Hechos 16:1 - Mixteco del suroeste de Tlaxiaco Oaxaca

¹ Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

Hechos 16:1 Referans Kwoze

2 Timoteo 1:5

Nákúꞌun iniꞌ ni̱ꞌ ya̱ ntu ñúnkúún nika̱ꞌ kúneí nijia iniꞌ nú Cristo. Xíꞌna suꞌva nku̱neí iniꞌ náñaꞌnú nú, Loida, jín nánáꞌ nú, Eunice. Jee ínúꞌ iniꞌ ni̱ꞌ, ya̱ suni sukuán kúneí iniꞌ nú nika̱ꞌ.

2 Timoteo 1:2

Tée ni̱ꞌ tutuꞌ yaꞌá nu̱u̱nꞌ nú, Timoteo. Suvinú ví kuéntáꞌ se̱ꞌya‑ni̱ꞌ, ya̱ ñúnúunꞌ ni̱ꞌ. Jíkánꞌ táꞌvíꞌ‑ni̱ꞌ nu̱u̱nꞌ Tátáꞌ‑ó Ndiosíꞌ jín nu̱u̱nꞌ I̱toꞌoꞌ‑ó Cristo Jesús, ya̱ koo ma̱ni̱ꞌ iniꞌ ráa kune̱ꞌyá ráa noꞌó, jín ya̱ kunáꞌví iniꞌ ráa kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

1 Timoteo 1:2

Tée ni̱ꞌ tutuꞌ yaꞌá nu̱u̱nꞌ nú, Timoteo. Suvinú ví nijia kuéntáꞌ se̱ꞌya ni̱ꞌ, chi nsi̱kújia ni̱ꞌ iniꞌ nú kuneí iniꞌ nú Cristo. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Cristo Jesús kune̱ꞌyá ráa noꞌó, jín ya̱ kunáꞌví iniꞌ ráa kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.

2 Tesalonicenses 1:1

Nuꞌuꞌ Pablo, jín Silvano jín Timoteo, tée ránꞌ nu̱u̱nꞌ tutuꞌ yaꞌá nu̱u̱nꞌ ránoꞌó, ya̱ kúneí iniꞌ rán Jesús, ya̱ nééꞌ rán ñuunꞌ Tesalónica, jín ya̱ kútútú rán yukuán. Suvirán yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ].

Colosenses 1:1

Nuꞌuꞌ Pablo, ya̱ nísotíñú ni̱ꞌ tiñu apóstol Cristo Jesús, chi nchu̱ichí re̱ꞌ nuꞌuꞌ sáni nkuíni Ndiosíꞌ, jee ni núvíꞌ ni̱ꞌ jín ñaniꞌ‑ó Timoteo,

Filipenses 2:19

Retú I̱toꞌoꞌ‑ó Jesús kuíni, íyó tu̱ꞌun neí iniꞌ ni̱ꞌ ya̱ tají ya̱chi̱ꞌ ni̱ꞌ Timoteo nu̱u̱nꞌ rán, sáva nusɨ̱ɨ̱ꞌ iniꞌ ni̱ꞌ ya̱ ni̱ꞌi̱nꞌ ni̱ꞌ tu̱ꞌun jie̱ꞌe̱ꞌ ránoꞌó.

Romanos 16:21

Timoteo, táꞌán sátíñú re̱ꞌ jín ni̱ꞌ nu̱u̱nꞌ Cristo, jín Lucio, jín Jasón, jín Sosípater, ya̱ kuvi ráa táꞌán ñɨvɨ ñuunꞌ ni̱ꞌ, tájí ráa tu̱ꞌun jíkátu̱ꞌún ráa nu̱u̱nꞌ ránoꞌó.

Hechos 14:6

Sáá nku̱káꞌnú iniꞌ Pablo jín Bernabé maa, jee nka̱ku ráa kua̱ꞌa̱nꞌ ráa nu̱u̱nꞌ rá ñuunꞌ Listra jín Derbe sánitɨ́ɨn Licaonia jín nu̱u̱nꞌ rá kuaríáꞌ káá yatin jín‑i.

Hebreos 13:23

Káchíꞌ ni̱ꞌ nu̱u̱nꞌ rán jee kuniꞌ rán ya̱ ñaniꞌ‑ó Timoteo, ya̱ nkene re̱ꞌ veka̱a. Jee retú ñamani nenta re̱ꞌ nu̱u̱nꞌ nééꞌ ni̱ꞌ yaꞌá, jee kua̱jiaaꞌ ni̱ꞌ jín re̱ꞌ kua̱jiane̱ꞌyá ránꞌ ránoꞌó.

1 Timoteo 1:18

Noꞌó, Timoteo, ya̱ kúvi kuéntáꞌ se̱ꞌya ni̱ꞌ. Tiñu yaꞌá tétíñú ni̱ꞌ noꞌó, sánikua̱ꞌ tu̱ꞌun nna̱kani sava rá ñanitáꞌán‑ó ya̱ nkene yuꞌú Ndiosíꞌ. Tétíñú ni̱ꞌ noꞌó, sáva nunasɨ́ nú sikúnkuvi va̱ꞌa nú tiñu vá, kuéntáꞌ kántáꞌán va̱ꞌa ɨɨn soldado.

1 Tesalonicenses 1:1

Nuꞌuꞌ Pablo jín Silvano jín Timoteo, tée ránꞌ nu̱u̱nꞌ tutuꞌ nu̱u̱nꞌ ránoꞌó, ya̱ kúneí iniꞌ rán Cristo, ya̱ nééꞌ rán ñuunꞌ Tesalónica, jee nútútú rán yukuán. Yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, [ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ]. Na̱ ka̱ꞌ koo ma̱ni̱ꞌ iniꞌ ráa kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Hechos 19:22

Jee nchu̱ichí re̱ꞌ u̱vi̱ꞌ rá te̱e nu̱u̱nꞌ Macedonia ya̱ chíneí táꞌán ráa re̱ꞌ, Timoteo jín Erasto. Jee maáréꞌ nkino̱o ɨɨnúún ka̱ꞌ Asia.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

1 Tesalonicenses 3:6

Soo ntañúꞌún jee, nnene Timoteo nu̱u̱nꞌ nééꞌ ránú nni̱kó re̱ꞌ nu̱u̱nꞌ ránuꞌuꞌ. Jee nna̱kani re̱ꞌ tu̱ꞌun váꞌa jie̱ꞌe̱ꞌ ya̱ kúneí i̱i̱ꞌ iniꞌ ránú Cristo, jee ñúnúunꞌ ɨɨn inka rán táꞌán rán. Jee nkachiꞌ re̱ꞌ ya̱ sukuáni jiáni ñunkúún iniꞌ rán jie̱ꞌe̱ꞌ ránuꞌuꞌ. Jee níyo iniꞌ rán ya̱ kune̱ꞌyá rán ránuꞌuꞌ, sáni níyo iniꞌ ránꞌ ya̱ kune̱ꞌyá ránꞌ ránoꞌó.

2 Corintios 1:19

Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.

2 Corintios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

1 Corintios 7:14

Chi ɨɨn te̱e ya̱ kúvi yɨɨ́ ya̱ ntu̱ví jínúꞌ iniꞌ‑i Jesús jee nsa̱ꞌá sɨ́ɨ́n Ndiosíꞌ maa sáva kuvi‑i kuéntáꞌ ñɨvɨ re̱ꞌ, jie̱ꞌe̱ꞌ ya̱ nééꞌ‑e jín ñasɨ́ꞌɨ́‑ɨ ya̱ kúneí iniꞌ ña Jesús. Jee ɨɨn ñaꞌan ya̱ kúvi ñasɨ́ꞌɨ́ ya̱ ntu̱ví jínúꞌ iniꞌ ña Jesús, jee suni nsa̱ꞌá sɨ́ɨ́n Ndiosíꞌ ña sáva kuvi ña kuéntáꞌ ñɨvɨ re̱ꞌ jie̱ꞌe̱ꞌ ya̱ nééꞌ ña jín yɨɨ́ ña ya̱ kúvi re̱ꞌ ñanitáꞌán‑ó. Chi retánꞌ nkóo sukuán, jee rá se̱ꞌya ráa nkóo ninuꞌun rává nu̱u̱nꞌ Ndiosíꞌ. Soo jie̱ꞌe̱ꞌ ya̱ yɨ́ꞌɨ́ ɨɨn sɨꞌɨ́ rává nu̱u̱nꞌ Ndiosíꞌ jee nsásɨ́ɨ́n Ndiosíꞌ rá se̱ꞌya ráa kuéntáꞌ kúvi rává ñɨvɨ re̱ꞌ.

Hechos 14:21

Nste̱kútu̱ꞌún ráa tu̱ꞌun váꞌa nu̱u̱nꞌ rá ñɨvɨ ñuunꞌ vá, jee kue̱ꞌe̱ꞌ ñɨvɨ ntɨɨn ichi Jesús. Jee kuíre nni̱kó ráa ñuunꞌ Listra, jín ñuunꞌ Iconio, jín ñuunꞌ Antioquía.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

1 Corintios 16:10

Jee retú kenta Timoteo nu̱u̱nꞌ nééꞌ rán, naniꞌvɨꞌ iniꞌ rán ya̱ koto na̱ yúꞌví re̱ꞌ jie̱ꞌe̱ꞌ ni ɨɨn nantíñú ni nééꞌ re̱ꞌ jín rán, chi sáꞌá re̱ꞌ tiñu I̱toꞌoꞌ‑ó kuéntáꞌ kua̱ꞌ nuꞌuꞌ.

Filemón 1:1

Maáníꞌ, Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ Jesús ya̱ nísotíñú re̱ꞌ ya̱ kúvi máá Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, jee nuꞌuꞌ jín ñaniꞌ‑ó Timoteo tájí ránꞌ tutuꞌ yaꞌá nu̱u̱nꞌ noꞌó, Filemón, ya̱ ñúnúunꞌ ránꞌ xá, jín ya̱ táꞌán sátíñú nú jín ránuꞌuꞌ nu̱u̱nꞌ tiñu Cristo.