Hechos 14:5 - Mixteco del suroeste de Tlaxiaco Oaxaca

⁵ Saájee rá ñɨvɨ ntu kúvi Israel jín rá ñɨvɨ Israel nna̱túꞌún ráa jín rá te̱e nísotíñú nu̱u̱nꞌ ráa, ya̱ saꞌá kini ráa rává jee kuun ráa yu̱u̱ꞌ rává kaꞌniꞌ ráa rává, nékúvi.

Hechos 14:5 Referans Kwoze

Hechos 14:19

I̱ña̱jée nkenta kéꞌín rá ñɨvɨ Israel, ya̱ váji ne̱ rá ñuunꞌ Antioquía jín Iconio. Jee nsi̱ínúꞌ ráa iniꞌ rá ñɨvɨ nkenta si̱kɨ̱ꞌ Bernabé jín Pablo, jee nkuun ráa yu̱u̱ꞌ Pablo. Jee nsi̱yúꞌun ráa maa ne̱ yuñúúnꞌ, chi va̱ níꞌiꞌ re̱ꞌ nkaꞌvi iniꞌ ráa.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

Hechos 17:5

Soo rá ñɨvɨ Israel ya̱ ntu nínúꞌ iniꞌ, jee ñúꞌún kuíñɨ́ iniꞌ ráa néꞌyá ráa Pablo jín Silas. Jee nsi̱kétáꞌán ráa rá te̱e kúxí kánéꞌén ya̱ jíkónúun nu̱yáꞌvi. Jee sáá nsatútú ráa kue̱ꞌe̱ꞌ ñɨvɨ, jee nsa̱ꞌá ráa tu̱ntíxín nu̱u̱nꞌ ñuunꞌ vá. Jee sáá nta̱vi̱ꞌ ráa veꞌi Jasón, nna̱nukú ráa Pablo jín Silas sáva tavaꞌ ráa rává nu̱u̱nꞌ rá ñɨvɨ nkenta yukuán.

Lucas 6:28

ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ váꞌa jie̱ꞌe̱ꞌ rá ñɨvɨ ya̱ chísónínu ráa ránoꞌó nu̱u̱nꞌ ya̱ niva̱ꞌa, jee suni ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ rá ñɨvɨ ya̱ sáꞌá kini ráa ránoꞌó.

Mateo 5:44

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Íyó kunu̱u̱nꞌ rán rá ñɨvɨ túfíꞌ ta̱ꞌán ráa jín ránoꞌó, [jee kachiꞌ rán ya̱ váꞌa nu̱u̱nꞌ rá ñɨvɨ ya̱ chísónínu kini ráa ránoꞌó, jee saꞌá rán ya̱ váꞌa nu̱u̱nꞌ rá ñɨvɨ ya̱ táꞌvi iniꞌ ráa néꞌyá ráa ránoꞌó], jee ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ váꞌa jie̱ꞌe̱ꞌ rá ñɨvɨ [káꞌánꞌ niva̱ꞌa ráa si̱kɨ̱ꞌ rán jee] jíto u̱ꞌvi̱ꞌ ráa ránoꞌó.

Hechos 13:45

Soo sáá niniꞌ rá ñɨvɨ Israel ya̱ kue̱ꞌe̱ꞌ ñɨvɨ nku̱tútú yukuán, jee nñu̱kuíñɨ́ iniꞌ ráa nne̱ꞌyá ráa Pablo. Jee nkachiꞌ ráa ya̱ nátatúꞌún ráa re̱ꞌ. Jee ntenu̱u̱nꞌ ráa re̱ꞌ.

Hechos 13:50

Soo rá ñaꞌan ya̱ néñu̱ꞌun ráña Ndiosíꞌ, ya̱ kúvi ráña ya̱ ñáꞌnú nu̱u̱nꞌ ñuunꞌ vá, jín rá te̱e kúñáꞌnú nu̱u̱nꞌ ñuunꞌ vá, jee rá ñɨvɨ Israel nsi̱ínúꞌ ráa iniꞌ rává, jee nsi̱kántátúꞌun ráa rává sáva saꞌá kini nɨꞌɨ rává Pablo jín Bernabé, jee nta̱níkɨ́nꞌ rává ráa nu̱u̱nꞌ ñuunꞌ rává.

Hechos 14:2

Soo rá ñɨvɨ Israel ya̱ kújiááꞌ iniꞌ, nsi̱sáá ráa xi̱ni̱ꞌ rá ñɨvɨ ntu kúvi Israel nne̱ꞌyá rává rá ñaniꞌ jín rá ku̱ꞌva yɨ́ꞌɨ́ nu̱u̱nꞌ Jesús. Jee nsi̱ínúꞌ ráa iniꞌ rává ya̱ kani niva̱ꞌa iniꞌ rává kune̱ꞌyá rává rá ñaniꞌ.

Hechos 14:4

Soo kue̱ꞌe̱ꞌ rá ñɨvɨ ñuunꞌ sɨ́ɨ́n sɨ́ɨ́n jiáni iniꞌ ráa. Sava ráa íñɨ́ jín rá ñɨvɨ Israel. Jee rá inka ka̱ꞌ íñɨ́ jín rá te̱e nísotíñú apóstol.

2 Corintios 11:26

Kue̱ꞌe̱ꞌ íchí ña̱ꞌa̱nꞌ ni̱ꞌ kue̱ꞌe̱ꞌ nu̱u̱nꞌ. Jee ntaꞌanꞌ ni̱ꞌ tu̱nóꞌó nu̱u̱nꞌ rá ntekáꞌnú. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ kuíꞌná. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ táꞌán ñuunꞌ ni̱ꞌ. Ntaꞌanꞌ ni̱ꞌ tu̱nóꞌó nu̱u̱nꞌ rá ñɨvɨ ntu kúvi Israel. Ntaꞌanꞌ ni̱ꞌ tu̱nóꞌó nu̱u̱nꞌ rá ñuunꞌ. Ntaꞌanꞌ ni̱ꞌ tu̱nóꞌó nu̱u̱nꞌ ñu̱ꞌún saɨn. Ntaꞌanꞌ ni̱ꞌ tu̱nóꞌó nu̱u̱nꞌ nteñúꞌún. Ntaꞌanꞌ ni̱ꞌ tu̱nóꞌó nteñu rá ñɨvɨ ya̱ káchíꞌ nika̱ꞌ ya̱ kúvi ñanitáꞌán‑ó.

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.

1 Tesalonicenses 2:14

Chi, ránoꞌó ñanitáꞌán, nkenta nuún nnoꞌo rán kuéntáꞌ nnoꞌo rá grupo ñɨvɨ, ya̱ ínúꞌ iniꞌ ráa Cristo, ya̱ nééꞌ ráa rá ñuunꞌ tɨ́ɨn Judea, ya̱ yɨ́ꞌɨ́ ráa nu̱u̱nꞌ Ndiosíꞌ jín nu̱u̱nꞌ Cristo Jesús. Chi suni nito u̱ꞌvi̱ꞌ rá táꞌán ránú ránoꞌó, kuéntáꞌ nito u̱ꞌvi̱ꞌ rá táꞌán ñɨvɨ ñuunꞌ ráa Israel maáráa.

1 Tesalonicenses 2:16

Chi núkú ráa jiásɨ́ꞌ ráa nu̱u̱nꞌ ránuꞌuꞌ, sáá káchítu̱ꞌún ránꞌ tu̱ꞌun jie̱ꞌe̱ꞌ Jesús nu̱u̱nꞌ rá ñɨvɨ ntu kúvi Israel, sáva natavaꞌ Ndiosíꞌ rá ñɨvɨ vá nu̱u̱nꞌ kua̱chi ráa nanitáꞌvíꞌ ráa. Suꞌva sukuáni sáꞌá rá ñɨvɨ Israel vá ya̱ núkueꞌeꞌ ka̱ꞌ kua̱chi si̱kɨ̱ꞌ ráa. Saájee ne̱ nkúvi ka̱ꞌ, jee nkenta ya̱ kítɨ́ꞌ iniꞌ Ndiosíꞌ néꞌyá re̱ꞌ ráa jee xinóꞌo re̱ꞌ ráa.