Hechos 16:6 - Mixteco del suroeste de Tlaxiaco Oaxaca

⁶ Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Hechos 16:6 Referans Kwoze

Hechos 18:23

Sáá nkuvi nneeꞌ‑e yukuán yakuꞌ tiempúꞌ, jee nkene‑e kua̱ꞌa̱nꞌ‑a jiáꞌa‑a ta ñuunꞌ sánitɨ́ɨn Galacia jín Frigia. Jee yukuán nachituvi‑i nɨꞌɨ rá ñɨvɨ níkɨ́nꞌ ñujiínꞌ Jesús.

Gálatas 1:2

Maáníꞌ jín nɨꞌɨ rá ñaniꞌ kúneí iniꞌ ráa Jesús ya̱ kútáꞌán jín ni̱ꞌ, tájí ránꞌ tutuꞌ yaꞌá nu̱u̱nꞌ ránoꞌó ñɨvɨ, ya̱ kúneí iniꞌ rán Jesús, ya̱ nééꞌ nu̱u̱nꞌ rá ñuunꞌ Galacia, ya̱ kútútú rán nu̱u̱nꞌ rá ñuunꞌ yukuán.

Hechos 16:7

Soo sáá nkenta ráa sánitɨ́ɨn Misia, jee nnu̱kú ráa ki̱vɨ ráa sánitɨ́ɨn Bitinia, soo ntu njia̱ꞌa Ta̱chi̱ꞌ Ííꞌ Jesús ki̱vɨ ráa maa.

Hechos 11:12

Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ni̱ꞌ, ya̱ nkáni iniꞌ ni̱ꞌ jee kɨ̱ꞌɨ̱nꞌ ni̱ꞌ jín ráa. Jee suni i̱ñu̱ꞌ ñaniꞌ yaꞌá, yɨ́ꞌɨ́ ráa nu̱u̱nꞌ Jesús, ña̱ꞌa̱nꞌ ráa jín ni̱ꞌ jee nki̱vɨ ránꞌ veꞌi te̱e vá.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

Gálatas 3:1

¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó.

Hechos 19:10

Nxi̱néꞌénꞌ re̱ꞌ suꞌva u̱vi̱ꞌ kui̱ya̱ꞌ. Saáva nteso̱ꞌo nɨꞌɨ rá ñɨvɨ sánitɨ́ɨn Asia tu̱ꞌun I̱toꞌoꞌ‑ó, kúvi rá ñɨvɨ Israel, kúvi rá ñɨvɨ griego.

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

Apoclipsis 1:4

Nuꞌuꞌ Juan, tée ni̱ꞌ tutuꞌ yaꞌá kua̱jiaaꞌ nu̱u̱nꞌ ránoꞌó ni uxáꞌ grupo ñɨvɨ ya̱ jínúꞌ iniꞌ rán Jesús, ránoꞌó ya̱ nééꞌ nu̱u̱nꞌ ñuunꞌ Asia. Jee na̱ ka̱ꞌ koo ma̱ni̱ꞌ ka̱ꞌ iniꞌ Ndiosíꞌ, jín ni uxáꞌ espíritu ya̱ ntu túvi nijinꞌ, jín Jesucristo saꞌá ráa ya̱ váꞌa nu̱u̱nꞌ ránoꞌó, jín ya̱ saꞌá ráa ya̱ kuva̱ꞌa iniꞌ ánímaꞌ rán. Chi máá Ndiosíꞌ vá íyó vitan, jee suni maáréꞌ vá íyó nɨ́ɨ́nkání tiempúꞌ ya̱ta̱ꞌ, jee suni maáréꞌ vá koo nɨ́ɨ́nkání. Jee ni uxáꞌ espíritu ya̱ ntu túvi nijinꞌ, jee íñɨ́ ráa ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ.

Hebreos 11:8

Jee Abraham ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nkana Ndiosíꞌ re̱ꞌ, jee nka̱níjiá re̱ꞌ sáva kɨ̱ꞌɨ̱nꞌ re̱ꞌ ɨɨn nu̱u̱nꞌ kúvi nu̱u̱nꞌ ku̱ꞌva Ndiosíꞌ nu̱u̱nꞌ re̱ꞌ kuvi ta̱ꞌvi̱ꞌ re̱ꞌ maa. Jee nkene re̱ꞌ ñuunꞌ re̱ꞌ jee kua̱ꞌa̱nꞌ re̱ꞌ yukuán, súka̱ꞌ ntu̱ví jíníꞌ re̱ꞌ né núꞌ kúvi nu̱u̱nꞌ kɨ̱ꞌɨ̱nꞌ re̱ꞌ.

2 Timoteo 1:15

Ya̱ jíníꞌ nú ya̱ nɨꞌɨ rá ñɨvɨ ñuunꞌ Asia nxi̱nóo maáráa nuꞌuꞌ, jee sava ráa ví Figelo jín Hermógenes.

2 Corintios 1:8

Ránoꞌó ñanitáꞌán, kuíni ráníꞌ ya̱ kukáꞌnú iniꞌ ránú jie̱ꞌe̱ꞌ rá tu̱nóꞌó ya̱ nkiji si̱kɨ̱ꞌ ránuꞌuꞌ ni nneeꞌ ránꞌ ichi rá ñuunꞌ tɨ́ɨn Asia. Chi nnoꞌo ránꞌ tu̱nóꞌó maá ve̱i nasɨ́kuitɨꞌ nsú kua̱ꞌ kuneí ránꞌ ka̱ꞌ jín fuersáꞌ ránꞌ, ya̱ ni ntu̱ví níyo ka̱ꞌ tu̱neí iniꞌ ránꞌ ya̱ kutekuꞌ ránꞌ.

1 Corintios 16:1

Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.

1 Corintios 12:11

Jee ntáká rá tiñu yaꞌá, jee métúꞌún ni Ta̱chi̱ꞌ Ííꞌ Ndiosíꞌ ví ya̱ sáꞌá maa jee suni maá Ta̱chi̱ꞌ Ííꞌ vá ví ya̱ sájiáꞌ maa nu̱u̱nꞌ ta ɨɨn ɨɨn‑ó sánikua̱ꞌ kuíni maáa.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Hechos 20:16

Ñani iniꞌ Pablo jia̱ꞌa re̱ꞌ jín barkúꞌ ñuunꞌ Éfeso, sákua nkúkuéé re̱ꞌ ñuunꞌ Asia. Chi númíꞌ‑i kanta‑a ñuunꞌ Jerusalén, sáva kuiñɨ‑ɨ yukuán viko naní Pentecostés, réáꞌ kuvi.

Hechos 20:4

Rá te̱e yaꞌá nku̱táꞌán jín re̱ꞌ: Sópater, se̱ꞌya Pirro, te̱e ñuunꞌ Berea, jín Aristarco jín Segundo rá te̱e ñuunꞌ Tesalónica ví ráa, jín Gayo ñuunꞌ Derbe, jín Timoteo, jín Tíquico jín Trófimo, rá te̱e ñuunꞌ sánitɨ́ɨn Asia ví ráa.

Hechos 10:19

Ni jiáni iniꞌ Pedro jie̱ꞌe̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ re̱ꞌ, jee Ta̱chi̱ꞌ Ííꞌ Ndiosíꞌ nkachiꞌ‑i nu̱u̱nꞌ re̱ꞌ: ―Kune̱ꞌyá. Chi nkiaaꞌ u̱ni̱ꞌ te̱e nánukú ráa nó.

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Hechos 6:9

Jee nkenta rá te̱e káꞌvi ni ya̱ yɨ́ꞌɨ́ ráa nu̱u̱nꞌ ñujiínꞌ veꞌi sinagoga naní Rá Íñɨ́ Núne, jín rá te̱e káꞌvi ni ñuunꞌ Cirene jín ñuunꞌ Alejandría, jín rá sánitɨ́ɨn Cilicia jín Asia. Jee kántátúꞌun ráa jín Esteban.

Hechos 8:29

Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ Felipe: ―Kuáꞌán kuyatin jee naketáꞌán jín karretáꞌ yaꞌá.

Hechos 21:27

Jee yatin nɨꞌɨ ya̱ uxáꞌ ki̱vɨ̱ꞌ, jee kéꞌín rá ñɨvɨ Israel, ya̱ váji Asia, niniꞌ ráa re̱ꞌ iniꞌ veñu̱ꞌun káꞌnú. Jee nsi̱sáá ráa xi̱ni̱ꞌ rá ñɨvɨ yukuán. Jee ntɨɨn ráa maa.

Romanos 16:5

Jee ku̱ꞌva rán xá tu̱ꞌun jíkátu̱ꞌún ni̱ꞌ jie̱ꞌe̱ꞌ rá ñanitáꞌán‑ó ya̱ kútútú nu̱u̱nꞌ veꞌi Priscila jín Aquila. Jee ku̱ꞌva rán xá nu̱u̱nꞌ Epeneto tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ. Suvire̱ꞌ ví ya̱ ñúnúunꞌ ni̱ꞌ jee kúvi te̱e xíꞌnañúꞌún ña̱ko̱so̱ꞌ re̱ꞌ nu̱u̱nꞌ ni̱nu̱ꞌ iniꞌ re̱ꞌ ntɨɨn re̱ꞌ tu̱ꞌun Cristo nu̱u̱nꞌ ñɨvɨ ñuunꞌ Asia.

1 Corintios 16:19

Rá ñanitáꞌán ya̱ kúneí iniꞌ ráa Cristo ya̱ nééꞌ ráa sánitɨ́ɨn ñuꞌun Asia, tájí ráa tu̱ꞌun káva̱ꞌa nu̱u̱nꞌ ránoꞌó. Jee suni Aquila jín Priscila jín rá ñanitáꞌán ya̱ kúneí iniꞌ ráa Cristo ya̱ nútútú ráa veꞌi Aquila jín Priscila táji tu̱ꞌun káva̱ꞌa nu̱u̱nꞌ ránoꞌó.