ñáꞌnú nu̱u̱nꞌ ñuunꞌ vá, jín rá te̱e kúñáꞌnú nu̱u̱nꞌ ñuunꞌ vá, jee rá ñɨvɨ Israel nsi̱ínúꞌ ráa iniꞌ rává, jee nsi̱kántátúꞌun ráa rává sáva saꞌá kini nɨꞌɨ rává Pablo jín Bernabé, jee nta̱níkɨ́nꞌ rává ráa nu̱u̱nꞌ ñuunꞌ rává.

Hechos 21:28

Nka̱najíín ráa: ―¡Ránoꞌó, te̱e Israel! ¡Chineí rán ránuꞌuꞌ! ¡Chi te̱e yaꞌá ví ya̱ xínéꞌénꞌ re̱ꞌ si̱kɨ̱ꞌ ñɨvɨ‑ó, jín si̱kɨ̱ꞌ tu̱ꞌun ley, jín si̱kɨ̱ꞌ veñu̱ꞌun yaꞌá! ¡Jee suꞌva xínéꞌénꞌ re̱ꞌ nɨꞌɨ rá ñɨvɨ nééꞌ nɨꞌɨ ñuunꞌ! Jee suni nki̱vɨ re̱ꞌ jín rá te̱e griego iniꞌ veñu̱ꞌun yaꞌá. Suꞌva nstívɨ́ re̱ꞌ iniꞌ veñu̱ꞌun ííꞌ yaꞌá.

Hechos 19:10

Nxi̱néꞌénꞌ re̱ꞌ suꞌva u̱vi̱ꞌ kui̱ya̱ꞌ. Saáva nteso̱ꞌo nɨꞌɨ rá ñɨvɨ sánitɨ́ɨn Asia tu̱ꞌun I̱toꞌoꞌ‑ó, kúvi rá ñɨvɨ Israel, kúvi rá ñɨvɨ griego.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 17:34

Soo ni̱yo ñɨvɨ káꞌvi ni ni̱nu̱ꞌ iniꞌ ráa tu̱ꞌun nkaꞌanꞌ re̱ꞌ jee nna̱kuiñɨꞌ ráa jín re̱ꞌ. Ɨɨn ráa kúvi Dionisio, ya̱ kúvi te̱e nísotíñú Areópago, sunisaá ɨɨn ñaꞌan naní Dámaris, jín rá inka ka̱ꞌ.

Hechos 17:17

I̱ña̱jée iniꞌ veꞌi sinagoga nu̱u̱nꞌ kútútú rá ñɨvɨ Israel, jee nkua̱yuꞌú‑u jín rá ñɨvɨ Israel jín rá inka ñɨvɨ néñu̱ꞌun ráa Ndiosíꞌ. Jee ni ki̱vɨ̱ꞌ nkaꞌanꞌ‑a nu̱yáꞌvi jín néni ɨɨn ñɨvɨ kénta yukuán.

Hechos 16:3

Nkuini Pablo kutáꞌán Timoteo jín‑i, saáva nsa̱ꞌá circuncidar Pablo maa, ya̱ keꞌneꞌ‑e ntíꞌ ñɨɨn Timoteo sáva stúvi ya̱ kúvi re̱ꞌ te̱e Israel. Nsa̱ꞌá Pablo suꞌva jín re̱ꞌ sáva nsíkítɨ́ꞌ ráa iniꞌ rá ñɨvɨ Israel nééꞌ rá ñuunꞌ yukuán, chi nɨꞌɨ ráa jíníꞌ ya̱ tááꞌ re̱ꞌ kúvi te̱e Grecia.

Hechos 15:40

Soo nka̱ji Pablo Silas. Jee sáá nkuvi ni̱ka̱nꞌ rá ñaniꞌ ya̱ I̱toꞌoꞌ‑ó kumí re̱ꞌ ráa jee nachituvi re̱ꞌ ráa sáva sikúnkuvi ráa tiñu vá, chi íyó mániꞌ iniꞌ re̱ꞌ, jee nkene ráa yukuán kua̱ꞌa̱nꞌ ráa.

Hechos 15:32

Jee Judas jín Silas, ya̱ suni kúvi ráa te̱e nákani tu̱ꞌun kéne yuꞌú Ndiosíꞌ, jee nkaꞌanꞌ víꞌí ráa jín rá ñɨvɨ, sáva nna̱sáneí ráa xá iniꞌ rá ñanitáꞌán, jee nna̱chituvi ráa ya̱ kuni̱ꞌin rává kúneí iniꞌ rává Jesús.

Hechos 15:27

Saájee nta̱jí ránꞌ Judas jín Silas. Jee nakani ráa sánikua̱ꞌ ya̱ ntee ránꞌ.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 4:23

Jee sáá nsia̱áꞌ rá te̱e néetiñu Pedro jín Juan, jee kuíre kua̱ꞌa̱nꞌ ráa nu̱u̱nꞌ íyó rá táꞌán ráa. Jee nna̱kani ráa ya̱ nkachiꞌ rá su̱tu̱ꞌ kúñáꞌnú jín rá te̱e kúñáꞌnú.

Hechos 2:44

Jee nuún iniꞌ ntáká rá ñɨvɨ kúneí iniꞌ ráa Jesús. Jee kúvi nkáꞌnú ɨɨn inka ráa rá nantíñú ráa.

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.