Hechos 15:41 - Mixteco del suroeste de Tlaxiaco Oaxaca

⁴¹ Jee njia̱ꞌa Pablo kua̱ꞌa̱nꞌ re̱ꞌ rá sánitɨ́ɨn Siria jín Cilicia, jee nna̱chituvi Pablo rá ñɨvɨ ya̱ kúneí iniꞌ ráa Jesús.

Hechos 15:41 Referans Kwoze

Hechos 15:23

Nta̱jí ráa tutuꞌ kua̱ꞌa̱nꞌ jín rá te̱e vá, ya̱ káchíꞌ suꞌva: “Ránuꞌuꞌ ya̱ kúvi ránꞌ rá apóstol jín rá te̱e kúñáꞌnú. Kúvi ráníꞌ ñaniꞌ ránú. Tée ráníꞌ nu̱u̱nꞌ rán, ya̱ nééꞌ nɨꞌɨ ñuunꞌ Antioquía jín rá sánitɨ́ɨn Siria jín Cilicia, ya̱ kúvi rán rá ñaniꞌ jín rá ku̱ꞌva, ya̱ ntu kúvi Israel. ’Nátají ránꞌ saludos tu̱ꞌun káva̱ꞌa nu̱u̱nꞌ ránoꞌó.

Gálatas 1:21

Jee kuíre ña̱ꞌa̱nꞌ ni̱ꞌ rá ñuunꞌ Siria jín Cilicia.

Hechos 15:32

Jee Judas jín Silas, ya̱ suni kúvi ráa te̱e nákani tu̱ꞌun kéne yuꞌú Ndiosíꞌ, jee nkaꞌanꞌ víꞌí ráa jín rá ñɨvɨ, sáva nna̱sáneí ráa xá iniꞌ rá ñanitáꞌán, jee nna̱chituvi ráa ya̱ kuni̱ꞌin rává kúneí iniꞌ rává Jesús.

Hechos 21:3

Jee niniꞌ ránꞌ ñuꞌun káá sɨ́ɨ́n ma̱ꞌñú nteñúꞌún naní Chipre. Jee nxi̱nóo ránꞌ maa ichi sátín, jee kua̱ꞌa̱nꞌ ránꞌ nu̱u̱nꞌ ñuunꞌ Siria. Jee nkenta ránꞌ ñuunꞌ Tiro, nu̱u̱nꞌ xinúun rá te̱e síkáka barkúꞌ rá nantíñú níso‑o.

Hechos 6:9

Jee nkenta rá te̱e káꞌvi ni ya̱ yɨ́ꞌɨ́ ráa nu̱u̱nꞌ ñujiínꞌ veꞌi sinagoga naní Rá Íñɨ́ Núne, jín rá te̱e káꞌvi ni ñuunꞌ Cirene jín ñuunꞌ Alejandría, jín rá sánitɨ́ɨn Cilicia jín Asia. Jee kántátúꞌun ráa jín Esteban.

Hechos 18:18

Sáá nkuvi nneeꞌ Pablo ñuunꞌ Corinto kue̱ꞌe̱ꞌ ki̱vɨ̱ꞌ ka̱ꞌ, jee nkaꞌanꞌ‑a ka̱ꞌ jín rá ñaniꞌ yɨ́ꞌɨ́ ñujiínꞌ Jesús, jee ntɨɨn‑ɨ barkúꞌ kua̱ꞌa̱nꞌ‑a ñuunꞌ Siria, jín Priscila jín Aquila. Ne̱ ntiáꞌan nkene‑e, jee ni nééꞌ i̱i̱ꞌ‑i ñuunꞌ Cencrea, nu̱u̱nꞌ néne nívɨ rá barkúꞌ. Jee yukuán nsa̱ñɨɨ́n‑ɨ xi̱ni̱ꞌ‑i, chi suꞌva stúvi ya̱ nsi̱kúnkuvi‑i ɨɨn tiñu ya̱ nchi̱sóyuꞌú‑u saꞌá‑a nu̱u̱nꞌ Ndiosíꞌ.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.