Hechos 16:13 - Mixteco del suroeste de Tlaxiaco Oaxaca

¹³ Ki̱vɨ̱ꞌ nájiáví, nkene ránꞌ yuvéꞌí koo yu̱u̱ꞌ nu̱u̱nꞌ kívɨ rá ñɨvɨ nu̱u̱nꞌ ñuunꞌ. Jee ña̱ꞌa̱nꞌ ránꞌ yúntekáꞌnú, nu̱u̱nꞌ káꞌvi iniꞌ ránꞌ ya̱ íyó nu̱u̱nꞌ káꞌánꞌ rá ñɨvɨ Israel jín Ndiosíꞌ. Jee ña̱kuneeꞌ ránꞌ jee nkaꞌanꞌ ránꞌ jín rá ñaꞌan nku̱kútú.

Hechos 16:13 Referans Kwoze

Hechos 13:14

Soo njia̱ꞌa ráa Perge jee nkenta ráa ñuunꞌ Antioquía, ya̱ káá yatin nu̱u̱nꞌ ñuꞌun tɨ́ɨn Pisidia. Jee sátuꞌ ki̱vɨ̱ꞌ nájiáví, nki̱vɨ ráa iniꞌ veꞌi sinagoga nu̱u̱nꞌ kútútú rá ñɨvɨ Israel, jee ña̱kuneeꞌ ráa.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Hechos 21:5

Sáá nɨꞌɨ tiempúꞌ yukuán, jee nkene ránꞌ. Sáá nɨꞌɨ ráa, jín ñasɨ́ꞌɨ́ ráa, jín rá se̱ꞌya ráa, ña̱na̱ka ráa ránuꞌuꞌ ne̱ yuñúúnꞌ, nu̱u̱nꞌ káá nteñúꞌún, jee nna̱kui̱ñɨ̱ꞌ ítɨ́ ránꞌ yúnteñúꞌún jee yukuán nkaꞌanꞌ ránꞌ jín Ndiosíꞌ.

Hechos 20:7

Jee ki̱vɨ̱ꞌ xíꞌnañúꞌún ya̱ kájiéꞌé semana nku̱tútú ránꞌ kajiꞌ nkáꞌnú ránꞌ. Pablo nste̱kútu̱ꞌún Tu̱ꞌun Ndiosíꞌ nu̱u̱nꞌ ráa. Sukuán kene re̱ꞌ ki̱vɨ̱ꞌ steñu̱ꞌún, saáva nééꞌ re̱ꞌ káꞌánꞌ re̱ꞌ ne̱ savañuún.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 17:2

Sáni nka̱an Pablo, ña̱ꞌa̱nꞌ re̱ꞌ yukuán. Jee u̱ni̱ꞌ sátuꞌ ki̱vɨ̱ꞌ nájiáví ráa, jee nkua̱yuꞌú re̱ꞌ jín ráa sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ.

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Hechos 13:42

Jee sáá nkene Pablo jín Bernabé, ni̱ka̱nꞌ rá ñɨvɨ ya̱ kaꞌanꞌ ráa ka̱ꞌ jie̱ꞌe̱ꞌ tu̱ꞌun yaꞌá, ne̱ inka ki̱vɨ̱ꞌ nájiáví.

Juan 8:2

Jee ya̱neꞌenꞌ ki̱vɨ̱ꞌ steñu̱ꞌún, jee nkenta tuku re̱ꞌ chíkéꞌi iniꞌ veñu̱ꞌun káꞌnú, jee nɨꞌɨ rá ñɨvɨ nkiji ráa nu̱u̱nꞌ re̱ꞌ, jee nxi̱néꞌénꞌ re̱ꞌ ráa.

Lucas 13:10

Ɨɨn sátuꞌ ya̱ kúvi ki̱vɨ̱ꞌ nájiáví, xínéꞌénꞌ Jesús Tu̱ꞌun Ndiosíꞌ iniꞌ ɨɨn veꞌi sinagoga nu̱u̱nꞌ súkuáꞌa rá ñɨvɨ Israel Tu̱ꞌun Ndiosíꞌ.

Marcos 16:15

Jee nkachiꞌ re̱ꞌ nu̱u̱nꞌ ráa: ―Kuáꞌán rán kua̱íyó ñɨ̱vɨ́, jee stekútu̱ꞌún rán tu̱ꞌun váꞌa jie̱ꞌe̱ꞌ nuꞌuꞌ nu̱u̱nꞌ rá ñɨvɨ kua̱íyó ñɨ̱vɨ́, ya̱ nsa̱ꞌá Ndiosíꞌ.

Mateo 13:2

Jee nku̱tútú kue̱ꞌe̱ꞌ víꞌí ñɨvɨ nu̱u̱nꞌ re̱ꞌ yukuán. Saáva nkívɨ re̱ꞌ iniꞌ ɨɨn barkúꞌ, jee ña̱kuneeꞌ re̱ꞌ, jee ntáká rá ñɨvɨ íñɨ́ ráa yuꞌú nteñúꞌún.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 16:16

Nkuvi‑i ɨɨn íchí sáá kua̱ꞌa̱nꞌ ránꞌ nu̱u̱nꞌ káꞌánꞌ ránꞌ jín Ndiosíꞌ, jee nke̱táꞌán ránꞌ ɨɨn ñasúchí ya̱ kúvi musúꞌ nkeꞌen ñɨvɨ. Jee nijin iniꞌ ña, chi yɨ́ꞌɨ́ ta̱chi̱ꞌ kíni iniꞌ ña. Nni̱ꞌi̱nꞌ víꞌí rá i̱toꞌoꞌ ña xu̱ꞌún sáꞌá ña, chi nkachiꞌ ña ná kuvi ichinúúnꞌ.