Hechos 15:7 - Mixteco del suroeste de Tlaxiaco Oaxaca

⁷ Jee sáá nkuvi nkuva̱a̱yuꞌú víꞌí ráa, jee nna̱kuiñɨꞌ Pedro jee nkachiꞌ re̱ꞌ nu̱u̱nꞌ ráa: ―Ránoꞌó ñaniꞌ. Jíníꞌ rán ya̱ tiempúꞌ ya̱ta̱ꞌ, nka̱ji Ndiosíꞌ nuꞌuꞌ nteñu rán, sáva stekútu̱ꞌún ni̱ꞌ tu̱ꞌun va̱ꞌa nu̱u̱nꞌ rá ñɨvɨ ntu kúvi Israel, sáva teso̱ꞌo ráa jee i̱nu̱ꞌ iniꞌ ráa.

Hechos 15:7 Referans Kwoze

Hechos 15:2

Jee ntu̱né nkúnuún iniꞌ Pablo jín Bernabé jín ráa. Jee nka̱ntáꞌán túꞌun víꞌí ráa. Saáva rá ñanitáꞌán ñani ráa Bernabé jín Pablo jín inka rá ñɨvɨ yukuán, jee nta̱jí ráa rává kua̱ꞌa̱nꞌ nu̱u̱nꞌ ñuunꞌ Jerusalén, sáva natúꞌún rává jín rá nísotíñú apóstol jín rá te̱e kúñáꞌnú jie̱ꞌe̱ꞌ tiñu yaꞌá.

Hechos 20:24

Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.

Hechos 10:20

Nakuiñɨꞌ jee nuun nú. Kuáꞌán jín ráa, jee koto na̱ jiáni iniꞌ nú, chi maáníꞌ nchu̱ichí ni̱ꞌ ráa ―nkachiꞌ Ta̱chi̱ꞌ Ííꞌ nu̱u̱nꞌ re̱ꞌ.

Filipenses 2:14

Nta̱ká tiñu ya̱ saꞌá rán, jee koto kákuíyuꞌú rán jee koto kántátúꞌun rán.

Hechos 15:39

Ntu nkúnuún natúꞌún ni̱ꞌin ráa. Saáva nku̱sɨ́ɨ́n ráa, jee nkeꞌen Bernabé Marcos jee kua̱ꞌa̱nꞌ ráa iniꞌ barkúꞌ nu̱u̱nꞌ ñuꞌun káá ma̱ꞌñú nteñúꞌún naní Chipre.

Hechos 13:2

Ni néñu̱ꞌun ráa I̱toꞌoꞌ‑ó, jee nééꞌ niteꞌ ráa, jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ráa suꞌva: ―Sasɨ́ɨ́n rán Bernabé jín Saulo, sáva saꞌá ráa tiñu ya̱ nkana ni̱ꞌ ráa saꞌá ráa.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Hechos 4:25

David ya̱ nkuvi tátáꞌ nu̱u̱nꞌ ránꞌ yanaꞌán nkuvi‑i musúꞌ nú, ya̱ ña̱tíñú nú yanaꞌán. Jee ntaji nú tu̱ꞌun nú jie̱ꞌe̱ꞌ nsa̱ꞌá nú ya̱ Ta̱chi̱ꞌ Ííꞌ nú njia̱ꞌa‑a nu̱u̱nꞌ re̱ꞌ sákachiꞌ re̱ꞌ, jee nkachiꞌ re̱ꞌ suꞌva: ¿Na̱ kuvi chi sááꞌ nasɨ́kuitɨꞌ xi̱ni̱ꞌ rá ñɨvɨ inka ñuunꞌ ya̱ ntu kúvi ñuunꞌ Israel? Jee, ¿na̱ kuvi chi nátúꞌún ka̱ꞌá rá ñɨvɨ?

Hechos 3:18

Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ.

Hechos 1:24

Jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ‑ó, suvinú vá, nijin iniꞌ nú na̱sa kúvi ánímaꞌ ntáká ñɨvɨ. Stúvi nú nu̱u̱nꞌ ránꞌ, né ɨɨn núvíꞌ rá yaꞌá vá nka̱ji nú,

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Hechos 10:19

Ni jiáni iniꞌ Pedro jie̱ꞌe̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ re̱ꞌ, jee Ta̱chi̱ꞌ Ííꞌ Ndiosíꞌ nkachiꞌ‑i nu̱u̱nꞌ re̱ꞌ: ―Kune̱ꞌyá. Chi nkiaaꞌ u̱ni̱ꞌ te̱e nánukú ráa nó.

Hechos 15:14

Nna̱kani Simón sáá máá xíꞌnañúꞌún ni̱yo ma̱ni̱ꞌ iniꞌ Ndiosíꞌ jín rá ñɨvɨ ntu kúvi Israel, jee ntavaꞌ re̱ꞌ ñɨvɨ nteñu ráa, sáva kuvi rává ñɨvɨ re̱ꞌ.

Hechos 21:16

Jee sava rá ñɨvɨ ñuunꞌ Cesarea níkɨ́nꞌ ñujiínꞌ Jesús, nku̱táꞌán ráa jín ránuꞌuꞌ. Jee ña̱na̱ka ráa ránuꞌuꞌ nu̱u̱nꞌ veꞌi te̱e naní Mnasón nu̱u̱nꞌ sáva nkino̱o ránꞌ yukuán. Kúvi re̱ꞌ te̱e ñuunꞌ Chipre. Jee kue̱ꞌe̱ꞌ tiempúꞌ níkɨ́nꞌ re̱ꞌ ñujiínꞌ Jesús.