Hechos 17:13 - Mixteco del suroeste de Tlaxiaco Oaxaca

¹³ Sáá nku̱káꞌnú iniꞌ rá ñɨvɨ Israel, nééꞌ ñuunꞌ Tesalónica, ya̱ suni stékútu̱ꞌún Pablo Tu̱ꞌun Ndiosíꞌ ñuunꞌ Berea, jee suni ña̱ꞌa̱nꞌ ráa yukuán, sáva saꞌá níní ráa iniꞌ rá ñɨvɨ ñuunꞌ vá kune̱ꞌyá rává Pablo jín Silas, jee saꞌá ráa tu̱ntíxín.

Hechos 17:13 Referans Kwoze

Hechos 21:27

Jee yatin nɨꞌɨ ya̱ uxáꞌ ki̱vɨ̱ꞌ, jee kéꞌín rá ñɨvɨ Israel, ya̱ váji Asia, niniꞌ ráa re̱ꞌ iniꞌ veñu̱ꞌun káꞌnú. Jee nsi̱sáá ráa xi̱ni̱ꞌ rá ñɨvɨ yukuán. Jee ntɨɨn ráa maa.

Hechos 17:5

Soo rá ñɨvɨ Israel ya̱ ntu nínúꞌ iniꞌ, jee ñúꞌún kuíñɨ́ iniꞌ ráa néꞌyá ráa Pablo jín Silas. Jee nsi̱kétáꞌán ráa rá te̱e kúxí kánéꞌén ya̱ jíkónúun nu̱yáꞌvi. Jee sáá nsatútú ráa kue̱ꞌe̱ꞌ ñɨvɨ, jee nsa̱ꞌá ráa tu̱ntíxín nu̱u̱nꞌ ñuunꞌ vá. Jee sáá nta̱vi̱ꞌ ráa veꞌi Jasón, nna̱nukú ráa Pablo jín Silas sáva tavaꞌ ráa rává nu̱u̱nꞌ rá ñɨvɨ nkenta yukuán.

Hechos 14:2

Soo rá ñɨvɨ Israel ya̱ kújiááꞌ iniꞌ, nsi̱sáá ráa xi̱ni̱ꞌ rá ñɨvɨ ntu kúvi Israel nne̱ꞌyá rává rá ñaniꞌ jín rá ku̱ꞌva yɨ́ꞌɨ́ nu̱u̱nꞌ Jesús. Jee nsi̱ínúꞌ ráa iniꞌ rává ya̱ kani niva̱ꞌa iniꞌ rává kune̱ꞌyá rává rá ñaniꞌ.

Hechos 6:12

Jee nsi̱kántáꞌátúꞌun ráa rá ñɨvɨ, jín rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ, jín rá te̱e kúñáꞌnú si̱kɨ̱ꞌ Esteban. Jee ña̱tɨɨn ráa maa, jee nna̱ku̱ꞌva ráa maa nu̱u̱nꞌ rá Justicia Kúñáꞌnú.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Lucas 12:51

¿Á jiáni iniꞌ rán ya̱ váji ni̱ꞌ sáva saꞌá ni̱ꞌ ya̱ kuneeꞌ ma̱ni̱ꞌ ñunkúún ɨɨn inka rá ñɨvɨ ñɨ̱vɨ́ rúja? Soo káchíꞌ ni̱ꞌ nu̱u̱nꞌ rán ya̱ ntu̱ví, chisaꞌ sáva kusɨ́ɨ́n rá ñɨvɨ saꞌá ni̱ꞌ.

Hechos 17:1

Njia̱ꞌa Pablo jín Silas ñuunꞌ Anfípolis jín ñuunꞌ Apolonia, jee nkenta ráa ñuunꞌ Tesalónica. Yukuán ni̱yo ɨɨn veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ.

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 20:4

Rá te̱e yaꞌá nku̱táꞌán jín re̱ꞌ: Sópater, se̱ꞌya Pirro, te̱e ñuunꞌ Berea, jín Aristarco jín Segundo rá te̱e ñuunꞌ Tesalónica ví ráa, jín Gayo ñuunꞌ Derbe, jín Timoteo, jín Tíquico jín Trófimo, rá te̱e ñuunꞌ sánitɨ́ɨn Asia ví ráa.

2 Corintios 11:26

Kue̱ꞌe̱ꞌ íchí ña̱ꞌa̱nꞌ ni̱ꞌ kue̱ꞌe̱ꞌ nu̱u̱nꞌ. Jee ntaꞌanꞌ ni̱ꞌ tu̱nóꞌó nu̱u̱nꞌ rá ntekáꞌnú. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ kuíꞌná. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ táꞌán ñuunꞌ ni̱ꞌ. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ ntu kúvi Israel. Ntaꞌanꞌ ni̱ꞌ tu̱nóꞌó nu̱u̱nꞌ rá ñuunꞌ. Ntaꞌanꞌ ni̱ꞌ tu̱nóꞌó nu̱u̱nꞌ ñu̱ꞌún saɨn. Ntaꞌanꞌ ni̱ꞌ tu̱nóꞌó nu̱u̱nꞌ nteñúꞌún. Ntaꞌanꞌ ni̱ꞌ tu̱nóꞌó nteñu rá ñɨvɨ ya̱ káchíꞌ nika̱ꞌ ya̱ kúvi ñanitáꞌán‑ó.