Hechos 15:13 - Mixteco del suroeste de Tlaxiaco Oaxaca

¹³ Sáá nkuvi nkaꞌanꞌ ráa, nka̱jiéꞌé nkaꞌanꞌ Jacobo jee nkachiꞌ‑i: ―Ránoꞌó ñaniꞌ. Teso̱ꞌo rán nuꞌuꞌ.

Hechos 15:13 Referans Kwoze

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

Gálatas 2:12

Jee yukuán nkenta te̱e káꞌvi ni ya̱ nta̱jí Jacobo. Jee ne̱ ntiáꞌan kenta ráa, nyajiꞌ Pedro jín rá ñaniꞌ rá inka nación ya̱ ntu kúvi ráa ñɨvɨ Israel. Soo sáá nkenta rá te̱e vá, jee nxi̱nóo re̱ꞌ rá ñɨvɨ inka nación jee nku̱sɨ́ɨ́n re̱ꞌ, chi yúꞌví re̱ꞌ rá te̱e ya̱ káchíꞌ ya̱ íyó sikúnkuvi‑ó rá costumbre rá ñɨvɨ Israel ya̱ sáꞌá circuncidar ya̱ níso seña nu̱u̱nꞌ yɨkɨkúñu rá te̱e ya̱ stúvi‑i ya̱ kúvi ráa ñɨvɨ Ndiosíꞌ.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Santiago 1:19

Ránoꞌó ñaniꞌ ni̱ꞌ jín rá ku̱ꞌva ni̱ꞌ ya̱ ñúnúunꞌ ni̱ꞌ, íyó tɨɨn kuéntáꞌ rán ya̱ íyó ñamaꞌ teso̱ꞌo nta̱ká rán, jee koto kúyáchiꞌ yuꞌú rán, jee koto kítɨ́ꞌ ñamaꞌ iniꞌ rán.

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Hechos 21:18

Jee ki̱vɨ̱ꞌ steñu̱ꞌún, ña̱ꞌa̱nꞌ Pablo jín ránꞌ nne̱ꞌyá ránꞌ Jacobo. Jee nkenta nɨꞌɨ rá te̱e kúñáꞌnú nísotíñú nu̱u̱nꞌ rá ñɨvɨ kúneí iniꞌ ráa Jesús.

Hechos 7:2

Jee nkachiꞌ Esteban: ―¡Ránoꞌó ñaniꞌ jín ránoꞌó tátáꞌ! ¡Teso̱ꞌo rán nuꞌuꞌ! Viiꞌ kúñáꞌnú maá Ndiosíꞌ, jee nkitu̱vi re̱ꞌ nu̱u̱nꞌ maá jííꞌ‑ó yanaꞌán, Abraham, ni nneeꞌ re̱ꞌ ñuunꞌ Mesopotamia, ne̱sá ntiáꞌan kuneeꞌ re̱ꞌ ñuunꞌ Harán.

Hechos 2:29

Jee suni nkachiꞌ Pedro nu̱u̱nꞌ ráa: ―¡Ránoꞌó ñaniꞌ! Núne kuvi kachiꞌ ni̱ꞌ nu̱u̱nꞌ rán jie̱ꞌe̱ꞌ jííꞌ yanaꞌán nu̱u̱nꞌ‑ó David. Ni̱ꞌi̱ꞌ re̱ꞌ jee suni nyɨse̱ꞌí re̱ꞌ. Jee veꞌi ni̱yɨ re̱ꞌ íyó i̱i̱ꞌ‑i nteñu‑ó ne̱ vitan.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Marcos 15:40

Jee suni ni̱ñɨ rá ñaꞌan nne̱ꞌyá íká ráa. Jee nteñu ráa ni̱ñɨ María ñuunꞌ Magdala, jín Salomé, jín María, nánáꞌ José jín Jacobo, ya̱ súchí ka̱ꞌ.

Hechos 15:14

Nna̱kani Simón sáá máá xíꞌnañúꞌún ni̱yo ma̱ni̱ꞌ iniꞌ Ndiosíꞌ jín rá ñɨvɨ ntu kúvi Israel, jee ntavaꞌ re̱ꞌ ñɨvɨ nteñu ráa, sáva kuvi rává ñɨvɨ re̱ꞌ.